JOSUA 6:20 - Tanou Moonsoi Timugon

²⁰ Imam-imam no pana nanamput ra bujung. Kaining ayuk ru saujor-saujor ginio, golok ilo ra mosongou, am napuut timbok ru bandar Jiriko. Ngaangai' pulalai ru saujor pana narayus nagaloi ra bandar no, am namulunsar am nampagaau raginio.

JOSUA 6:20 ပူးပေါင်းရင်းမြစ်များ

2 TUNUNG RU BANSA' ISRAIL 13:15

Kopongo raginio saujor ru Jiuda giminolok ra mosongou, am ragana' ru naningganayan ru Raja' Abia, namulunsar ilo. Kinala ri Aki Kapuuno' Raja' Jirobiam am saujor ru Israil.

JIPANYA 1:16

Monsongorou no morongog bolos ru bujung am golok ru pangayawan intor ra saujor-saujor ondo' mamulunsar ra bandar-bandar mokoondo' ra kubu am manara-manara masawat.

IBRANI 11:30

Sabap ra pangintapatan noyo, timbok ru bandar Jiriko nalunsai, nalupus ulun ru Israil liminiput ra intok ti buoi natuluan.

JOSUA 6:5

Mopongo raginio ilo musiti' manamput ra bujung ra bolos ondo' maawar, am morongog min ayuk ginio, ngaangai' ulun musiti' gumolok ra mosongou, am mapuut boo timbok ru bandar no. Paat raginio ngaangai' saujor muno musiti' marayus mumpos ra bandar no.”

1 SAMUIL 4:5

Paat ra Kaban Nabantuan no nakasaboi ra pangkiman, noloos saujor ru Israil ra mapuor kaga' sabap ra naansukan, saboi tana' ti mapuyu'.