JOSUA 24:25 - Tanou Moonsoi Timugon

²⁵ Paat orou raginio niayuk, nambaal i Josua rondo' nabantuan koson ulun raginio giu' ra Sikgim. Nanaak io risilo ra ukum am aturan ondo' musiti' gagayaan.

JOSUA 24:25 ပူးပေါင်းရင်းမြစ်များ

KASAUKAN 35:4

Pataako' nilo boo ngaangai' sinungkalalaing no ri Jakub am pinaaya' niayuk pataako' anting-anting nilono. Lobongo' ri Jakub ngaangai' kuliamos no ragana' ru puun tataun makalu maar ra Sikgim.

2 RAJA'-RAJA' 11:17

Panusub Imam Joyada ra Raja' Joas am mamagun mambaal ra rondo' nabantuan ra Tuhan ra masauk ilo ra ulun ru Tuhan. Nambaal i Joyada niayuk ra nabantuan ru raja' am mamagun.

2 TUNUNG RU BANSA' ISRAIL 15:12

Nambaal ilo ra nabantuan ra mabaya' ra totopot ru guang am salibuor, maayag ilo sumugut ra kasagaan ru Tuhan, i Aki Kapuuno' ru kinamatuaan nilai.

2 TUNUNG RU BANSA' ISRAIL 15:15

Ngaangai' mamagun ru Jiuda naansukan sabap ra nambaal ilo ra nabantuan no ra totopot ru guang. Siminambayang ilo ra Tuhan ra totopot, ilo pana iniou ru Tuhan am inanian ra kaansayan ra titikop ru pagun.

2 TUNUNG RU BANSA' ISRAIL 23:16

Imam Joyada nangkimait ra Raja' Joas am mamagun mambaal ra nabantuan ra ilo masauk ra ulun ru Tuhan.

2 TUNUNG RU BANSA' ISRAIL 29:10

“Raino aruon ku koson mambaal ra nabantuan ra Tuhan, i Aki Kapuuno' ru Israil, maa' raginio Io kalo boo sumangit ritakau.

NIGIMIA 9:38

Sabap ra ngaangai' ondo' nasauk no, akai ulun ru Israil nambaal ra nabantuan ondo' mapiot am tinulisan, am ondo' sinaapan ra segel ru tingganai-tingganai mai, ulun-ulun ru Liwi am imam-imam mai.

KAINGKUALAN 15:25

Pakiasi' toojo i Musa ra Tuhan, am papakito Tuhan riso ra rondo' tataun. Patapungo' ri Musa tataun no ralalom ru timug, am kalo boo mapait timug no saboi mainum. Giu' ra intok no, nangani' Tuhan risilo ra ukum, am giu' no niayuk nangkinam Io risilo.

KAINGKUALAN 24:3

Ugar i Musa am pambala' ra ulun no ra ngaangai' susuban am aturan ru Tuhan. Taam ngaangai' ulun ra nagagampan, “Baalon mai ngaangai' ondo' rinagu ru Tuhan.”

SAGULION 29:1

Gitio noyo kitaak-kitaak ra nabantuan ondo' sinusub ru Tuhan ri Musa, koson binaal ra ulun ru Israil paat ilo giu' ra tana' Moab. Nabantuan raginio pinaruang ra nabantuan ondo' binaal ru Tuhan risilo giu' ra Gunung Sinai.

JOSUA 24:1

Tinimung ri Josua ngaangai' bansa' ru Israil giu' ra Sikgim. Nampiau io ra ngaangai' tuu' lair, ngaangai' tingganai, ngaangai' akim am ngaangai' pagawai ru Israil, am timung ilo giu' ra saang ri Aki Kapuuno'.

JOSUA 24:26

I Josua nanulis ra susuban-susuban no ralalom ru Kitab ru Ukum ri Aki Kapuuno'. I Josua pana nangalap boo ra rondo' batu ondo' maayo am pinotolorog no ragana' ru puun oak giu' ra intok ondo' patimpokon ra Tuhan.