JOSUA 6:19 - Tanou Moonsoi Timugon

¹⁹ Ngaangai' kuliamos ondo' binaal intor ra pirok, mas, gangsa' kapoam basi' musiti' pasuayon tayar ru Tuhan. Kuliamos-kuliamos raginio ibiton ra intok pambulian ra rapu' ru Tuhan.”

JOSUA 6:19 ပူးပေါင်းရင်းမြစ်များ

2 SAMUIL 8:11

Pinataak ru Raja' Daut ngaangai' tangguang no ra Tuhan koson pakayon ralalom ru sambayang. Koon niayuk binaal nano ra mas am pirok ondo' ginaau intor ra pagun ondo' kinala nano,

1 RAJA'-RAJA' 14:26

Nampagaau Raja' Sisak ra ngaangai' rapu' giu' ra Baloi ru Tuhan am giu' ra istana, nakaaya' perisai-perisai mas ondo' binaal ru Raja' Salomo.

1 RAJA'-RAJA' 7:51

Kopongo Raja' Salomo nambaal ra Baloi ru Tuhan, nambuli io ra pirok, mas am kakamot ra bokon ondo' patimpokon ra Tuhan ru Raja' Daut, ama' nano. Kakamot-kakamot raginio pinauli giu' ra ralalom ru stor-stor ru Baloi ru Tuhan.

2 RAJA'-RAJA' 24:13

Kuliamos giu' ra Baloi ru Tuhan am istana inibit ru Raja' Nibukadnijar ra Babil. Koson ra ondo' rinagu noyo ru Tuhan, inumok ru Raja' Nibukadnijar ngaangai' kuliamos mas ondo' binaal ru Raja' Salomo ondo' pinakai giu' ra Baloi ru Tuhan.

1 TUNUNG RU BANSA' ISRAIL 18:11

Pinataak ru Raja' Daut ngaangai' tangguang no ra Tuhan koson pakayon ralalom ru upacara sambayang. Koon niayuk ra ondo' binaal ru Raja' Daut am kuliamos pirok am mas ondo' inalap nano intor ra bansa'-bansa' ondo' kinala nano, iono bansa' ru Idom, Moab, Amon, Palistin am Amalik.

1 TUNUNG RU BANSA' ISRAIL 26:20

Ulun ra bokon ralalom bansa' ru Liwi inanian ra kandoi manalingapu ra kuliamos ru Baloi ru Tuhan am gudang pambulian ra ondo' tinaakan-tinaakan ra tayar ri Aki Kapuuno'.

1 TUNUNG RU BANSA' ISRAIL 26:26

I Silomit am pabukat-pabukat nano inanian ra kandoi manalingapu ra ngaangai' tinaakan ondo' pinataak ru Raja' Daut, tingganai-tingganai ru sasambaloi, tingganai-tingganai ru bansa' am panglima-panglima ru saujor.

1 TUNUNG RU BANSA' ISRAIL 26:27

Santayaran intor ra kuliamos tinakou ondo' noowot ralalom ru pangayawan, pinataak nilo koson pakayon ayuk giu' ra ralalom Baloi ru Tuhan.

1 TUNUNG RU BANSA' ISRAIL 26:28

I Silomit am sasambaloi nano pinalansanan kandoi manalingapu ra ngaangai' ondo' tinaakan koson pakayon ayuk giu' ra ralalom Baloi ru Tuhan, nakaaya' ngaangai' taak ondo' tinaakan ru Nabi Samuil, Raja' Saul, Abnir anak ri Nir am i Joab anak ri Jiruya.

1 TUNUNG RU BANSA' ISRAIL 28:12

Nampataak Raja' Daut ri Salomo ra ngaangai' pelan ondo' ginuang nano, iono pelan ru liliut-liliut am lamin-lamin ra liliut nano, am pelan ru gudang-gudang ru kuliamos ru Baloi ru Tuhan, am niayuk pelan ru gudang-gudang pambulian ra ondo' pinataak ra Tuhan.

2 TUNUNG RU BANSA' ISRAIL 15:18

Pinabanta' no ngaangai' kuliamos ondo' patimpokon noyo ru ama' nali, giu' ra ralalom Baloi ru Tuhan. Giu' no Raja' Asa niayuk nampabanta' ra kuliamos-kuliamos mas am pirok ondo' patimpokon nano galama'.

2 TUNUNG RU BANSA' ISRAIL 31:12

am nambuli ra ngaangai' taak am sampiopor giu' ra ralalom ru intok-intok pambulian no. Nampili' ilo ra sangulun Liwi ininggalanan ri Konanya koson manalingapu ra kuliamos no, am boborok nano, i Simii koson mangindangan riso.

NIGIMIA 10:38

Sangulun imam papag ri Arun musiti' mabaya' ra ulun ru Liwi bulintok taak sampiopor no umungon. Ulun ru Liwi musiti' mambuli sampiopor intor ra ngaangai' taak sampiopor no giu' ra ralalom ru intok-intok pambulian ra ulaan giu' ra Baloi ru Tuhan.

JIRIMIA 38:11

Minongoi i Ibid-Milik nabaya' ra talu ngaulun no ra gudang ru istana am nangalap ra konoon-konoon lair, am patuuno' no ra kalat raki'.

IMAMAT 19:24

Paat ra bilor kaapat, musiti' ngaangai' kawa' no patimpokon koson ra taak mambala' ra paringkuanangan min Raki', Tuhan.

MIKA 4:13

Indagu Tuhan, “Mamagun ru Jirusalim kau ngai', ongoyo' ukumi' pantula' min! Mampasauk Aku ramuyun maikang koson ra sapi' ungkuyon ondo' makasangau basi' am makasalindu ra tambaga'. Masuang bansa' pinuso min, am kalangkayaan nilo ondo' naalap ralalom ru kalaatan masauk ra pataakon min Raki', Tuhan ru limbowon am tana' ti.”

UNTABAN 31:11

Ulun ru Israil pana nangalap ra ngaangai' kuliamos ginaau no, nakaaya' ulun rinakop am bibiag tinambiag.

UNTABAN 31:12

Inibit nilo ngaangai' no ri Musa, ri Iliajar am ulun ru Israil ondo' tatanga' nangkim giu' ra tana' marata' Moab, giu' ra sandaup ru Sungoi Jordan, nantaluma' ra bandar Jiriko.

UNTABAN 31:22

Ngaangai' ondo' kalo mosolob ru apui, koson ra mas, pirok, gangsa', basi', timah, mapulak kapoam timah maitom musiti' kapasawon ra pasailon ra ralalom ru apui. Ngaangai' kuliamos ra bokon ondo' mosolob ru apui musiti' kapasawon ra timug ru upacara pamasawan.

MATIUS 27:6

Anamo' ru tingganai-tingganai imam Jaudi ruit no am indagu, “Ruit ragitio alig ru raraa'. Sumugut ra Ukum ri Musa ruit ragitio kalo moonsoi pasubolon ra ralalom kaban panimungan ra ruit ru Baloi Tuhan takau ti.”

MARKUS 12:41

Paat ri Jisus nanturung maar ra kaban panimungan ra ruit ru Baloi Tuhan i, tantangin No ngaangai' ulun ondo' mampasubol ra ruit nilo ra kaban no. Masuang ruit pasuangon ru ulun langkaya'.

JOSUA 7:11

Makatula noyo ulun ru Israil! Liminungkang ilo ra nabantuan ondo' pinaguutan Kuno risilo. Nangalap ilo ra santayaran kuliamos ondo' pusoon sotopot no. Nantakou ilo ra kuliamos-kuliamos am pagabau poyo. Binulian nilo pabayaa' ra kuliamos nilo galama'.