JOSUA 8:33 - Tanou Moonsoi Timugon

³³ Ulun ru Israil nababaya' ra tingganai-tingganai, pagawai-pagawai am akim-akim nilo, am niayuk ulun bansa' ru bokon ondo' minayan risilo, minigor ra karuo-ruo sapapa' ru Kaban Nabantuan. Timiningkuang ilo ra imam-imam bansa' ru Liwi ondo' nansaan ra Kaban no. Sampiruo intor ra ulun ru Israil timiningkuang ra Gunung Girijim am sampiruo poyo timiningkuang ra Gunung Ibal. I Musa, ulipon ru Tuhan nanaak noyo risilo ra susuban koson mambaal raginio masaboi paat ra ilo barakaton.

JOSUA 8:33 ပူးပေါင်းရင်းမြစ်များ

KAINGKUALAN 12:49

Kaulayan ra nogondo' masauk niayuk ra ulun ru Israil am ulun bansa' ru bokon ondo' minayan ramuyun.”

IMAMAT 24:22

Matiu' kau ngaangai' ru ukum ragitio, iou ra ulun ru Israil am niayuk ulun bansa' ru bokon ondo' minayan ra tatanga' min, sabap ra Aku noyo Tuhan i Aki Kapuuno' min.”

UNTABAN 15:15

Koson ra paat kolondo' pupus, aturan ra mogondo' masauk ramuyun am ra ulun bansa' ra bokon ondo' minayan ramuyun. Akau am ilo nogondo' ayuk ra saang ru Tuhan;

UNTABAN 15:16

ukum am aturan ondo' nogondo' masauk ramuyun am ilo.

UNTABAN 15:29

Aturan ra nogondo' masauk ra ngaangai' ulun ondo' makatula am kalo singonon, iou ra ulun ru Israil am niayuk ulun bansa' ru bokon ondo' minayan ramuyun.

JUANIS 4:20

Kinamatuaan maili siminamba ri Aki Kapuuno' ra bulur ti, kaa' akau ulun ru Jaudi mindagu ra giu' ra bandar Jirusalim ayuk intok sumamba ri Aki Kapuuno'.”

SAGULION 11:29

Paat nagibit Tuhan ramuyun mongoi ra tana' ondo' ayanin mino, musiti' kau mampatanou ra barakat intor rasawat ru Gunung Girijim am ulas intor rasawat ru Gunung Ibal. (

SAGULION 31:12

Susubo' noyo ngaangai' ungkuyon, ruandu', lalaing-lalaing am ulun bansa' ru bokon ondo' minayan ra bandar min, maa' raginio ngaangai' ulun mokorongog ra pambasaan ru Ukum am migila' mangurumat ra Tuhan i Aki Kapuuno' min, am niayuk gumagaya' toojo ra pangilaan Nano.

SAGULION 31:25

Kakai' io nanulis raginio, indagu io ra imam-imam ru Liwi ondo' nanalingapu ra Kaban Nabantuan ru Tuhan,

SAGULION 31:9

I Musa pana nanulis boo ra Ukum ri Aki Kapuuno' no am taaki' no ra imam-imam Liwi ondo' nanalingapu ra Kaban Nabantuan ru Tuhan am ra tingganai-tingganai ru ulun ru Israil.

JOSUA 23:2

Io pana nanimung ra ngaangai' ulun ru Israil, nakaaya' ngaangai' tuu' lair, ngaangai' tingganai, ngaangai' akim am ngaangai' pagawai, am indagu i Josua, “Raino matutuo aku noyo kaga'.

JOSUA 24:1

Tinimung ri Josua ngaangai' bansa' ru Israil giu' ra Sikgim. Nampiau io ra ngaangai' tuu' lair, ngaangai' tingganai, ngaangai' akim am ngaangai' pagawai ru Israil, am timung ilo giu' ra saang ri Aki Kapuuno'.

JOSUA 3:14

Paat raginio mangkumos am koson ra kaindalaman, nampaliur Sungoi Jordan. Paat ra ulun ru Israil nangiruan ra pangkiman koson lumaup ra Sungoi Jordan, imam-imam ondo' nansaan ra Kaban Nabantuan minugar ra saang nilo. Makatapung ayuk kalayam ru imam-imam no ralalom ru timug,

JOSUA 3:3

am indagu ra ulun ru Israil, “Paat ra akau makakito ra imam-imam magibit ra Kaban Nabantuan ru Tuhan i Aki Kapuuno' min, ugar noyo am baya' noyo risilo.

JOSUA 3:6

I Josua pana nanusub ra imam-imam nangkayang ra Kaban Nabantuan am minugar siminigulu ra ulun ru Israil. Imam-imam no pana nambaal koson raginio.

JOSUA 4:10

Imam-imam minigor ra tatanga' ru Sungoi Jordan saboi ngaangai' ondo' nanusuban ru Tuhan ri Josua nabaal ru ulun raginio. Ginio noyo ondo' nanusuban ri Musa ri Josua. Liminaup ulun ru Israil ra sungoi ra mataki'

JOSUA 4:18

Pakasaboi imam-imam no ra tobo ru sungoi, timinilis poyo timug ru sungoi am nampaliur koson ra talimpuun.

JOSUA 6:6

Nampiau i Josua ra imam-imam am indagu risilo, “Saani' noyo Kaban Nabantuan, am tulu' ngaulun ramuyun musiti' mugar giu' ra saang no magibit ra bujung.”