JOSUA 5:1 - Tanou Moonsoi Timugon

¹ Ngaangai' raja' ru ulun ru Amori tampilon ra kalasaan ru Sungoi Jordan am ngaangai' raja' ru ulun ru Kanaan ra sisil ru nagas Raat Tanga' nokorongog ra kinapua' ru Tuhan Sungoi Jordan saboi ulun ru Israil nakalaup. Raja'-raja' no nalaa' am malawo guang sabap ra ulun ru Israil.

JOSUA 5:1 ပူးပေါင်းရင်းမြစ်များ

KASAUKAN 12:6

liputo' ri Abram tana' raginio saboi io nakasuku' ra puun matulai giu' ra Mori, iono intok sambayangan giu' ra Sikgim. (Paat raginio ulun ru pagun ru Kanaan lakat poyo minayan ra tana' raginio).

KASAUKAN 48:22

Okou noyo am sala' ka pagaka'-pagaka' muno ondo' papataakan kuno ra pagun ru Sikgim, libung malabung ondo' ginaau kuno intor ra ulun ru Amori ra ilang am panah kuno.”

2 SAMUIL 21:2

Ulun ru Gibion sala' ka ulun ru Israil; ilo no santimungan boborok bansa' ru Amori. Ulun ru Israil nambantu' koson manindung risilo, kaa' Raja' Saul minirot koson mamuso risilo sabap ra magalung io ra kaatangan ru ulun ru Israil am Jiuda.)

1 RAJA'-RAJA' 10:5

Raja' ruandu' ru pagun Syiba nakakito ra baal ru kandoi ru pagawai-pagawai istana, bayang ra sarampun am baloi nilo. Raja' ruandu' no nakakito ra akanon ondo' pinasulung, am ulipon-ulipon ondo' mangandoi ra Raja' Salomo paat ra pangiantakan; raja' ruandu' no niayuk nakakito ra taak-taak simbalui ondo' pinataak ru Raja' Salomo giu' ra Baloi ru Tuhan. Ngaangai' no nambaal ra raja' ruandu' ru pagun Syiba naansayan am nakasioro'.

IJRA 9:1

Kopongo ngaangai' no pinaugar, kukula' ngaulun tingganai ru Israil minatong raki'. Nambala' ilo ra mamagun ru Israil, nakaaya' imam-imam am ulun ru Liwi kalo siminuai intor ra bansa'-bansa' ondo' minayan giu' ra liliut nilo, iono bansa' ru Amon, Moab, Misir, Kanaan, Git, Piris, Jibusi am Amori. Nambaal ilo niayuk ra binaal malaat ru bansa'-bansa' raginio.

MAZMUR 135:11

I Sigon raja' ru Amori am i Og, raja' ru Basan, am ngaangai' raja' giu' ra Kanaan.

KAINGKUALAN 23:28

Jojowon Ku pantula' paat ra akau jumalai; pagiruon Ku ulun ru Giwi, Kanaan am Git.

JISAYA 41:5

Mamagun ru pagun-pagun ra maalur magilong ra binaal Kuno; naliangan ilo am monontol malaa'. Ginio ra minatong ilo ngai' am tumimung.

YEHEZKIEL 16:3

Nanusub Tuhan Raja' raki' mampasaboi ra tanou ti ra Jirusalim, “Okou inanak giu' ra tana' ru Kanaan. Ama' muno ulun ru Amori am ina' muno ulun ru Git.

YEHEZKIEL 21:7

Paat ra ilo mangkuot kua pampalaa kou, raguo' ra mangiluk guang muno sabap ra tanou ra matong no. Tanou no mambaal ra guang nilo malaa', kalindu' nilo malawo, mansiab ambiluo nilo am atur nilo monontol. Paat nano masaboi, am ngaangai' no masauk!” Tuhan Raja' nakaindagu noyo.

DANIL 5:6

Malaa' kaga' raja' saboi mabula' bulos nano am monontol atur nano.

AMOS 2:9

Kabalu' pana koson raginio, akau ulun Kuno, ra tayar min noyo mamuso ra ulun ru Amori ondo' masawat koson ra puun sidar am maikang koson ra puun oak.

UNTABAN 13:29

Minayan ulun ru Amalik ra tampilon rabugus ru tana' no; ulun ru Git, ulun ru Jibusi am ulun ru Amori minayan tampilon ra kabuluran; ulun ru Kanaan minayan tampilon ra nagas ru Raat Tanga' am giu' ra gawar ru Sungoi Jordan.”

JOSUA 17:12

Kaa' bansa' ru Manasi napagiru' ra mamagun ru ngaangai' bandar no. Ginio ra lakat poyo ulun ru Kanaan minayan ra giu' no.

JOSUA 17:18

Intok ra kabuluran no masauk niayuk ra longgom min. Kabalu' pana intok no kataunan, longgom min ngaangai' no am mangukab ra tana' no. Pagiruon min ulun ru Kanaan, kabalu' pana ilo bansa' ondo' maikang am makakarita' kuda intor ra basi'.”

JOSUA 24:15

Amon ru kalo masaga' kau mangandoi ayuk Riso, aruo' noyo raino ri osoi akau mangandoi ayuk, ra tuhan-tuhan ra bokon ondo' sinamba ru kinamatuaan min giu' ra Misopotamia, kapoam ra tuhan-tuhan ru ulun ru Amori giu' ra pagun ondo' inayanan min raino. Kaa' ra aku am sasambaloi kuno, masaga' akai mangandoi ayuk ra Tuhan.”

JOSUA 3:16

muog sungoi no tumilis. Maalur giu' ra ralayo ru sungoi, natimung timug no giu' ra Adam, rondo' bandar maar ra Sartan. Timug ondo' tumilis mongoi ra Raat Matoi naputat toojo. Ginio ra nakalaup ulun ru Israil ra sungoi maar ra bandar Jiriko.

JOSUA 3:17

Buoi ru ulun ru Israil mugar ra lonor ru sungoi ondo' mapua', imam-imam ondo' nansaan ra Kaban Nabantuan migor ra tatanga' ru lonor ru sungoi ondo' mapua' no, saboi ngaangai' ulun makasaboi ra sandaup.

PINAINTALANG 18:10

Migor ilo ra maalur sabap ra malaa' ilo maingkinibitan ra kaimbalaan no, konilo, “Aibui, bandar ondo' nauligan toojo ru ulun. Aibui, bandar Babil ondo' maayo. Ralalom sanjam ayuk pangukuman rirun!”

TINGGANAI RU BANSA' 1:1

Kopongo i Josua minatoi, pangkuot ulun ru Israil ra Tuhan, “Iou Tuhan, ati kia ra bansa' ondo' musiti' kasaa' mongoi bulunsar ra ulun ru Kanaan?”

TINGGANAI RU BANSA' 11:23

Tuhan, i Aki Kapuuno' ru Israil noyo ondo' napagiru' ra ulun ru Amori tayar ru ulun Nano, ulun ru Israil.

TINGGANAI RU BANSA' 3:3

Ngaangai' bansa' ondo' lakat poyo mayan giu' ra Kanaan iono bansa' ondo' mayan giu' ra limo bandar ru Palistin, ngaangai' bansa' ru Kanaan, bansa' ru Sidon am bansa' ru Giwi ondo' mayan giu' ra Kagunungan Libanon, tumalimpuun intor ra Gunung Baal-Girmon saboi ra Ginting Gamat.

TINGGANAI RU BANSA' 4:2

Ginio ra nopoloso Tuhan risilo kinala ru Raja' Jabin, raja' ru ulun ru Kanaan ondo' namarinta giu' ra bandar Gajor. Panglima saujor nano iono i Sisira, ondo' minayan giu' ra Garosit-Gagoyim.

1 SAMUIL 25:37

Suabon no ra iosusuab, paat ra natabinaasan i Nabal, nantunung i Abigail ra ngaangai' no ri Nabal. Namulali' i Nabal no narualan ra pusu' saboi ngaangai' ru inan nano minatoi.