JOSUA 24:19 - Tanou Moonsoi Timugon

¹⁹ I Josua pana mindagu ra ulun raginio, “Kaa' maaru' lair kalo mokoorot kau mangandoi ayuk ra Tuhan. Io i Aki Kapuuno' ondo' matulai, am kalo mangampun Io ra tula min. Kalo masaga' Io makasalanan.

JOSUA 24:19 ပူးပေါင်းရင်းမြစ်များ

2 TUNUNG RU BANSA' ISRAIL 36:16

Kaa' kinuli-kuli nilo ulun-ulun sinusub ri Aki Kapuuno' no, kalo nampalio ra ragu Nano, am nakakurit ra nabi-nabi Nano. Pupus no, siminangit kaga' Tuhan risilo saboi kolondo' boo ralan mingkual koson mapalabus ra ulun Nano intor ra ukuman Nano.

MAZMUR 99:3

Moonong ulun mongompor ra inggalan Nano ondo' maayo am matulai. Io no matulai!

MAZMUR 99:5

Omporo' noyo Tuhan, i Aki Kapuuno' takau; igugulatur no samba ra saang ru panturungan Nano! Io no matulai!

MAZMUR 99:9

Omporo' noyo Tuhan, i Aki Kapuuno' takau am sambaan Io giu' ra tampak ru bulur Nano ondo' matulai! Tuhan, i Aki Kapuuno' takau ra matulai.

KAINGKUALAN 20:5

Pai' samba ra sinungkalalaing ru atan pana, sabap ra Aku noyo Tuhan i Aki Kapuuno' min, am kalo masaga' Aku pogondoon ra atan pana. Ukumin Ku ulun masisang Raki'. Ukumin Ku niayuk papag nilo polos ra papag ra katalu am kaapat.

KAINGKUALAN 23:21

Iningo' noyo am gagayaa' io. Pai' guor riso sabap ra io no sinusub Kuno. Kalo mangampun io ra guor koson raginio.

KAINGKUALAN 34:14

“Pai' samba ra tuhan-tuhan ra bokon, sabap ra Aku, Tuhan kalo masaga' pogondoon ra atan pana.

KAINGKUALAN 34:7

Suguton Ku bantu' Kuno ra riribu papag, am niayuk mangampun ra kalaatan am tula, kaa' kalo mapalabus Aku ra ulun makasala intor ra ukuman. Mangukum Aku niayuk ra anak am akupu nilo, saboi ra papag ra katalu am ra kaapat, sabap ra tula ru matuo nilo.”

JISAYA 2:9

Moonong ulun asabin am tauyuon. Pai' ilo ampuno', iou Tuhan!

JISAYA 27:11

Bulintok raan ru puun no mapua' am mapandak, raan-raan no umungon ru ruandu'-ruandu' koson saukon ra luton. Sabap ra bansa' raginio kolondo' atan-atan pangaratian, i Aki Kapuuno' Namangun risilo kalo malubatan kapoam monogom risilo.

JISAYA 30:11

Ongoi ra igig! Pai' akai sawayo'. Kalo masaga' akai mangkirongog intor ri Aki Kapuuno' ru Israil, i Aki Kapuuno' ondo' matulai.”

JISAYA 30:15

Tuhan Raja', i Aki Kapuuno' ru Israil, i Aki Kapuuno' ondo' matulai, mindagu ra ulun Nano, “Saguli' kano Raki' am pangintopot kano Raki' ralalom kalinuos ru guang. Akau pana ikangon Ku am bayagon Ku.” Kaa' kalo masaga' kau.

JISAYA 5:16

Ginio noyo ra Tuhan Ondo' Maayo' Kaga Kuasa' mampakito ra katulayan Nano koson mambaal ra atan ondo' motopot, am niayuk mapatalang ra katulayan Nano koson mangakim ra ulun Nano.

IMAMAT 10:3

Indagu boo i Musa ri Arun, “Gitio noyo ondo' koon ru Tuhan paat Io mindagu, ‘Ngaangai' ulun ondo' mangandoi ayuk Raki' musiti' mangurumat ra katulayan Kuno. Pakitonon Ku katulayan Kuno ra moonong ulun Kuno.’ ” Kaa' mongkoror ayuk i Arun.

IMAMAT 11:44

Aku noyo Tuhan i Aki Kapuuno' min; pagilalain min maa' raginio magulayun kau matulai, sabap ra Aku ti matulai.

IMAMAT 11:45

Aku noyo Tuhan ondo' nagibit ramuyun miningkual intor ra Misir, maa' raginio masauk Aku ri Aki Kapuuno' mino. Musiti' kau matulai sabap ra Aku ti matulai.

IMAMAT 19:2

mambala' ra ulun ru Israil, “Musiti' kau matulai sabap ra matulai Aku Tuhan i Aki Kapuuno' min.

IMAMAT 20:26

Musiti' kau matulai am masauk ra longgom Kuno ayuk, sabap ra Aku noyo Tuhan am matulai Aku. Napatuliar Aku noyo ramuyun intor ra bansa'-bansa' ra bokon, maa' raginio masauk kau ra longgom Kuno ayuk.

IMAMAT 20:7

Ilai' min maa' raginio magulayun kau matulai, sabap ra Aku noyo Tuhan i Aki Kapuuno' min.

NAGUM 1:2

Tuhan i Aki Kapuuno' kalo masaga' ra mokoondo' pagilou, ulun ondo' manggal Riso maaru' makaalap ra ukuman. Ra sumangit kaga', mansuli' Io ra pantula' Nano.

ABAKUK 1:13

Kaa' ati kulaan Kou tumaan guang magilong ra ulun ondo' malaat kaga' koson risilo? Okou matulai kaga' koson magilong ra kalaatan; Okou kalo tumaan guang ra ulun ondo' mambaal ra kasalaan. Kaa' kua pongkoror Kou paat ulun Babilonia mamuso ra ulun ondo' kalo malaat koson risilo?

MATIUS 6:24

“Kolondo' sangulun pana ulipon makapangandoi ra ruo tuan: sangulun kasisangin no am sangulun tagamin no; kapoam gumagaya' io ra sangulun am magasab ra bokon no. Koson niayuk ramuyun ra kalo makapangandoi ri Aki Kapuuno' magampan ra kalangkayaan.

JOSUA 24:18

Paat itakau namulunsar ra pagun ragitio, Tuhan napagiru' ra ngaangai' ulun ru Amori ondo' minayan ragiti. Ginio ra, akai niayuk mangandoi ayuk ra Tuhan; Io noyo i Aki Kapuuno' takau.”

JOSUA 24:23

Indagu poyo i Josua, “Amon ru ginio noyo, patiri' noyo tuhan-tuhan ru bansa' ra bokon ondo' soroi ramuyun am bantuo' noyo ra gumagaya' ra Tuhan i Aki Kapuuno' ru Israil.”

RUT 1:15

Indagu i Naomi riso, “Ilai' Rut, ilas muno minuli' noyo ra bansa' nano am ra dewa-dewa nano. Ugar no anak kuno. Uli' no koson ra ilas muno.”

1 SAMUIL 3:14

Ginio ra magibot Aku ra sasambaloi ri Ili, ra koson mantilayun kolondo' taak simbalui kapoam taak ra atan pana ondo' makapuso ra tula ondo' makalalaa' kaga' no.”

1 SAMUIL 6:20

Indagu mamagun ru Bit-Simis, “Osoi kinua' masaga' muma' ra Tuhan Aki Kapuuno' ondo' matulai no? Ati kinua' boo pangataran takau Riso maa' raginio maalur intor ritakau?”