JOSUA 6:25 - Tanou Moonsoi Timugon

²⁵ Kaa' binayag ri Josua i Ragab, ruandu' mantalan ra inan no am ngaangai' sasambaloi nano sabap binuni no ruo ngaulun pansigo ondo' sinusub ri Josua minongoi ra bandar Jiriko. (Papag ri Ragab minayan ra pagun ru Israil saboi ra orou raiti'.)

JOSUA 6:25 ပူးပေါင်းရင်းမြစ်များ

MATIUS 1:5

i Salmon ama' ri Boas; (ina' nali i Ragab); i Boas ama' ri Obid (ina' nali i Rut); i Obid ama' ri Isai;

RINALATAN 2:21

Paat raginio, osoi ayuk makiindangan ra Tuhan, bayagon io.’

IBRANI 11:31

Sabap ra pangintapatan noyo, i Ragab, ondo' ragili nantalan ra inan nali, kalo minatoi nabaya' ra mamagun ru bandar Jiriko ondo' kalo giminagaya' ri Aki Kapuuno', sabap ra nangapu io ra ulun ru Israil ondo' minongoi pansigo ra bandar i.

JAKUBUS 2:25

Koson niayuk i Ragab ragili, sangulun ruandu' mantatalan ra inan. Inapu io ri Aki Kapuuno' sabap ra binaal moonsoi nali. Nambuni io giu' ra baloi nali kukula' ngaulun ru Jaudi ondo' minongoi pansigo i, am nanulu' io poyo risilo ra ralan pagiruan.

JOSUA 2:1

I Josua pana nangator ra ruo ngaulun pansigo intor ra pangkiman giu' ra Sitim mongoi ra Kanaan. Sinusub ilo maa' raginio lumiput ra tana' ru Kanaan koson mangintutun ra sinokon, mulu' poyo toojo bandar Jiriko. Pakasaboi ilo ra bandar no, minayan ilo ra sangulun ruandu' mantalan ra inan inggalan no i Ragab.

JOSUA 2:18

Baalo' noyo baal ragitio. Paat bulunsaron mai pagun min, pobongkoso' tali malia' ti ra gigimpalan ru intok napatuunan muno ramon. Timungo' noyo ina' ama' muno, pabukat-pabukat muno am ngaangai' pabukat ru ama' muno ra baloi mutu.

JOSUA 2:4

Taam ri Ragab, “Topot mokoondo' kukula' ngaulun minatong ra baloi kutu, kaa' kalo nakapandai aku ati intor nilo. Minugar ilo paat ra palunggai' ti, ra kalo poyo inangaban kulobon garabang. Kalo nangkuot aku ati angayan nilo kaa' amon ru ilowon ilo ra mataki', marakop ilo.” (Ati ka pinasibuni ri Ragab ruo ngaulun pansigo no giu' rasawat ru taap ru baloi ondo' marata', giu' ragana' ru pupug ru rami, ondo' pinabanta' no ra giu' no.)

JOSUA 4:9

Pinatampas niayuk ri Josua mopor am ruo batu giu' ra tatanga' ru Sungoi Jordan, intok binigaran ru imam-imam no. (Soroi poyo batu-batu ra giu' no saboi raino).