JOSUA 15:14 - Tanou Moonsoi Timugon

¹⁴ Pinagiru' ri Kalib papag ri Inak, iono bansa' Sisai, Agiman am Talmai miningkual intor ra bandar no.

JOSUA 15:14 ပူးပေါင်းရင်းမြစ်များ

2 SAMUIL 21:16

Paat raginio sangulun maayo ulun makainggalan ri Jisbi-Binob mangkara' ra mapatoi no Raja' Daut. Maayo ulun no nagibit ra rondo' tutura' tambaga' ondo' bagat no olo'-olo' 3.5 ngakilogram, am inabil no rondo' ilang ondo' baguon.

UNTABAN 13:33

am nakakito akai ra maayo ulun, papag ri Inak ra giu'. Malimanan mai ra boborok koson ra gapu' am maaru' ginio noyo pangkaraan nilo ramon.”

SAGULION 9:2

Ulun ra giu' mangasawat am mangaikang; ilo no maayo ulun, am norongog min noyo ra kolondo' sangulun pana makagula' risilo.

JOSUA 11:21

Paat raginio namuso i Josua ra bansa' ru maayo ulun ondo' sabiton ra Inak, ondo' minayan giu' ra libung kabuluran – giu' ra Gibron, Dibir, Anab am giu' ra ngaangai' kabuluran ru Jiuda am Israil. Namatoi i Josua risilo ngaangai' am napalunsai ra bandar-bandar nilo.

JOSUA 11:22

Kolondo' sangulun pana intor ra bansa' ru Inak ondo' minayan giu' ra pagun Israil, kaa' mokoondo' kukula' ngaulun ondo' lakat poyo minayan giu' ra Gaja, Gat am Asdod.

TINGGANAI RU BANSA' 1:10

Namulunsar ulun ru Jiuda ra ulun ru Kanaan ondo' minayan giu' ra bandar Gibron, ondo' ragili ininggalanan ra Kiryat-Arba. Giu' no kinala nilo bansa' Sisai, Agiman am Talmai.

TINGGANAI RU BANSA' 1:20

Koson ra ondo' nanusuban ri Musa, Gibron pinataak ri Kalib, sabap ragili pinagiru' ri Kalib talu bansa' ru papag ri Inak intor ra bandar no.