JOSUA 15:47 - Tanou Moonsoi Timugon

⁴⁷ Suai raginio nakasimpung niayuk Asdod am Gaja, nabaya' ra ngaangai' pekan am kampung-kampung giu' ra liliut no, saboi ra sungoi boborok giu' ra balitan ru Misir am nagas ru Raat Tanga'.

JOSUA 15:47 ပူးပေါင်းရင်းမြစ်များ

1 RAJA'-RAJA' 5:4

Kaa' raino Tuhan, i Aki Kapuuno' kuno nanaak ra kaansayan giu' ra titikop ru pagun kuno. Kolondo' pantula' kuno, am kolondo' boo baal malaat intor ra ati pana.

2 RAJA'-RAJA' 18:8

Kinala ru Raja' Gijkia no ulun ru Palistin am nanalingaau ra libung nilo, intor ra kampung ondo' boborok kaga' saboi ra bandar ondo' maayo kaga', nakaaya' Gaja am liliut no.

2 TUNUNG RU BANSA' ISRAIL 26:6

Nangayou Raja' Ujia ra ulun ru Palistin. Ginaba' no timbok ru bandar Gat, Jabni am Asdod, am nambaal ra bandar-bandar mokoondo' ra kubu mamaar ra Asdod am giu' ra intok ru ulun ru Palistin.

KAINGKUALAN 23:31

Aruon Ku balitan ru pagun min intor ra Teluk Akaba mongoi ra Sungoi Iprat, am intor ra Raat Tanga' polos ra tana' kaagisan. Mangani' Aku ramuyun ra kuasa' ra mamagun ru pagun no, am pagiruon min ilo ra akau jumalai.

JIRIMIA 47:1

Kalo poyo namulunsar raja' ru Misir ra Gaja, minindagu Tuhan raki' intor ra pagun ru Palistin,

JIRIMIA 47:5

Mamagun ru Gaja mangiluk kaga' guang, mamagun ru Askilon pana nongkoror. Saboi sanggilan kia ulun ru Palistin mangulir?

JIPANYA 2:4

Kolondo' boo osoi pana ondo' mayan giu' ra bandar Gaja. Bandar Askilon iruanin. Mamagun ru Asdod pagiruon ralalom sampiruo orou, am mamagun ru Ikron pagiruon intor ra bandar nilo.

RINALATAN 8:26

Mokoondo' rondo' malaikat ru Tuhan minindagu ri Pilipus, “Tampos no am ongoi ra tampilon ra rabugus, giu' ra ralan Jirusalim ondo' mongoi ra Gaja.” (Ralan i kalo boo bayain.)

SAGULION 2:23

Tana' giu' ra igig ru nagas Raat Tanga' inayanan ru ulun intor ra pulu' Krita. Namuso ilo ra ulun ru Awi, mamagun toojo ru intok raginio, am nampagaau ra titikop ru tana' ra giu' no saboi ra bandar Gaja, giu' ra tampilon rabugus.)

JOSUA 11:22

Kolondo' sangulun pana intor ra bansa' ru Inak ondo' minayan giu' ra pagun Israil, kaa' mokoondo' kukula' ngaulun ondo' lakat poyo minayan giu' ra Gaja, Gat am Asdod.

JOSUA 13:3

am niayuk titikop wilayah Awi am giu' tampilon ra rabugus. (Tana' intor ra Sungoi Sikgor giu' ra balitan ru Misir, saboi ra balitan ru Ikron giu' ra ralayo, karaan ra tana' ru ulun ru Kanaan; raja' ru ulun ru Palistin minayan giu' ra Gaja, Asdod, Askilon, Gat am Ikron.)

JOSUA 15:4

Intor ra giu' balitan raginio saboi ra Ajmon, am mansusug ra sungoi boborok giu' ra balitan ru Misir saboi ra Raat Tanga'. Ginio noyo balitan tayar rabugus ru pagun Jiuda.

JOSUA 15:46

am niayuk ngaangai' bandar am pekan ra liliut ru Asdod, intor ra Ikron saboi ra Raat Tanga'.

JOSUA 15:48

Giu' ra intok kabuluran mokoondo' bandar Samir, Jatir, Sokgo,