JOSUA 18:28 - Tanou Moonsoi Timugon

²⁸ Jila, Ilip, Jibus (kapoam Jirusalim), Gibia am Kiryat-Jiarim; ngaangai' no mopor am apat bandar nabaya' ra pekan giu' ra liput no. Ginio noyo tana' ondo' inapu koson ra longgom ru sasambaloi ralalom ru bansa' ru Binjamin.

JOSUA 18:28 ပူးပေါင်းရင်းမြစ်များ

2 SAMUIL 21:14

Kopongo raginio bungul-bungul ru Raja' Saul am i Jonatan, am niayuk bungul-bungul ru tulu' ngaulun no linobong giu' ra kalabangan ri Kis, ama' ru Raja' Saul, giu' ra Jila ralalom ru wilayah Binjamin, koson ra ondo' nanusuban ru raja'. Kopongo raginio bagu no nangiou i Aki Kapuuno' ra pakiasian nilo tayar ru pagun no.

2 SAMUIL 5:6

Paat ra sangarawan Raja' Daut am ulun-ulun nano minongoi pamulunsar ra Jirusalim. Ulun ru Jibusi ondo' minayan ra giu' no nangkara' ra kalo masaga' Raja' Daut mampakaala ra bandar no. Indagu ilo riso, “Kalo noyo toojo makasubol kou ragiti. Iou pana ulun bolou am kimpo' no pana makaanjung rirun.” (

2 SAMUIL 5:8

Paat orou raginio indagu Raja' Daut ra ulun-ulun nano, “Mokoondo' kia osoi-osoi ragiti ondo' masisang ra ulun ru Jibusi koson raki' masisang risilo? Sama' kia sisang nano saboi moogot io kaga' mamatoi risilo? Amon ru kon raginio, subol no ra babayaan ru timug am bulunsaro' ulun bolou am ulun kimpo' ondo' kasisangin kuno.” (Ginio sabap ra ulun mindagu, “Ulun bolou am ulun kimpo' inggalarin mumpos ra Baloi ru Tuhan.”)

1 TUNUNG RU BANSA' ISRAIL 8:28

Gini noyo tingganai ru sasambaloi am tingganai ondo' tinulisan ralalom ru suang ru papag nilo. Minayan ilo giu' ra Jirusalim.

JISAYA 10:29

Nansail ilo ra ralan makalalaa' am raino mombolong ilo giu' ra Giba! Mamagun ru bandar Rama mangalaa', am mamagun ru Gibia, bandar ru Raja' Saul nagigiru'.

JIRIMIA 6:1

Ulun kau ru Binjamin, pagiru' no koson mamayag ra inan! Iruani' Jirusalim! Samputi' bujung giu' ra Tikoa am paangi' apui pulanu giu' ra Bit-Kirim! Karaat am usung maar sumaboi intor ra ralayo.

GOSIA 10:9

Indagu Tuhan, “Ulun ru Israil kalo poyo igondo' longgo' pambaal ra tula Raki' intor ra ilo makatula giu' ra Gibia. Ginio ra malumpa' ilo ru pangayawan giu' ra Gibia.

UNTABAN 26:38

Bansa' ru Binjamin: bansa' ru Bila, Asybil, Agiram,

UNTABAN 26:54

Tayaro' noyo tana' no ra magundi'. Pataako' noyo tayar ondo' maayo ra bansa' ondo' maayo, am tayar ondo' boborok ra bansa' ondo' boborok.”

UNTABAN 33:54

Mopongo raginio tayaro' noyo tana' no ra bansa'-bansa' mino ra magundi': tayar ondo' maayo taakin ra bansa' ondo' maayo, am tayar ondo' boborok taakin ra bansa' ondo' boborok.

JOSUA 15:63

Kaa' bansa' ru Jiuda kalo nakapapagiru' ra ulun ru Jibusi ondo' minayan giu' ra Jirusalim. Ulun ru Jibusi lakat poyo minayan ra giu' no nabaya' ra bansa' ru Jiuda.

JOSUA 15:8

am nagaloi mansail ra Limayak Ginom giu' ra tampilon rabugus ru bulur, intok ru Jirusalim, bandar ru ulun ru Jibusi. Intor ra giu' balitan no mongoi ra tampak ru bulur no, giu' ra tampilon kalasaan ru Limayak Ginom, iono giu' ra pompor ru tampilon ralayo ru Limayak Ripaim.

JOSUA 18:16

Balitan raginio tumuun ra lonson toojo ru gunung ondo' nantaluma' ra Limayak Ginom, giu' ra pompor ru tampilon ralayo ru Limayak Ripaim. Balitan no pana mongoi ra rabugus mansail ra Limayak Ginom saboi ra tana' mangasawat giu' ra rabugus ra tana' ru ulun ru Jibusi, am mongoi ra taur ru timug In-Rogil.

JOSUA 18:27

Rikim, Jirpiil, Tarala,

JOSUA 19:1

Pantayaran karuo iono tana' tayar ru sasambaloi ralalom bansa' ru Simion. Balitan ru tana' nilo nakasubol ralalom wilayah ru bansa' ru Jiuda.

TINGGANAI RU BANSA' 1:21

Kaa' bansa' ru Binjamin kalo nakasugut napagiru' ra ulun ru Jibusi intor ra Jirusalim. Ginio sabap ra lakat poyo minayan ulun ru Jibusi nabaya' ra ulun ru Binjamin.

TINGGANAI RU BANSA' 19:10

Kaa' kalo boo masaga' ulun ru Liwi no mayan. Ugar io am ruandu' parulug nano, nabaya' ra ulipon nano am ruo ngainan kaladai ondo' makapalana. Paat lumondom galing noyo, nakasaboi ilo maar ra Jibus (iono Jirusalim). Ginio ra indagu ulipon nano riso, “Tuan, uog takau am pombolong ra bandar ru ulun ru Jibusi ti.”

1 SAMUIL 10:26

Raja' Saul niayuk minuli' ra baloi nano giu' ra Gibia, binaya' ru kukula' ngaulun ondo' mangapanggol. Guang nilo inunsu' noyo ru Tuhan koson mamaya' ra Raja' Saul.