JOSUA 22:29 - Tanou Moonsoi Timugon

²⁹ Totopot kalo giminuor akai ra Tuhan kapoam liminonggo' mangandoi Riso, am nambaal ra altar koson ra intok mapataak ra taak simbalui koson mapabansuk ra guang ru Tuhan, kapoam mapataak ra taak simbalui koson paringkuanangan, kapoam taak. Totopot kalo nambaal akai ra altar ra bokon; altar ru Tuhan i Aki Kapuuno' takau soroi noyo giu' ra saang ru Kim Nano.”

JOSUA 22:29 ပူးပေါင်းရင်းမြစ်များ

KASAUKAN 44:17

Indagu i Jusup, “Kalo! Kalo toojo baalon ku ginio! Ulun narampatan makasangkir no ayuk ondo' masauk ra ulipon kuno. Bokon no makauli' ra ama' mini ra matanda'.”

KASAUKAN 44:7

Taam ilo ra ulipon no, “Tuan, atan arati' muno minindagu raginii? Magibot akai ra kalo binaal mai ginio.

1 RAJA'-RAJA' 21:3

Kaa' taam i Nabot, “Umo ru anggur ti pinatungkus ru kinamatuaan kuli. Ralalom inggalan ru Tuhan, kalo pataakon ku ginio rirun raja'!”

2 RAJA'-RAJA' 18:22

Rayuso' poyo ru pagawai Asyur no, “Kapoam maaru' lair ra malansan kau ra Tuhan, i Aki Kapuuno' mino? Paat raginio Raja' Gijkia manusub ra ulun ru Jiuda am Jirusalim sumambayang giu' ra altar giu' ra Jirusalim ayuk, ondo' pinuso nali altar am intok-intok sambaan ra Tuhan galama'.

2 TUNUNG RU BANSA' ISRAIL 32:12

Raja' Gijkia noyo ondo' mamuso ra intok-intok sambayangan ra Tuhan am altar-altar Nano, am nanusub ra mamagun ru Jiuda am Jirusalim sumambayang am monolob ra kaminyan giu' ra rondo' altar ayuk.

ROMA 3:6

Maaru' kalo! Sabap ra amon ru guang ri Aki Kapuuno' kalo mabanis, maaru' kalo noyo makapangakim Io ra ulun ru tana' ti.

ROMA 6:2

Maaru' kalo! Itakau ondo' kalo boo kuasaan ru tula, sotopot no kalo boo rumayus mambaal ra tula.

ROMA 9:14

Intor raginio, atan boo paraguon takau? Mabanis kia guang ri Aki Kapuuno'? Maaru' Io mabanis guang!

SAGULION 12:11

Mampili' Tuhan ra rondo' intok ondo' masauk ra intok sumambayang Riso. Giu' no akau musiti' magibit ra ngaangai' ondo' nanusuban kuno: taak simbalui koson mapabansuk ra guang ru Tuhan am taak simbalui ra bokon, sampiopor am taak ra bokon, am taak ra luntukon ondo' binantu' min ra Tuhan.

JOSUA 22:23

Amon ru kalo giminagaya' akai ra Tuhan am nambaal ra altar mai galama' koson intok mapataak ra taak simbalui koson mapabansuk ra guang ru Tuhan, kapoam koson mampataak ra taak simbalui koson paringkuanangan, kapoam taak simbalui koson makibarakat ra Tuhan polosoo' noyo Tuhan galama' mangukum ramon.

JOSUA 22:26

Ginio ra binaal mai altar ti sala' ka koson ra intok monsolob ra taak simbalui kapoam mapataak ra taak,

JOSUA 22:28

Kuayan mai koson ragitio: amon masauk baal raginio, makaindagu papag mai ra, ‘Ilai' noyo, kinamatuaan mai nambaal rondo' altar koson ra altar ru Tuhan. Altar no sala' ka panalaban ra taak simbalui kapoam mapataak ra taak, kaa' koson tatandu' tayar ru karuo-ruo bala takau.’

JOSUA 22:30

Imam Pinigas am mopor ngaulun tingganai ru ulun ru Israil, tingganai ru sasambaloi ru Israil ondo' minaya' ri Pinigas, nokorongog ra ragu sinail ru bansa' ru Rubin, Gad am Manasi Sirangon. Naansayan ilo nokorongog raginio.

JOSUA 24:16

Taam ulun ru Israil, “Kalo noyo toojo mangiruan akai ra Tuhan koson mangandoi ayuk ra tuhan-tuhan ra bokon!

1 SAMUIL 12:23

Ra aku ti, makatula aku ra Tuhan amon ru kalo makiasi' aku ra tayar mino; gama' ru painggaluron ru Tuhan tula no intor raki'. Kaa' marayus aku mangila' ramuyun ra baal ondo' mongoonsoi am ondo' mongotopot.