JOSUA 6:23 - Tanou Moonsoi Timugon

²³ Ginio ra ugar ilo nagibit ri Ragab miningkual nababaya' ra ina' ama', pabukat-pabukat, am ngaangai' sasambaloi nano. Binayag nilo ngaangai' ulun no, pabukat ru sasambaloi ri Ragab am poyo ulipon-ulipon nano, am nagibit risilo mongoi ra intok matanda', maar ra pangkiman ru Israil.

JOSUA 6:23 ပူးပေါင်းရင်းမြစ်များ

KASAUKAN 12:2

Mangani' Aku rirun ra papag ondo' masuang am masauk ilo ra bansa' maayo. Mambarakat Aku rirun am masauk boo inggalan muno ra mauligan kaga' saboi alapon kou mambarakat ra ulun bokon.

KASAUKAN 18:24

Amon ru makalimo ngoopor ngaulun kolondo' sala ralalom bandar no, pusoon Mu kia ngaangai'? Kalo kia ampunon Mu koson mamayag ra limo ngoopor ngaulun no?

KASAUKAN 19:29

Kaa' paat ri Aki Kapuuno' namuso ra bandar-bandar raginio am limayak ondo' inayanan ri Lot, nakakara' Io ri Abragam am pangindangan Io ri Lot nagiru'.

UNTABAN 31:19

Ngaangai' ulun ra popolos min ondo' namatoi noyo ra ulun, kapoam ondo' nangambong noyo ra baangkai moonsoi mayan ra liwar ru pangkiman buoi katuluan. Paat ra orou ra katalu am orou ra katulu', akau musiti' mambaal ra upacara pamasawan ra inan mabaya' ra ngaangai' ruandu' ondo' rinakop min noyo.

RINALATAN 10:28

Indagu i Pitrus risilo, “Akau galama' nakapandai ra maya' ra kaulayan ru ugama Jaudi, ulun ru Jaudi kalo makasubol ra baloi ru ulun sala' ka Jaudi kapoam kumubayau risilo. Kaa' i Aki Kapuuno' nampakito noyo raki' ra kalo noyo karaan ku ra ulun bokon malaat kapoam majamol.

RINALATAN 27:24

Indagu malaikat i, ‘Pai' kalaa' Paulus! Makauma' kou niayuk ra Kaisar. Ra mataau i Aki Kapuuno' ra ulun nabaya' rirun ra kapal ti, ra ilo pana maayag mabaya' rirun.’

1 KORINTUS 5:12

Sala' ka aku ra kandoi mangakim ra ulun ondo' sala' ka Kristian. I Aki Kapuuno' galama' ondo' mangakim risilo. Kaa' sotopot no sala' kia ka akau no galama' mangakim ra ulun Kristian intor ra pasimpungan mino? Koson tinulisan ra Buuk Kitab, “Pasuayo' noyo ulun malaat intor ra pasimpungan mino.”

IPISUS 2:12

Paat ragili maalur kau intor ri Kristus. Akau ti nogondo' ra ulun bansa' ru bokon am sala' ka tayar kau ru ulun pinili' ri Aki Kapuuno', am kolondo' tayar min ra atan ayuk nabantuan ondo' inaru' ri Aki Kapuuno' koson risilo. Kolondo' kalansanan kapoam kaintutunan min ri Aki Kapuuno' ralalom ru kaayagan min.

IBRANI 11:31

Sabap ra pangintapatan noyo, i Ragab, ondo' ragili nantalan ra inan nali, kalo minatoi nabaya' ra mamagun ru bandar Jiriko ondo' kalo giminagaya' ri Aki Kapuuno', sabap ra nangapu io ra ulun ru Israil ondo' minongoi pansigo ra bandar i.

IBRANI 11:7

Sabap ra pangintapatan noyo, i Nuu binalaan ri Aki Kapuuno' intor ra sauk ondo' matong no, ondo' kalo poyo nakito nali. Ginio boo ra io giminagaya' ra ragu ri Aki Kapuuno' am nambaal ra kapal maayo, am mansail raginio noyo ilo ngaangai' sambaloi binayag. Nampakito i Nuu ra ulun ru tana' ti ra ukumin ilo ri Aki Kapuuno', am sabap ra pangintapatan nali, iniou io ri Aki Kapuuno' koson sangulun motopot.

JOSUA 2:13

Bantuo' noyo raki' ra bayagon min matuo kuno am pabukat kuno ra ungkuyon am ruandu', am niayuk ngaangai' sasambaloi nilo. Pai' polosoo' akai potoyon!”

JOSUA 2:16

Indagu i Ragab, “Ongoi no ra intok kabuluran maa' raginio kalo matuum kau ru ulun-ulun sinusub ru raja' no. Pansibuni kau ra giu' no buoi talu ngoorou saboi ulun-ulun sinusub no sumaguli'. Rayusi' min boo pangkiralanan min.”

JOSUA 2:18

Baalo' noyo baal ragitio. Paat bulunsaron mai pagun min, pobongkoso' tali malia' ti ra gigimpalan ru intok napatuunan muno ramon. Timungo' noyo ina' ama' muno, pabukat-pabukat muno am ngaangai' pabukat ru ama' muno ra baloi mutu.

TINGGANAI RU BANSA' 1:25

Nanulu' ungkuyon no risilo ra ralan mumpos ra bandar no. Kopongo raginio ulun intor ra bansa' ru Ipraim am bansa' ru Manasi minumpos ra bandar no am namatoi ra ngaangai' mamagun no, ondo' ayuk am ungkuyon no am sasambaloi nano.