JOSUA 22:28 - Tanou Moonsoi Timugon

²⁸ Kuayan mai koson ragitio: amon masauk baal raginio, makaindagu papag mai ra, ‘Ilai' noyo, kinamatuaan mai nambaal rondo' altar koson ra altar ru Tuhan. Altar no sala' ka panalaban ra taak simbalui kapoam mapataak ra taak, kaa' koson tatandu' tayar ru karuo-ruo bala takau.’

JOSUA 22:28 ပူးပေါင်းရင်းမြစ်များ

KASAUKAN 31:48

Indagu i Laban ri Jakub, “Nanunturan ra batu ragitio pangkaraan to.” Ginio ra intok raginio ininggalanan ra Galid.

2 RAJA'-RAJA' 16:10

Paat ra Raja' Agas minongoi ra Damsyik koson tumuum ra Raja' Pul, nakito no altar ra giu' no am nangator ra tiluan ru altar no nabaya' ra gayo nano ondo' motopot ra Imam Uria.

KAINGKUALAN 25:40

Ilalain mambaal ra ngaangai' no sumugut ra inatang ondo' nanuluan Ku rirun giti ra rasawat ru gunung ti.”

JISAYA 19:19

Bulintok raginio, giu' ra pagun ru Misir mokoondo' rondo' altar ru Tuhan, am rondo' batu pangkaraan Riso giu' ra balitan ru pagun.

IBRANI 8:5

Kaa' kandoi nilai sotopot no koson ra asilan kapoam babara' ayuk am ginio tumilu ondo' baalon giu' ra suruga'. Mogondo' ra galing i, paat ri Musa nambaal ra Kim Sambayangan i, binalaan io ri Aki Kapuuno', kon Nano: “Karaa' noyo gitio. Baalo' noyo ngaangai' no sumugut ra tiluan ondo' pinatalang rirun giu' ra gunung i.”

JOSUA 22:27

kaa' koson ra tatandu' ra karuruo bala takau am papag takau, ra sotopot no sumambayang takau ra Tuhan giu' ra Kim Nano am magibit ra taak simbalui koson mapabansuk ra guang ru Tuhan, taak-taak am taak simbalui koson makibarakat ra Tuhan. Koson raginio kalo makaindagu papag mino ra papag maino kolondo' atan pabukatan ra Tuhan.

JOSUA 22:29

Totopot kalo giminuor akai ra Tuhan kapoam liminonggo' mangandoi Riso, am nambaal ra altar koson ra intok mapataak ra taak simbalui koson mapabansuk ra guang ru Tuhan, kapoam mapataak ra taak simbalui koson paringkuanangan, kapoam taak. Totopot kalo nambaal akai ra altar ra bokon; altar ru Tuhan i Aki Kapuuno' takau soroi noyo giu' ra saang ru Kim Nano.”

JOSUA 24:27

Indagu i Josua ra ngaangai' ulun no, “Batu ti sasi' takau. Batu ti nokorongog noyo ra ngaangai' ragu ru Tuhan ritakau. Ginio ra nasauk batu ti ra sasi' min koson mampakara' ramuyun maa' raginio kalo manggal ri Aki Kapuuno' min.”