JOSUA 8:35 - Tanou Moonsoi Timugon

³⁵ Moonong susuban ri Musa binasa' ri Josua ra saang ru ngaangai' ulun, nakaaya' bala ruandu' am lalaing, am niayuk ulun bansa' ru bokon ondo' minayan risilo.

JOSUA 8:35 ပူးပေါင်းရင်းမြစ်များ

IJRA 10:1

Liliwa' nantangi' igulatur i Ijra koson makiasi' am mangiou ra saang ru Baloi ru Tuhan. Liliwa' raginio masuang ulun ru Israil – ungkuyon, ruandu' am lalaing – minatong timinimung limpu riso; ilo niayuk sasisikok nantangi'.

NIGIMIA 8:2

Ginio ra inibit ri Ijra kitab no ra saang ru ngaangai' ulun ondo' natitimung. Ilo no ungkuyon, ruandu' am lalaing-lalaing ondo' makarati' ra suang ru kitab no.

NIGIMIA 8:3

Giu' intok malimparang no, maar ra kulobon garabang, nambasa' i Ijra ra Taurat no risilo intor ra susuab polos ra tanga' ru orou, am ilo ngaangai' nangkirongog toojo.

KAINGKUALAN 12:38

Nagibit ilo masuang sapi', domba am kambing. Masuang ulun bansa' ru bokon niayuk minaya' risilo.

JIRIMIA 26:2

indagu Tuhan raki', “Ongoi no bigor giu' ra liliut ru Baloi Kuno am indagu no ra ulun intor ra bandar-bandar ru Jiuda ondo' matong sumambayang ra giu' no. Potonowo' noyo ngaangai' ondo' nanusuban Kuno rirun. Pai' tatango' rondo' ragu pana.

JOIL 2:16

Timungo' ngaangai' mamagun, potomposo' ilo koson pantimungan ru ulun, ibito' ulun matutuo, timungo' anak-anak am lalagang-lalagang niayuk. Mansawo ondo' bagu nagandu' pana musiti' mangiruan ra lamin, am matong.

JAKARIA 8:23

Paat raginio mopor ngaulun bansa' ra bokon matong ra sangulun ru Jaudi am mindagu, ‘Akai niayuk masaga' barakaton koson ramuyun sabap nokorongog akai ri Aki Kapuuno' mabaya' ramuyun.’ ”

MARKUS 10:14

Pakakito i Jisus, sangit Io am indagu ra maamaya' Nano, “Polosoo' noyo lalaing-lalaing no matong Raki'! Pai' min ingai' ilo, sabap ra ulun koson ra lalaing-lalaing ti noyo masauk ra ulun ri Aki Kapuuno'.

RINALATAN 20:27

Kalo igondo' aku nompoloso ra kandoi kutu koson mambala' ramuyun ra ngaangai' kasagaan ri Aki Kapuuno' no ramuyun.

RINALATAN 21:5

Kaa' nasuku' noyo orou ugaran mai, ugar akai ayuk manunggul ra pangkiralanan mai ti. Ngaangai' ilo nabaya' ra andu' am anak nilai pana nangator ramon polos ra liwar ru bandar. Giu' ra nagas ru raat i, igulatur akai ngaangai' am pakiasi'.

SAGULION 29:10

“Paat ra orou raiti' migor kau ngaangai' ra saang ru Tuhan i Aki Kapuuno' min: ngaangai' tingganai, pagawai, bala ru ungkuyon,

SAGULION 29:11

bala ru ruandu', lalaing am ulun bansa' ru bokon ondo' minayan ramuyun, ondo' namutul ra tataun am niayuk nansagou ramuyun ra timug.

SAGULION 29:9

Gagayaa' noyo toojo ngaangai' kitaak ru nabantuan ti maa' raginio makasugut kau ralalom ngaangai' ru kandoi min.

SAGULION 31:12

Susubo' noyo ngaangai' ungkuyon, ruandu', lalaing-lalaing am ulun bansa' ru bokon ondo' minayan ra bandar min, maa' raginio ngaangai' ulun mokorongog ra pambasaan ru Ukum am migila' mangurumat ra Tuhan i Aki Kapuuno' min, am niayuk gumagaya' toojo ra pangilaan Nano.

SAGULION 4:2

Pai' ruangi' sanganu pana am pai' irurui' sanganu pana ra atan ondo' nanusuban kuno. Gagayaa' noyo susuban ru Tuhan i Aki Kapuuno' min ondo' pinasaboi ku noyo ramuyun.