JOSUA 6:26 - Tanou Moonsoi Timugon

²⁶ Paat raginio napatanou i Josua ra pangkaraan ragitio, “Osoi ondo' kuminam mambaal saguli' ra bandar Jiriko ulason ru Tuhan. Osoi ondo' mapabanta' ra batu maatang no matatakan ra anak katuaan. Osoi ondo' mambaal ra kulobon garabang no matatakan ra anak pupusan.”

JOSUA 6:26 ပူးပေါင်းရင်းမြစ်များ

1 RAJA'-RAJA' 16:34

Paat ra pamarintaan nano, i Giil intor ra Bitil, nambaal saguli' ra bandar Jiriko. Koson ondo' igondo' pinaragu ru Tuhan ondo' pinabala' galing ri Josua anak ri Nun, anak ungkuyon ra katuaan ri Giil ondo' inggalan nano i Abiram, matoi paat ri Giil mapabanta' ra lugu' maatang ru bandar Jiriko. Anak ungkuyon ra pupusan ri Giil ondo' inggalan nano i Sigub niayuk minatoi paat ri Giil mapatakin ra kulobon garabang ru bandar raginio.

1 RAJA'-RAJA' 22:16

Kaa' indagu Raja' Agab, “Amon ru mindagu kou raki' ralalom inggalan ru Tuhan, indagu no ra motopot. Ingkula' aku musiti' mapakara' rirun ra baal ragitio?”

2 RAJA'-RAJA' 2:4

I Ilia pana mindagu boo ri Ilisa, “Soroi ayuk ragiti; Tuhan no nanusub noyo raki' mongoi ra Jiriko.” Kaa' taam i Ilisa, “Magibot aku sabap ra gagaya' kuno ra Tuhan ondo' maayag am okou ra kalo iruanin tokou.” Ginio ra ilo ruo minongoi ra Jiriko.

MALIAKI 1:4

Amon ru papag ri Isau, iono ulun ru Idom mindagu, “Bandar maino pinuso noyo kaa' baalon mai sagulio',” am Tuhan Ondo' Maayo Kaga' Kuasa' pana tumaam, “Polosoon ilo mambaal raginio saguli', kaa' lunsayon Ku poyo. Ulun manabit risilo ‘Pagun malaat’ am ‘Bansa' ondo' sinangitan ru Tuhan ra sabubuoi no.’ ”

MATIUS 26:63

Nongkoror ayuk i Jisus. Igondo' poyo Tingganai Maayo Imam Jaudi ti mangkuot Riso, “Ralalom inggalan ri Aki Kapuuno' ondo' naayag, balai' akai, Okou kia Mamamayag ondo' sinusub ri Aki Kapuuno', ioginio Anak ri Aki Kapuuno'?”

RINALATAN 19:13

Mokoondo' poyo kukula' ngaulun ru Jaudi ondo' mangkiralan ra ati ayuk intok koson mampagiru' ra riwato intor ra ulun sinubol. Ilo pana nangkinam mampagiru' ra riwato ralalom inggalan ri Jisus, konilo ra riwato, “Ralalom inggalan ri Jisus ondo' pabalaan ri Paulus no, pagiruon tokou!”

JOSUA 16:7

Balitan raginio pana tumuun intor ra Janoa mongoi ra Atarot am Nagarat, saboi ra Jiriko am polos no giu' ra Sungoi Jordan.