JOSUA 22:27 - Tanou Moonsoi Timugon

²⁷ kaa' koson ra tatandu' ra karuruo bala takau am papag takau, ra sotopot no sumambayang takau ra Tuhan giu' ra Kim Nano am magibit ra taak simbalui koson mapabansuk ra guang ru Tuhan, taak-taak am taak simbalui koson makibarakat ra Tuhan. Koson raginio kalo makaindagu papag mino ra papag maino kolondo' atan pabukatan ra Tuhan.

JOSUA 22:27 ပူးပေါင်းရင်းမြစ်များ

KASAUKAN 31:48

Indagu i Laban ri Jakub, “Nanunturan ra batu ragitio pangkaraan to.” Ginio ra intok raginio ininggalanan ra Galid.

KASAUKAN 31:52

Batu tinuntur ti am niayuk batu pangkaraan ti mapakara' rito ra kalo sailin ku batu tinuntur ti koson mamulunsar rirun, am okou pana kalo sailin batu tinuntur ti am batu pangkaraan ti koson mamulunsar raki'.

MAZMUR 16:5

Iou Tuhan, Okou ayuk longgom kuno, Okou manaak raki' ra atan ayuk pana kasagaan kuno; painawo kuno ginonggom Mu.

JISAYA 19:19

Bulintok raginio, giu' ra pagun ru Misir mokoondo' rondo' altar ru Tuhan, am rondo' batu pangkaraan Riso giu' ra balitan ru pagun.

SAGULION 12:11

Mampili' Tuhan ra rondo' intok ondo' masauk ra intok sumambayang Riso. Giu' no akau musiti' magibit ra ngaangai' ondo' nanusuban kuno: taak simbalui koson mapabansuk ra guang ru Tuhan am taak simbalui ra bokon, sampiopor am taak ra bokon, am taak ra luntukon ondo' binantu' min ra Tuhan.

JOSUA 22:10

Paat ra bansa' ru Rubin, Gad am Manasi Sirangon nakasaboi giu' ra Gililot, paat ra lakat poyo giu' ra tampilon kalasaan ru Sungoi Jordan, nambaal ilo rondo' altar ondo' maayo am moonsoi kaga' giu' ra igig ru sungoi no.

JOSUA 22:26

Ginio ra binaal mai altar ti sala' ka koson ra intok monsolob ra taak simbalui kapoam mapataak ra taak,

JOSUA 22:28

Kuayan mai koson ragitio: amon masauk baal raginio, makaindagu papag mai ra, ‘Ilai' noyo, kinamatuaan mai nambaal rondo' altar koson ra altar ru Tuhan. Altar no sala' ka panalaban ra taak simbalui kapoam mapataak ra taak, kaa' koson tatandu' tayar ru karuo-ruo bala takau.’

JOSUA 22:34

Indagu ulun intor ra bansa' ru Rubin am Gad, “Altar ti nasauk ra sasi' ritakau ngaangai' ra Tuhan noyo i Aki Kapuuno'.” Ginio ra ininggalanan nilo altar no ra “Sasi'”.

JOSUA 24:27

Indagu i Josua ra ngaangai' ulun no, “Batu ti sasi' takau. Batu ti nokorongog noyo ra ngaangai' ragu ru Tuhan ritakau. Ginio ra nasauk batu ti ra sasi' min koson mampakara' ramuyun maa' raginio kalo manggal ri Aki Kapuuno' min.”

1 SAMUIL 7:12

Kopongo raginio pinatirong ri Samuil rondo' batu giu' ra balitan ru Mijpa am Siin. Kono, “Nangindangan noyo toojo Tuhan no ritakau.” Ginio ra inggalani' no batu no ra “Batu Nangindangan”.