JOSUA 2:9 - Tanou Moonsoi Timugon

⁹ am indagu risilo, “Nakapandai aku ra nanaak noyo Tuhan ramuyun ra tana' ragitio. Ngaangai' ulun ra pagun ti malaa' ramuyun.

JOSUA 2:9 ပူးပေါင်းရင်းမြစ်များ

KASAUKAN 35:5

Paat ri Jakub am ngaangai' ulun nano mangiruan ra intok no, mamagun ru bandar-bandar ra paginggaar no ngaangai' kinuasa' ru kalaanan, am kalo baani ilo mangilou ri Jakub am ulun nano.

2 SAMUIL 17:10

Kinibit ru ginio, ulun ondo' baani kaga' am maikang toojo koson ra singa' pana malaa'. Ngaangai' ulun giu' ra Israil makapandai ra ama' muno sangulun tutumula', am ra ulun-ulun nano tutumula' ondo' maikang ra baani.

2 RAJA'-RAJA' 5:15

I Naaman nabaya' ra ngaangai' ru namaya' riso no siminaguli' ri Ilisa. Kon ri Naaman, “Raino nakapandai aku ra rondo' ayuk i Aki Kapuuno' ra titikop ru tana' ti, iono i Aki Kapuuno' ru Israil. Kasaga' no mangapu ra taak kutu.”

2 RAJA'-RAJA' 7:6

Tuhan noyo nangkinibit ra saujor ru Siria nokorongog ra bolos koson ayuk ra rondo' pulalai ru saujor maayo ondo' minatong pamulunsar risilo ra kuda am kurita' kuda. Indoson ru saujor ru Siria ra raja' ru Israil nagakut ra raja' ru ulun ru Git am raja' ru ulun ru Misir am ngaangai' saujor nilo koson mamulunsar ra saujor ru Siria.

NIGIMIA 6:16

Pokorongog pantula'-pantula' mai intor ra pagun-pagun paginggaar ra baal raginio, nakaliman ilo ra tinauyu' ilo, sabap ra moonong ulun nakapandai ra kandoi raginio binaal ra indangan ri Aki Kapuuno' galama'.

ESTER 8:17

Giu' ra moonong bandar am wilayah, ati ayuk ragu ru raja' no basaan, ulun ru Jaudi maansayan, naansukan am nambaal ra bunsag. Inambai poyo ra masuang ulun nasauk ra ulun ru bansa' ru Jaudi sabap ra malaa' ilo ra bansa' raginio.

AYUP 19:25

Kaa' nakapandai aku ra giu' ra suruga' mokoondo' Mamamayag raki'; pupus nano matong Io mangindangan raki'.

MAZMUR 112:10

Ulun malaat sumangit magilong ra baal koson raginio; masisang ilo magilong raki'. Ilo pana mapuso boo; gogoton nilo natatak ra sabuoi-buoi no.

MAZMUR 115:16

Suruga' iono longgom ru Tuhan ayuk, kaa' tana' ti pinataak No ra ulun.

KAINGKUALAN 18:11

Nakapandai aku ra Tuhan maayo poyo intor ra ngaangai' tuhan, sabap ra nambaal Io ra ngaangai' no paat ra liminaat ulun ru Misir ra ulun ru Israil.”

KAINGKUALAN 23:27

“Saukon Ku bansa' ondo' manggal ramuyun malaa' Raki'. Maparatong Aku ra kaubangan ra bansa' gulaan mino, am mangkinibit Aku ra ngaangai' pantula' tumalikur am magiru' intor ramuyun.

MAMPATANOU 8:12

Kabalu' pana ulun makatula' nambaal ra maatus kalaatan, ilo lakat poyo maayag. Nakapandai aku ra ulun mindagu, “Ulun ondo' gumagaya' ri Aki Kapuuno' maayag ra sabubuoi no,

JISAYA 19:1

Gitio noyo tanou ru Tuhan intor ra Misir. Minatong Tuhan ra Misir siminakoi ra gaun ondo' maribok. Ngaangai' sinungkalalaing ru Misir monontol ra saang Nano am namagun ru Misir liminawo.

JISAYA 23:5

Ulun pana ru Misir naliangan am malawo guang paat nokorongog ra Tirus pinuso noyo.

JIRIMIA 27:5

“Mabaya' ra kuasa' Kuno ondo' maayo am mabaya' ra kaikangan Kuno, inangun Ku tana' ti, ulun am ngaangai' bibiag ra tana' ti; makapangani' Aku ra ngaangai' no ra osoi ayuk ondo' kasagaan Kuno.

NAGUM 2:10

Napuso noyo Niniwi, nokoloso am masiluk. Sabap ra malaa', nagiru' ambiluo ru ulun; atur monontol, kalo maikang; ngaangai' ulun mabula' bulos.

UNTABAN 20:14

Panusub boo i Musa ra ulun-ulun sinusub intor ra Kadis mongoi uma' ra raja' Idom. Indagu ulun-ulun sinusub no, “Akai ngaangai' intor ra bansa'-bansa' ru Israil ondo' lakat poyo makapabukatan rirun. Nakapandai kou ra kapaganan ondo' nakalumpa' ramon.

UNTABAN 20:24

“Kalo mokoongoi i Arun giu' ra tana' ondo' binantu' Kuno ra ulun ru Israil. Matoi io sabap ra akau ruo kalo giminagaya' ra susuban Kuno giu' ra Miriba.

MATIUS 20:15

Maaru' makapanaak aku maya' ra guang kuno am ruit kuno galama'! Kua sangit kau ra kinataau ru guang kuno?’ ”

SAGULION 11:25

Ati ayuk angayan min giu' ra tana' no, Tuhan i Aki Kapuuno' min mangkinibit ra ulun malaa' ramuyun koson ra binantu' Nano; kolondo' sangulun pana makapanginga' ramuyun.

SAGULION 2:25

Intor orou raiti' mangkinibit Aku ra bansa'-bansa' ra ati ayuk, malaa' ramuyun. Moonong ulun monontol sabap malaa' paat mokorongog ra inggalan min sabiton.’ ”

SAGULION 28:10

Kopongo raginio ngaangai' bansa' ra tana' ti makapandai ra nampili' noyo Tuhan ramuyun masauk ra ulun Nano galama', am malaa' ilo ramuyun.

SAGULION 32:8

Paat ra Io Ondo' Masawat Kaga' nantayar ra tana' ra bansa'-bansa', nangaru' Io ra wilayah intok ayanan nilo, am malaikat koson ra manindung,

IBRANI 11:31

Sabap ra pangintapatan noyo, i Ragab, ondo' ragili nantalan ra inan nali, kalo minatoi nabaya' ra mamagun ru bandar Jiriko ondo' kalo giminagaya' ri Aki Kapuuno', sabap ra nangapu io ra ulun ru Israil ondo' minongoi pansigo ra bandar i.

JOSUA 2:11

Nangalaa' akai paat akai nokorongog ra baal raginio. Kalio boo kabaanian mai sabap ra akau. Tuhan i Aki Kapuuno' min sotopot no i Aki Kapuuno' ondo' makakuasa' giu' ra limbowon no am ra tana' ti.

JOSUA 2:24

Indagu ilo boo, “Mangintopot akai ra manaak Tuhan ritakau ra titikop ru pagun no. Ngaangai' mamagun ru pagun no malaa' ritakau.”

JOSUA 2:8

Ra kalo poyo nombolong ulun-ulun pansigo no ra rondom raginio, nagaloi i Ragab ra taap ru baloi

JOSUA 5:1

Ngaangai' raja' ru ulun ru Amori tampilon ra kalasaan ru Sungoi Jordan am ngaangai' raja' ru ulun ru Kanaan ra sisil ru nagas Raat Tanga' nokorongog ra kinapua' ru Tuhan Sungoi Jordan saboi ulun ru Israil nakalaup. Raja'-raja' no nalaa' am malawo guang sabap ra ulun ru Israil.

JOSUA 6:2

Indagu Tuhan ri Josua, “Pataakon Ku rirun Jiriko am raja' nano am ngaangai' saujor nano ondo' mangapanggol.

JOSUA 9:10

am atan ondo' binaal Nano ra ruo ngaulun raja' ru Amori tampilon ra sirangon ru Sungoi Jordan: Raja' Sigon namarinta ra Gisybon am Raja' Og namarinta ra Basan ondo' minayan giu' ra Asytarot.

JOSUA 9:24

Taam ulun Gibion, “Tuan, binaal mai koson raginio sabap nokorongog akai ra sotopot no Tuhan i Aki Kapuuno' muno namarinta ra ulipon nano i Musa koson manaak ra ngaangai' tana' ti rirun, am niayuk mamatoi ra mamagun nano paat okou mangayou. Binaal mai koson raginio sabap malaa' akai rirun; malaa' akai potoyon.

JOSUA 9:9

Ilo pana nantunung ragitio, “Tuan, intor akai ti ra pagun ondo' maalur kaga'. Minatong akai sabap nokorongog ra Tuhan i Aki Kapuuno' muno. Nokorongog akai ra ngaangai' ondo' binaal Nano giu' ra Misir,

TINGGANAI RU BANSA' 7:14

Taam rangan nano, “Ginio ilang ri Gidion anak ri Joas, ulun ru Israil no. Arati' no nanaak noyo i Aki Kapuuno' riso ra kamanangan ra ulun ru Midian am ngaangai' pulalai ru saujor takau!”