JOSUA 22:20 - Tanou Moonsoi Timugon

²⁰ Karaa' noyo atan koson i Akgan anak ri Jirag minanggal ra susuban pasal ra kuliamos ondo' musiti' pusoon. Kinibit no, ngaangai' ulun ru Israil inukum; sala' ka ayuk i Akgan sangulun ondo' minatoi sabap ra tula nali.”

JOSUA 22:20 ပူးပေါင်းရင်းမြစ်များ

2 TUNUNG RU BANSA' ISRAIL 24:18

Ginio ra mamagun kalo boo sumambayang giu' ra Baloi ru Tuhan, i Aki Kapuuno' ru kinamatuaan nilo. Tumalimpuun ilo boo sumamba ra sinungkalalaing am sinungkalalaing ru Dewi Asyira. Tula nilono nangkinibit ra Tuhan siminangit ra Jiuda am Jirusalim.

AYUP 35:8

Rangan-rangan rondo' guang rirun ondo' maimbolo' kinibit ru kalaatan muno, am ilo niayuk ondo' maulian sabap ra kinoonsoi muno.

IMAMAT 10:6

Kopongo raginio indagu i Musa ri Arun am anak-anak nano, i Iliajar am i Itamar, “Pai' polosoo' masasung abuk mino, am pai' rilako' bayang mino koson tatandu' ra mangulir. Amon ru baalon min ginio, matoi kau am sumangit Tuhan ra ngaangai' ulun ti. Kaa' ngaangai' ulun ru Israil ra bokon no makapangulir ra pinatayan nilo ruo; minatoi ilo sabap natiu' ra apui ondo' pinatuun ru Tuhan.

1 KORINTUS 10:6

Ngaangai' no nasauk ra panginuuyan ritakau koson mampakara' ritakau ra pai' gogoto' baal malaat koson risilo ti.

JOSUA 22:21

Taam ulun intor ra bansa' ru Rubin, Gad am Manasi Sirangon,

JOSUA 7:1

Ragu ru Tuhan ondo' manginggalar ra ulun ru Israil mangalap ra atan pana intor ra bandar Jiriko ondo' sotopot no pusoon, kalo ginagaya'. Sangulun ondo' makainggalan ri Akgan anak ri Karmi minanggal ra susuban no. Ginio ra siminangit Tuhan ra ulun ru Israil. (Akgan anak ri Karmi am akupu ri Jabdi; intor io ra bansa' ru Jirag, santayaran intor ra bansa' ru Jiuda.)

JOSUA 7:18

Paumaa' boo ri Josua sasambaloi ri Jabdi, am i Akgan tinulu'. I Akgan anak ri Karmi am akupu ri Jabdi.

JOSUA 7:24

I Josua am ngaangai' ulun ru Israil namparakop ri Akgan am nangalap ra pirok, sukub am mas no, rinakop nilo niayuk anak-anak nano ra ungkuyon am ruandu' am nangalap ra sapi', kaladai, domba, kim am ngaangai' rapu' nano am ngaangai' no inibit mongoi ra Limayak Kapaganan.

JOSUA 7:5

Nangilou ulun Ai risilo intor ra kulobon garabang ru bandar no saboi ra intok ru kuari, am namatoi ra olo'-olo' talu ngoopor am onom ngaulun ru Israil giu' ra pipilon ru bulur. Ginio ra magalabo am mangalaa' ulun ru Israil.

2 PITRUS 2:6

Mogondo' niayuk ra ati kulaan sauk ru ulun ra bandar Sodom am Gomora: Inukum ilo solobo' ri Aki Kapuuno' karuruo bandar i. Ginio binaal Nano koson ra pampakaraan ati kulaan balos Nano ra ulun malaat.