JOSUA 6:22 - Tanou Moonsoi Timugon

²² Indagu i Josua ra ruo ngaulun ondo' ragili nangandoi koson ulun pansigo, “Ongoi noyo ra baloi ru mantalan ra inan no, am ibito' io am sasambaloi nano mingkual koson ondo' binantu' min riso.”

JOSUA 6:22 ပူးပေါင်းရင်းမြစ်များ

2 SAMUIL 21:2

Ulun ru Gibion sala' ka ulun ru Israil; ilo no santimungan boborok bansa' ru Amori. Ulun ru Israil nambantu' koson manindung risilo, kaa' Raja' Saul minirot koson mamuso risilo sabap ra magalung io ra kaatangan ru ulun ru Israil am Jiuda.)

2 SAMUIL 21:7

Sabap ra Raja' Daut am i Jonatan nagibot noyo ra rondo' am bokon, kalo pinataak ru Raja' Daut i Mipibosit anak ri Jonatan, akupu ru Raja' Saul no risilo.

MAZMUR 15:4

ondo' magasab ra ulun ra kalo kasagain ri Aki Kapuuno', kaa' mangurumat ra ulun ondo' gumagaya' ra Tuhan; ondo' magail manugut ra bantu' nilo, kabalu' pana papalo nilo ayuk;

YEHEZKIEL 17:13

Magibit io sangulun ra sasambaloi ru raja' am makimabantu' riso, am manusub riso magibot ra gumagaya' riso. Rokopon ru raja' ru Babilonia tingganai-tingganai ru Jirusalim

YEHEZKIEL 17:16

Indagu Tuhan Raja', “Sabap ra Aku, i Aki Kapuuno' ondo' maayag, raja' ru Jiuda matoi giu' ra Babilonia, sabap ra liminungkang ra ibot am nabantuan nano ra raja' ru Babilonia ondo' nampasauk riso ra raja'.

IBRANI 11:31

Sabap ra pangintapatan noyo, i Ragab, ondo' ragili nantalan ra inan nali, kalo minatoi nabaya' ra mamagun ru bandar Jiriko ondo' kalo giminagaya' ri Aki Kapuuno', sabap ra nangapu io ra ulun ru Israil ondo' minongoi pansigo ra bandar i.

JOSUA 6:17

Bandar no am ngaangai' ra giu' no musiti' pusoon lingono' koson taak ra Tuhan. I Ragab ayuk am sasambaloi nano ondo' bayagon, sabap pinasibuni no ulun pansigo takau.

JOSUA 6:23

Ginio ra ugar ilo nagibit ri Ragab miningkual nababaya' ra ina' ama', pabukat-pabukat, am ngaangai' sasambaloi nano. Binayag nilo ngaangai' ulun no, pabukat ru sasambaloi ri Ragab am poyo ulipon-ulipon nano, am nagibit risilo mongoi ra intok matanda', maar ra pangkiman ru Israil.

JOSUA 9:15

Nakimabantu' i Josua ra nabantuan pabansayan ra ngaangai' ulun ru Gibion no am nambantu' ra kalo mamatoi risilo. Nagibot ulun ru Israil koson mampaguut ra nabantuan no.

TINGGANAI RU BANSA' 1:25

Nanulu' ungkuyon no risilo ra ralan mumpos ra bandar no. Kopongo raginio ulun intor ra bansa' ru Ipraim am bansa' ru Manasi minumpos ra bandar no am namatoi ra ngaangai' mamagun no, ondo' ayuk am ungkuyon no am sasambaloi nano.