Mabaya' ra bolos mosongou am ralalom inggalan ru Tuhan, nagibot ilo koson mampaguut ra nabantuan nilono. Kopongo raginio, nagilakup ilo am nanamput ra bujung.
Ugar i Musa am pambala' ra ulun no ra ngaangai' susuban am aturan ru Tuhan. Taam ngaangai' ulun ra nagagampan, “Baalon mai ngaangai' ondo' rinagu ru Tuhan.”
Kopongo raginio alapo' ri Musa kitab nabantuan ondo' tinulisan ra susuban ru Tuhan, am ra bolos matangil binasa' no ginio ra ulun raginilo. Konilo, “Gumagaya' akai ra Tuhan am mambaal ra ngaangai' susuban Nano.”
Nakitaak akai rirun makiasi' ra Tuhan, i Aki Kapuuno' takau. Ginio ra ondo' pataamon Nano moonsoi kapoam kalo, gumagaya' akai Riso. Baal mai masauk ra moonsoi amon ru gumagaya' Riso.”