JOSUA 2:18 - Tanou Moonsoi Timugon

¹⁸ Baalo' noyo baal ragitio. Paat bulunsaron mai pagun min, pobongkoso' tali malia' ti ra gigimpalan ru intok napatuunan muno ramon. Timungo' noyo ina' ama' muno, pabukat-pabukat muno am ngaangai' pabukat ru ama' muno ra baloi mutu.

JOSUA 2:18 ပူးပေါင်းရင်းမြစ်များ

KASAUKAN 12:2

Mangani' Aku rirun ra papag ondo' masuang am masauk ilo ra bansa' maayo. Mambarakat Aku rirun am masauk boo inggalan muno ra mauligan kaga' saboi alapon kou mambarakat ra ulun bokon.

KASAUKAN 7:1

Indagu boo Tuhan ri Nuu, “Ilain Ku ra okou ayuk rorondo' ondo' sumugut ra susuban Kuno. Ginio ra subol kano ralalom ru kapal no mabaya' ra akau ngaangai' sasambaloi.

ESTER 8:6

Ati kulaan lair ru aku tumaan magilong ra karaat ondo' masauk ra bansa' kuno, am magilong ra pabukat-pabukat kuno potoyon?”

KAINGKUALAN 12:13

Raraa' ra lugu' ru kulobon ru baloi masauk ra tatandu' tayar intok inayanan min. Makito Ku raraa' no, sumail Aku ramuyun, am kalo mangukum ramuyun paat ra Aku mangukum ra ulun ru Misir.

RIMBAI PANGAMPARAN 4:3

Bibil muno koson ra ribin malia', am kabang muno mapasau. Pingas muno koson ra lapak ru kawa' dalima' nasibuni ra rundung muno.

IMAMAT 14:4

manusub imam ra ulun magibit ruo ngainan susuit ondo' kalo majamol am ondo' biag, saputul tataun sidar, rondo' tali malia' am rondo' isop.

UNTABAN 19:6

Imam no pana musiti' mangalap ra sanganu tataun sidar, satanggayan Isop am rondo' tali malia', am papatiron boo ngaangai' no ra apui ondo' tatanga' monolob ra sapi' malia' no.

UNTABAN 4:8

Rondo' konoon malia' musiti' pabingkalon ra rasawat ru ngaangai' kuliamos no, am taubin ngaangai' no ra rondo' kungkung malumis. Ilo pana musiti' mapaatang ra tataun pamandas ra mija' no.

LUKAS 19:9

Indagu i Jisus riso, “Orou raiti' akau sambaloi binayag ri Aki Kapuuno', sabap ra okou pana papag ri Abragam.

RINALATAN 10:27

Liliwa' i Pitrus nakimansunur ri Konilius, umpos io ra rondo' lamin am kakito no masuang ulun timinimung ra giu' i.

RINALATAN 10:33

Ginio sabap ra nampiau aku rirun ra mataki' am naringkuanang akai ra minatong kou ragiti. Raino tumimung akai ra saang ri Aki Kapuuno' koson mangkirongog ra atan ayuk panusuban nano koson pabalaan muno ramon.”

RINALATAN 11:14

Mampasaboi io ra tanou ondo' makapamayag ramuyun sambaloi.’

2 TIMOTIUS 1:16

Gama' ru Tuhan mangani' ra asi' Nano ri Onisiporus ilo sambaloi, sabap ra ingkukula' io no napabansuk ra guang kutu. Io kalo mauyu' raki' kabalu' ra aku inaput.

IBRANI 9:19

Pakapambala' i Musa ra ngaangai' ukum ri Aki Kapuuno' ra ulun ru Israil, alapo' no tutuu' Isop ondo' pinabangkos no ra bulu malia' ru domba, am pososopo' no boo ra raraa' ru sapi' am raraa' ru kambing ondo' pinaratok no ra timug, am patakiso' no galing ra Kitab ru Ukum ri Musa i am bagu no ra ngaangai' ulun ru Israil.

JOSUA 2:21

Nangiou i Ragab ra baal raginio am nanusub risilo mugar. Pakaugar ilo, pobongkoso' no tali malia' no ra gigimpalan nano.

JOSUA 6:23

Ginio ra ugar ilo nagibit ri Ragab miningkual nababaya' ra ina' ama', pabukat-pabukat, am ngaangai' sasambaloi nano. Binayag nilo ngaangai' ulun no, pabukat ru sasambaloi ri Ragab am poyo ulipon-ulipon nano, am nagibit risilo mongoi ra intok matanda', maar ra pangkiman ru Israil.

JOSUA 6:25

Kaa' binayag ri Josua i Ragab, ruandu' mantalan ra inan no am ngaangai' sasambaloi nano sabap binuni no ruo ngaulun pansigo ondo' sinusub ri Josua minongoi ra bandar Jiriko. (Papag ri Ragab minayan ra pagun ru Israil saboi ra orou raiti'.)