JOSUA 6:18 - Tanou Moonsoi Timugon

¹⁸ Kalo pangalapon kau ra atan pana ondo' musiti' pusoon. Amon ru mangalap kau raginio, maparatong kau ra kapaganan am kapusaan ra pangkiman ru Israil.

JOSUA 6:18 ပူးပေါင်းရင်းမြစ်များ

2 SAMUIL 21:1

Paat ra pamarintaan ru Raja' Daut, bitilan ra mapaja' kaga' igondo' nasauk buoi talu ngambilor. Ginio ra pangkuot Raja' Daut ra Tuhan, am taam Tuhan, “Raja' Saul am sasambaloi nano natulaan noyo. Namatoi ilo ra ulun ru Gibion.” (

MAMPATANOU 9:18

Kapintaran moonsoi poyo intor ra kinandoi pangayawan, kaa' sangulun makatula nampalunsai ra masuang baal ondo' moonsoi.

JUNUS 1:12

Taam i Junus, “Patiri' min aku ralalom ru raat, am maaru' bagiu' mapuor ti luminos. Nakapandai aku no ra aku ti nangkinibit ra bagiu' ondo' mapuor kaga' ondo' liminumpa' ramuyun.”

ROMA 12:9

Tagami' noyo ulun bokon ra totopot ru guang min. Kasisangi' min baal ra malaat am rayuso' min mambaal ra moonsoi.

2 KORINTUS 6:17

Sabap raginio, Inggalur kano ra ulun ondo' kalo makaulig ri Aki Kapuuno', am niayuk tuliar kau risilo. Pai' kau pangambong ra atan ayuk majamol, am apuon takamin.

IPISUS 5:11

Pai' pagibaya' ra sauk ru kalandaman ondo' kolondo' ampos moonsoi. Kaa' pabalaa' noyo baal koson raginio.

SAGULION 13:17

Pai' alap ra atan pana ondo' inulas noyo ra pusoon, am tumalikur Tuhan intor ra sangit Nano am makaasi' ramuyun. Makaasi' Io ramuyun am masauk kau ra bansa' ondo' maayo suang nano, koson ra ondo' binantu' Nano ra kinamatuaan mini.

SAGULION 23:10

Paat ra sasangulun masauk ra majamol sabap nangingkual ra uwa' paat ra rondom, musiti' io mingkual intor ra pangkiman am mayan ra giu' no.

SAGULION 7:26

Pai' pagibit ra rondo' pana sinungkalalaing no ra baloi min. Amon magibit kau raginio, ulas ondo' lumumpa' ra sinungkalalaing no lumumpa' ramuyun niayuk. Akau musiti' masisang am magasab ra sinungkalalaing, sabap ulason sinungkalalaing no ru Tuhan.”

JAKUBUS 1:27

Kaa' panginsugutan ra motopot ondo' moonsoi toojo ra pagilangan ri Aki Kapuuno', Ama' takau, ioginio; mangindangan ra lalaing ra kolondo' matuo am poyo napuor ondo' makakapaganan, am niayuk magalung ra guang galama' koson ra kalo jamalin ru kalaatan ru tana' ti.

JOSUA 7:1

Ragu ru Tuhan ondo' manginggalar ra ulun ru Israil mangalap ra atan pana intor ra bandar Jiriko ondo' sotopot no pusoon, kalo ginagaya'. Sangulun ondo' makainggalan ri Akgan anak ri Karmi minanggal ra susuban no. Ginio ra siminangit Tuhan ra ulun ru Israil. (Akgan anak ri Karmi am akupu ri Jabdi; intor io ra bansa' ru Jirag, santayaran intor ra bansa' ru Jiuda.)

JOSUA 7:13

Sukal no! Kapasawo' noyo ulun raginio am susubo' ilo tumampos muma' Raki'. Susubo' ilo tumampos muma' Raki' ra susuab no sabap Aku Tuhan am i Aki Kapuuno' ru ulun ru Israil mindagu, ‘Akau ulun ru Israil, soroi ramuyun santayaran ra kuliamos ondo' sotopot no pusoon sumugut ra susuban Kuno. Kalo makapangala kau ra pantula' ra kalo poyo mapatiran min kuliamos-kuliamos raginio.’

JOSUA 7:15

Ulun ondo' mapandayan nambuli ra kuliamos ra inggalarin no solobon, pabayaan ra sasambaloi nano am ngaangai' rapu' nano sabap nanauyu' io ra Israil am minanggal ra nabantuan Kuno.”

JOSUA 7:25

Indagu boo i Josua, “Ilai' noyo kapaganan ondo' pinaratong muno ramon! Raino Tuhan pana mamparatong ra kapaganan rirun!” Ngaangai' ulun ru Israil pana nomobol ri Akgan saboi minatoi. Nomobol ilo niayuk am nonolob ra sasambaloi nano am ngaangai' rapu' nano.

1 JUANIS 5:21

Pabukat kau ngaangai', inggalur kano intor ra sinungkalalaing binaal-baal no!

1 SAMUIL 15:9

kaa' Raja' Saul am ulun nano kalo namatoi ra Raja' Agag. Kalo niayuk pinatoi nilo domba am sapi' ondo' molomok kaga', anak ru sapi' am anak ru domba ondo' molomok kaga', am ngaangai' ru ondo' mokologo; pinuso nilo ayuk ondo' kolondo' onong am kolondo' logo.