JOSUA 24:31 - Tanou Moonsoi Timugon

³¹ Buoi i Josua naayag, ulun ru Israil nangandoi ayuk ra Tuhan. Kopongo i Josua minatoi am buoi ru tingganai-tingganai naayag ondo' nakakito ra ngaangai' binaal ru Tuhan ra ulun ru Israil, nagulayun ulun raginio nangandoi ayuk ra Tuhan.

JOSUA 24:31 ပူးပေါင်းရင်းမြစ်များ

KASAUKAN 14:10

Limayak raginio nototop ra tulubong makatiir am paat ra raja' Sodom am Gomora nagiru' intor ra pangayawan no, nangaratu' ilo ra tulubong-tulubong no. Talu ngaulun raja' ra bokon no nakapagiru' giu' ra kagunungan.

2 TUNUNG RU BANSA' ISRAIL 24:2

Nambaal Raja' Joas ra baal-baal ondo' mapabansuk ra guang ru Tuhan buoi ru Imam Joyada lakat poyo naayag.

2 TUNUNG RU BANSA' ISRAIL 34:33

Pinuso ru Raja' Josia ngaangai' sinungkalalaing ondo' majamol, ondo' soroi giu' ra titikop wilayah ru ulun ru Israil. Io pana nanusub boo ra mamagun nano musiti' sumambayang ra Tuhan, i Aki Kapuuno' ru kinamatuaan nilo. Ginio ra buoi ru Raja' Josia naayag, narayus ilo giminagaya' ra Tuhan.

RINALATAN 20:29

Napandayan ku noyo ra pakaugar aku, mokoondo' ulun koson ra taani masangit mongoi simpung ramuyun am ulun ondo' inalungan mino gaawon intor ramuyun.

SAGULION 11:2

Paat orou raiti' karaa' atan ondo' napandayan min intor ra Tuhan intor ra nailian min. Akau noyo am sala' ka anak-anak mino ondo' makanailian raginio. Nakito min noyo kinaayo ru Tuhan, kaikangan Nano, kuasa' Nano,

SAGULION 11:7

Sotopot no, akau noyo ondo' nakakito ra ngaangai' baal maayo no ondo' binaal ru Tuhan.”

SAGULION 31:13

Ginio ralan ru papag min ondo' kalo poyo igondo' nokorongog ra Ukum ru Tuhan i Aki Kapuuno' min mokorongog raginio. Ginio ra migila' ilo mangurumat ra Tuhan buoi ru bayag nilo giu' ra tana' ondo' ayanin min giu' ra sandaup ru Sungoi Jordan.”

SAGULION 31:29

Makapandai aku ra malupus aku matoi, lumaat ilo am mangimpai ra atan ondo' nangilaan kuno. Paat ra tauli no malumpa' ilo ra karaat, sabap nangkinibit ilo ra Tuhan sumangit ra mambaal ra atan ondo' inggalarin Nano.”

PILIPI 2:12

Sabap raginio pabukat ondo' tagamin kuno, koson masalok kau niayuk giminagaya' raki' paat ra aku soroi ramuyun, mulu' poyo gagaya' mino ra raino ti ra itakau nakapaginggalur. Pirot kano mompogogot ra kaansayan ru pamayagan minti, ioginio mansail ra ati kulaan kinapirot ru guang min sumugut am mangurumat toojo ri Aki Kapuuno'.

TINGGANAI RU BANSA' 2:10

Kopongo raginio ngaangai' ulun ru Israil intor ra sukor raginio minatoi. Sukor bagu kalo nakaulig ra Tuhan sabap kalo nakaili' ilo ra atan ondo' binaal ru Tuhan tayar ru Israil.

TINGGANAI RU BANSA' 2:6

Kopongo i Josua nanusub ra ulun ru Israil minugar, ilo pana minugar minongoi ra tana' ondo' tayar nilo sigagama' ra ayanin.

TINGGANAI RU BANSA' 2:7

Buoi i Josua naayag, nangandoi ulun ru Israil ra Tuhan. Kopongo i Josua minatoi, nagulayun ulun ru Israil nangandoi ra Tuhan buoi ilo tiningganai ru tingganai-tingganai Israil ondo' nakakito ra binaal maayo ru Tuhan ra ulun ru Israil.