JOSUA 6:24 - Tanou Moonsoi Timugon

²⁴ Bagu solobo' nilo bandar no am ngaangai' ondo' soroi ra giu' no saboi mapuso, ondo' ayuk am kuliamos ondo' binaal intor ra mas, pirok, gangsa' am basi'. Nangalap ilo ngaangai' ra kuliamos raginio am inibit ra intok pambulian ra rapu' ru Tuhan.

JOSUA 6:24 ပူးပေါင်းရင်းမြစ်များ

2 SAMUIL 10:5

Ngaangai' ulun sinusub no mauyu' kaga' koson muli'. Paat ra baal raginio pinabala' ra Raja' Daut, pangator io ra bilin koson ulun-ulun sinusub no mayan ra Jiriko saboi ra jangut nilo tumuu' saguli'.

2 RAJA'-RAJA' 25:9

Sinolob ri Nibujaradan Baloi ru Tuhan, istana am baloi ru ulun mauligan kaga' giu' ra Jirusalim.

1 TUNUNG RU BANSA' ISRAIL 18:11

Pinataak ru Raja' Daut ngaangai' tangguang no ra Tuhan koson pakayon ralalom ru upacara sambayang. Koon niayuk ra ondo' binaal ru Raja' Daut am kuliamos pirok am mas ondo' inalap nano intor ra bansa'-bansa' ondo' kinala nano, iono bansa' ru Idom, Moab, Amon, Palistin am Amalik.

UNTABAN 31:10

Nonolob ilo niayuk ra bandar-bandar am pangkiman-pangkiman ru ulun ru Midian.

SAGULION 13:16

Timungo' noyo ngaangai' rapu' ru mamagun ru bandar raginio am pabantaa' ngaangai' no giu' ra padang ru bandar. Solobo' boo bandar raginio am ngaangai' soroi ra ralalom no koson ra taak ra Tuhan i Aki Kapuuno' min. Bandar raginio musiti' polosoon masauk ra nangatuyas ra sabuoi-buoi no, am lingon kalo baalon saguli'.

SAGULION 13:17

Pai' alap ra atan pana ondo' inulas noyo ra pusoon, am tumalikur Tuhan intor ra sangit Nano am makaasi' ramuyun. Makaasi' Io ramuyun am masauk kau ra bansa' ondo' maayo suang nano, koson ra ondo' binantu' Nano ra kinamatuaan mini.

SAGULION 20:16

Kaa' paat ra akau mampagaau ra bandar-bandar giu' ra pagun ondo' pataakin ramuyun ru Tuhan i Aki Kapuuno' min, potoyo' noyo ngaangai' ulun ra giu' no.

JOSUA 11:11

Namatoi i Josua am saujor nano ra ngaangai' ulun ra giu' no; kalo pinoloso nilo sangulun pana naayag. Ilo niayuk nonolob ra bandar no.

JOSUA 6:19

Ngaangai' kuliamos ondo' binaal intor ra pirok, mas, gangsa' kapoam basi' musiti' pasuayon tayar ru Tuhan. Kuliamos-kuliamos raginio ibiton ra intok pambulian ra rapu' ru Tuhan.”

JOSUA 6:25

Kaa' binayag ri Josua i Ragab, ruandu' mantalan ra inan no am ngaangai' sasambaloi nano sabap binuni no ruo ngaulun pansigo ondo' sinusub ri Josua minongoi ra bandar Jiriko. (Papag ri Ragab minayan ra pagun ru Israil saboi ra orou raiti'.)

JOSUA 8:28

Nonolob i Josua ra bandar Ai am nompoloso raginio nasauk nangatuyas. Baal ru bandar no lakat poyo koson raginio saboi ra orou raiti'.

PINAINTALANG 17:16

Mopor sangau am poyo bibiag masigo ondo' nakito muno masisang ilo ra ruandu' ondo' mantatalan ra inan nano. Gaawon nilo atan ondo' soroi riso no am iruanin nilo io ra magibaang. Akanon nilo umas nano am umpoon io ra apui.

PINAINTALANG 18:8

Sabap raginio, ralalom songorou ayuk matiu' ilo ra sauk malaat: maruol, guang mangiluk am bitilan. Bandar nilo umpoon ra apui, sabap ra i Aki Kapuuno', Tuhan ondo' Maayo Kaga' Kuasa', mangukum risilo.”