JOSUA 6:17 - Tanou Moonsoi Timugon

¹⁷ Bandar no am ngaangai' ra giu' no musiti' pusoon lingono' koson taak ra Tuhan. I Ragab ayuk am sasambaloi nano ondo' bayagon, sabap pinasibuni no ulun pansigo takau.

JOSUA 6:17 ပူးပေါင်းရင်းမြစ်များ

KASAUKAN 12:3

Barakaton Ku ilo ondo' mambarakat rirun, kaa' ulason Ku ilo ondo' magulas rirun. Sabap ra okou no, barakaton Ku ngaangai' bansa' ra tana' ti.”

IJRA 10:8

Ginio noyo susuban ra tingganai-tingganai ru mamagun. Osoi ayuk ondo' kalo makasaang ralalom ru talu ngoorou, ngaangai' rapu' longgom nano talingaawon, am io kalo boo karaan koson ra ulun ru bansa' ru Israil.

JISAYA 34:6

Ilang Nano malimpot ra raraa' am lomok, koson ra raraa' am lomok ru domba am kambing ondo' sinimbalui. Tuhan mangatang ra taak simbalui no giu' ra bandar Bojra, am mangatang ra panimbaluyan masuang giu' ra pagun ru Idom.

JIRIMIA 46:10

Gitio noyo orou ru Tuhan Raja' Ondo' Maayo Kaga' Kuasa': orou raiti' mansuli' Io; orou raiti' mangukum Io ra pantula' Nano. Ilang Nano mangakan risilo saboi maasug, am manginum ra raraa' nilo saboi majala'. Orou raiti' Tuhan Ondo' Maayo Kaga' Kuasa' nanimbalui ra taak-taak simbalui Nano, giu' ra ralayo, mamaar ra Sungoi Iprat.

YEHEZKIEL 39:17

Indagu Tuhan Raja' raki', “Okou ulun mapandai matoi, piawo' ngaangai' susuit am bibiag intor ra ngaangai' intok koson mangakan ra kual sinimbalui ondo' pinongo Kuno. Mambaal Aku ra bunsag maayo giu' ra kagunungan ru Israil. Giu' no susuit am bibiag makaakan ra kual am manginum ra raraa'.

IMAMAT 27:21

Paat ra Bilor Papasagulian ra matong no, tana' no masauk ra Tuhan tatangan ra mantilayun, am tana' no pataakon ra imam-imam.

MIKA 4:13

Indagu Tuhan, “Mamagun ru Jirusalim kau ngai', ongoyo' ukumi' pantula' min! Mampasauk Aku ramuyun maikang koson ra sapi' ungkuyon ondo' makasangau basi' am makasalindu ra tambaga'. Masuang bansa' pinuso min, am kalangkayaan nilo ondo' naalap ralalom ru kalaatan masauk ra pataakon min Raki', Tuhan ru limbowon am tana' ti.”

MATIUS 25:40

Tumaam boo raja' no, ‘Balain takamin: Paat ra akau nambaal koson raginio ra sangulun rangan Kuno ondo' kalo maatang, koson binaal min niayuk ginio Raki'!’

1 KORINTUS 16:22

Osoi ayuk kalo motogom ri Tuhan Jisus, ukumin io ri Aki Kapuuno'! Maranata, arati' no ‘O Tuhan mai, ratong no!’

1 KORINTUS 2:7

Kapintaran ra rinagu kuli io no kapintaran intor ri Aki Kapuuno', ondo' kalo igondo' pinabala'. Ginio nga ra kalo poyo biningkal tana' ti, pinongo noyo ri Aki Kapuuno' kapintaran Nano koson itakau pana katulayon.

GALATIA 3:10

Mapara' piboo usung nilo ondo' mampagagaya' ra Ukum ri Musa. Mokoondo' tinulisan ra Buuk Kitab ra, “Osoi kalo masalok makaaya' ra ngaangai' ondo' tinulisan ra Ukum ri Musa, ulun raginio usungon ri Aki Kapuuno'!”

GALATIA 3:12

Ukum ri Musa no kalo inimpuun ra pangintapatan. Kaa' koson tinulisan ra Buuk Kitab ra, “Ulun ondo' mampagagaya' ra ngaangai' susuban ru ukum ti, maayag io.”

SAGULION 20:17

Pusoo' noyo ngaangai' bansa' ra pagun no: ulun ru Git, Amori, Kanaan, Piris, Giwi am Jibusi, koson ra akau sinusub ru Tuhan i Aki Kapuuno' min.

IBRANI 11:31

Sabap ra pangintapatan noyo, i Ragab, ondo' ragili nantalan ra inan nali, kalo minatoi nabaya' ra mamagun ru bandar Jiriko ondo' kalo giminagaya' ri Aki Kapuuno', sabap ra nangapu io ra ulun ru Israil ondo' minongoi pansigo ra bandar i.

IBRANI 6:10

Io mabanis guang am kalo malilianan No ati koson nangandoi kau Riso, monogom kau Riso am nangindangan kau ra ulun Kristian ragili suku' raino.

JAKUBUS 2:25

Koson niayuk i Ragab ragili, sangulun ruandu' mantatalan ra inan. Inapu io ri Aki Kapuuno' sabap ra binaal moonsoi nali. Nambuni io giu' ra baloi nali kukula' ngaulun ru Jaudi ondo' minongoi pansigo i, am nanulu' io poyo risilo ra ralan pagiruan.

JOSUA 2:1

I Josua pana nangator ra ruo ngaulun pansigo intor ra pangkiman giu' ra Sitim mongoi ra Kanaan. Sinusub ilo maa' raginio lumiput ra tana' ru Kanaan koson mangintutun ra sinokon, mulu' poyo toojo bandar Jiriko. Pakasaboi ilo ra bandar no, minayan ilo ra sangulun ruandu' mantalan ra inan inggalan no i Ragab.

JOSUA 2:22

Ulun-ulun pansigo no minongoi giu' ra kabuluran am nansibuni ra giu' no. Naguyum ulun-ulun sinusub ru raja' no risilo ra titikop intok liwar ru bandar buoi talu ngoorou, kaa' kalo natuum nilo. Ginio ra siminaguli' ulun sinusub no ra bandar Jiriko.

JOSUA 7:1

Ragu ru Tuhan ondo' manginggalar ra ulun ru Israil mangalap ra atan pana intor ra bandar Jiriko ondo' sotopot no pusoon, kalo ginagaya'. Sangulun ondo' makainggalan ri Akgan anak ri Karmi minanggal ra susuban no. Ginio ra siminangit Tuhan ra ulun ru Israil. (Akgan anak ri Karmi am akupu ri Jabdi; intor io ra bansa' ru Jirag, santayaran intor ra bansa' ru Jiuda.)

1 SAMUIL 15:3

Ongoyo' min bulunsaro' ulun ru Amalik, pusoo' min ilo am umoko' min ngaangai' ondo' soroi risilo no. Pai' min tatango' rondo' pana. Potoyo' min ngaangai' ungkuyon, ruandu', lalaing borok, lalagang, sapi', domba, unta am kaladai.”

1 SAMUIL 15:6

Nangirim Raja' Saul ra ragu papakaraan ra ulun ru Kini, “Ugar kano am iruani' min ulun ru Amalik, maa' raginio kalo mapatoi kau mababaya' risilo. Ragili kinamatuaan mini moonsoi ra ulun ru Israil, paat ra ulun ru Israil minatong intor ra Misir.” Ulun ru Kini pana nangiruan boo ra intok raginio.