JOSUA 24:32 - Tanou Moonsoi Timugon

³² Baangkai ri Jusup ondo' inibit ru ulun ru Israil intor ra Misir, linobong giu' ra Sikgim, giu' ra tana' ondo' binali ri Jakub intor ra anak-anak ri Gimor, ama' ri Sikgim, ra logo no maatus ngampila' ruit pirok. Tana' no pinatungkus ra papag ri Jusup.

JOSUA 24:32 ပူးပေါင်းရင်းမြစ်များ

KASAUKAN 33:19

Binali no tana' raginio intor ra papag ri Gamor, ama' ri Sikgim, am logo no maatus ngampila' ruit pirok.

KASAUKAN 48:22

Okou noyo am sala' ka pagaka'-pagaka' muno ondo' papataakan kuno ra pagun ru Sikgim, libung malabung ondo' ginaau kuno intor ra ulun ru Amori ra ilang am panah kuno.”

KASAUKAN 50:24

Indagu i Jusup ra pagaka'-pagaka' nano, “Mamaar noyo patayan kuno, kaa' i Aki Kapuuno' magalung ramuyun am magibit ramuyun mingkual intor ra pagun ti am mongoi ra pagun ondo' binantu' Nano ri Abragam, i Isak am i Jakub.”

KASAUKAN 50:25

Pagiboto' boo ri Jusup ngaangai' pabukat nano, kono, “Pabantu' kano raki', ra paat ri Aki Kapuuno' magibit ramuyun ra tana' nabantuan i, ibiton min niayuk baangkai kutu mababaya' ramuyun.”

KAINGKUALAN 13:19

Nagibit i Musa ra baangkai ri Jusup, sabap ra paat ra io naayag nanusub i Jusup ra ulun ru Israil nagibot manugut raginio. Bilin ri Jusup, “Paat ri Aki Kapuuno' mamayag ramuyun, musiti' min ibiton baangkai kutu mingkual intor ra intok ti.”

JUANIS 4:5

Pakasuku' Io ra pekan Sikar, giu' ra libung ru Samaria, mamaar ra sampila' tana' ondo' pinataakan ri Jakub ra anak nali i Jusup ra galing i.

RINALATAN 7:15

Banding boo i Jakub ra pagun ru Misir am giu' i ayuk boo pinatayan nali am niayuk kinamatuaan takali ra bokon i poyo.

RINALATAN 7:16

Kaa' baangkai nilai inibit muli' ra Kanaan ra libung Sikim am linobong ra kalabangan ondo' binali ri Abragam ra ruit pirok intor ra bansa' ru Gamor giu' ra Sikim.

IBRANI 11:22

Sabap ra pangintapatan noyo, paat ri Jusup mamaar matoi minindagu io ra paingkualon ulun ru Israil intor ra pagun ru Misir, am nambilin poyo risilo ra bungul nano pana paayaan ibito'.