JOSUA 24:14 - Tanou Moonsoi Timugon

¹⁴ “Ginio nai ra,” kon ri Josua, “urumato' noyo Tuhan am mangandoi ayuk Riso ra totopot am gumagaya'. Patiri' noyo tuhan-tuhan ra bokon ondo' sinamba ru kinamatuaan min giu' ra Misopotamia am giu' ra Misir ra galing i. Mangandoi ayuk ra Tuhan.

JOSUA 24:14 ပူးပေါင်းရင်းမြစ်များ

KASAUKAN 17:1

Paat umur ri Abram siam ngoopor am siam ngambilor, minintalang Tuhan riso am indagu, “Aku noyo i Aki Kapuuno' Ondo' Maayo Kaga' Kuasa'. Gagaya' no Raki' am kasalok no mambaal ra kasagaan Kuno.

KASAUKAN 35:2

Indagu boo i Jakub ra ulun ru baloi nano am ra ngaangai' ulun nababaya' riso no, “Patiri' min noyo sinungkalalaing intor ra bansa' ru bokon ondo' binulian min, kapasawo' min guang am pambayang kano ra bayang moonsoi.

2 RAJA'-RAJA' 20:3

“Karaa' noyo, iou Tuhan, ra nangandoi aku Rirun ra gumagaya' am totopot, am ra masalok aku mirot koson mambaal ra kasagaan Muno.” Raja' no pana nantangi' ra mangiluk.

IJRA 9:11

ondo' tinaakan ramon ondo' pinabala' galing ra ulipon Muno, nabi-nabi. Nambala' ilo ramon ra tana' ondo' ayanin mai no najamalan noyo, sabap ra mamagun nano nampajamol noyo ra ngaangai' no ra binaal ondo' majamol am malaat.

AYUP 1:1

Giu' ra tana' Us, minayan sangulun ungkuyon makainggalan ri Ayup. Sumamba io ri Aki Kapuuno' am gumagaya' Riso. Io ti moonsoi guang, ondo' masalok no pagilalain maa' raginio kalo mambaal ra malaat.

AYUP 28:28

Indagu i Aki Kapuuno' ra ulun, “Koson makaalap ra kapintaran, musiti' kau malaa' am mangurumat ra Tuhan. Koson makaalap ra karatian, musiti' kau mangiruan ra kalaatan.”

MAZMUR 111:10

Mangurumat ra Tuhan iono rondo' ralan mokoowot ra kapandayan; ulun ondo' gumagaya' tuluin No. Omporon noyo Tuhan ra sabuoi-buoi no!

MAZMUR 119:1

Pakaansuk noyo ulun maayag ra kolondo' ruruko, am maayag sumugut ra ukum ru Tuhan.

MAZMUR 119:80

Gama' ru masugut ku ngai' panusuban Muno, am kalo tauyuon aku.

MAZMUR 130:4

Kaa' mangampun Kou ramon, maa' raginio mangurumat am gumagaya' akai Rirun.

MAZMUR 81:10

Pai' kau samba ra tuhan ra bokon.

YEHEZKIEL 20:18

Kaa' pinakara' Ku ilo ondo' mangamulok: Pai' gagaya' ra ukum ru kinamatuaan min; pai' pagibaya' ra kaulayan nilo galama', am pai' jamali' inan ra sumamba ra sinungkalalaing nilo.

YEHEZKIEL 23:3

Paat ra lakat poyo mamulok, minayan ilo giu' ra Misir. Giu' no nairu' ralaa nilo am nasauk ra ruandu' mantalan ra inan.

GOSIA 3:5

Kaa' masaboi paat ra ulun ru Israil sumaguli' ra Tuhan, i Aki Kapuuno' nilo, am ra sangulun intor ra papag ru Raja' Daut, raja' nilo. Ilo pana malaa' am mangurumat ra Tuhan, am niayuk mangapu ra pataakon-pataakon Nano ondo' moonsoi.

IMAMAT 17:7

Musiti' ulun ru Israil magulayun gumagaya' ra Tuhan, am kalo manimbalui ra bibiag nilo giu' ra tana' malimparang ra tayar ru taak ra riwato-riwato ondo' sumalu ra kambing. Musiti' aturan ragitio gagayaan ru ulun ru Israil ra sabuoi-buoi no.

MIKA 6:8

Topot-topot kalo! Nambala' noyo Tuhan ritakau ra atan ondo' moonsoi. Baal ondo' kitaakon toojo ru Tuhan intor ritakau iono maa' raginio mambaal takau ra matimpok, masalok mangimaya' ra katagaman, am mabaya' ra guang minggana' maayag masimpung ri Aki Kapuuno' takau.

LUKAS 8:15

Ondo' naratu' ra tana' malabung i, io no ulun ondo' mangkirongog ra bala' no am porondonon nilo ra guang ra matanda'. Mongorot ilo saboi manangkawa'.”

RINALATAN 9:31

Intor raginio ngaangai' pasimpungan ulun Kristian ra Judia, Galilia am Samaria kolondo' boo kapaganan. Nangurumat ilo ri Aki Kapuuno' am nabaya' ra indangan ru Ambiluo ri Aki Kapuuno' siminuang am maikang pangintapatan nilo.

2 KORINTUS 1:12

Maringkuanang akai toojo sabap ra bolos ru guang mai maminson ramon ra kiralan ru kaayagan mai ra tana' ti, mulu' poyo pabukatan mai ti ramuyun, masalok mabanis am matanda'. Ginio mabaal mai ralalom ru kuasa' ri Aki Kapuuno' am asi' Nano galama', am sala' ka mansail ra kapintaran ru ulun.

IPISUS 6:24

Gama' ru i Aki Kapuuno' mambarakat ra ngaangai' ulun ondo' mantilayun monogom ri Jisus Kristus, Tuhan takau.

SAGULION 10:12

“Raino ulun ru Israil kau ngai', rongogo' noyo pulion ru Tuhan i Aki Kapuuno' min intor ramuyun: Urumato' noyo Tuhan am baalo' ngaangai' susuban Nano. Tagami' noyo Io am pangandoi noyo Riso ayuk ra sotopot ru guang;

SAGULION 18:13

Musiti' kau gumagaya' toojo ra Tuhan i Aki Kapuuno' min.”

SAGULION 6:13

Urumato' noyo Tuhan i Aki Kapuuno' min am samba Riso ayuk am baalo' noyo bantu' min ralalom ru inggalan Nano ayuk.

PILIPI 1:10

Maa' raginio mapandai kau magilong ra ati kia moonsoi toojo. Am makainggalur kau boo intor ra kalaatan kapoam nansalinut panguwan ondo' mampakasala ramuyun, ioginio paat ri Kristus matong saguli'.

JOSUA 24:2

Indagu i Josua risilo ngaangai', “Rongogo' ragu ru Tuhan i Aki Kapuuno' ru Israil, ‘Galing i kinamatuaan min minayan giu' ra sandaup ru Sungoi Iprat am sinamba nilo dewa-dewa. Sangulun intor risilo iono i Tirag, ama' ri Abragam am i Nagor.

JOSUA 24:23

Indagu poyo i Josua, “Amon ru ginio noyo, patiri' noyo tuhan-tuhan ru bansa' ra bokon ondo' soroi ramuyun am bantuo' noyo ra gumagaya' ra Tuhan i Aki Kapuuno' ru Israil.”

1 SAMUIL 12:14

Pakaansuk kano amon ru mangurumat kau ra Tuhan, mangandoi ayuk Riso, am rumongog am niayuk gumagaya' ra susuban Nano, am amon ru akau am niayuk raja' mino gumagaya' toojo ra Tuhan i Aki Kapuuno' mino.

1 SAMUIL 12:24

Gagaya' kano ra Tuhan am pangandoi ayuk toojo Riso am ra sototopot ru guang mino. Karaa' noyo baal maayo ondo' binaal Nano ramuyun.

1 SAMUIL 7:3

Indagu i Samuil ra ulun ru Israil, “Amon ru masaga' kau sumaguli' ra Tuhan am sumamba Riso ra sototopot ru guang min, patiri' noyo ngaangai' dewa ru bansa' ru bokon no am sinungkalalaing Dewi Asyitorit. Pataako' min noyo inan mino lingono' ra Tuhan am pangandoi kano Riso ayuk. Bagu no mapalabus Io ramuyun intor ra kuasa' ru ulun ru Palistin.”