JOSUA 24:17 - Tanou Moonsoi Timugon

¹⁷ Tuhan i Aki Kapuuno' takau napalabus noyo ra kinamatuaan takau am itakau galama' intor ra pangulipanan giu' ra Misir, am nakatainu takau noyo ra kaimuagan-kaimuagan ondo' binaal Nano. Nangampin Io ritakau ralalom ngaangai' pangkiralanan takau nansail ra pagun-pagun ru bansa' ra bokon.

JOSUA 24:17 ပူးပေါင်းရင်းမြစ်များ

2 TUNUNG RU BANSA' ISRAIL 13:10

Kaa' lakat akai poyo mangandoi ayuk ra Tuhan, i Aki Kapuuno' mai. Kalo nangiruan akai Riso. Imam-imam ru papag ri Arun nambaal ra kandoi nilo liliwa' inindangan ru ulun ru Liwi.

KAINGKUALAN 13:14

Paat ra orou matong, paat ra mangkuot anak ungkuyon mino ra arati' ru ngaangai' ti, musiti' min taamon koson ragitio, ‘Ralalom ru kuasa' ondo' maayo, inibit takau ru Tuhan miningkual intor ra Misir, intok itakau inulipon.

KAINGKUALAN 13:3

Indagu i Musa ra ulun ru Israil, “Karaa' orou raiti', orou ra akau nangiruan ra pagun ru Misir, intok akau inulipon. Paat ra orou raiti' nagibit Tuhan ramuyun mingkual ralalom ru kuasa' Nano ondo' maayo; kalo makaakan kau ra ruti' ondo' linatakan ra ragi.

KAINGKUALAN 19:4

“Nakito min atan ondo' binaal Kuno ra ulun ru Misir, ati kulaan Aku nagibit ramuyun Raki' ra intok ragitio, koson sanginan kanui ondo' nagibit ra anak nano ra kawo nano.

JISAYA 46:4

Aku magulayun i Aki Kapuuno' min saboi akau matutuo; am magulayun magalung ramuyun saboi akau makauan. Aku napasauk ramuyun am magulayun magalung ramuyun, indanganon am bayagon Takamin.

SAGULION 29:2

Nanusub i Musa ra ngaangai' ulun ru Israil tumimung am indagu risilo, “Nakito min galama' atan ondo' binaal ru Tuhan ra raja' ru Misir, pagawai-pagawai nano am titikop ru pagun nano.

SAGULION 32:9

kaa' papag ri Jakub pinili' ru Tuhan tayar Nano galama'.

SAGULION 7:19

Karaa' noyo karaat makalalaa' ondo' nakito min ra mato galama', kaimuagan am tatandu', am niayuk kuasa' maayo am kinapanggol ondo' pinakai ru Tuhan i Aki Kapuuno' min koson mapalabus ramuyun. Koson ra Io namuso ra ulun ru Misir ra galing i, koson niayuk raginio io mamuso ra ngaangai' bansa' ondo' kalaanin min raino.

JOSUA 24:16

Taam ulun ru Israil, “Kalo noyo toojo mangiruan akai ra Tuhan koson mangandoi ayuk ra tuhan-tuhan ra bokon!

JOSUA 24:18

Paat itakau namulunsar ra pagun ragitio, Tuhan napagiru' ra ngaangai' ulun ru Amori ondo' minayan ragiti. Ginio ra, akai niayuk mangandoi ayuk ra Tuhan; Io noyo i Aki Kapuuno' takau.”