JOSUA 13:7 - Tanou Moonsoi Timugon

⁷ Raino, tatayaro' noyo tana' no ra siam bansa' ra bokon am sampiruo intor ra bansa' ru Manasi maa' raginio masauk ra tana' longgom nilo.”

JOSUA 13:7 ပူးပေါင်းရင်းမြစ်များ

UNTABAN 33:54

Mopongo raginio tayaro' noyo tana' no ra bansa'-bansa' mino ra magundi': tayar ondo' maayo taakin ra bansa' ondo' maayo, am tayar ondo' boborok taakin ra bansa' ondo' boborok.

JOSUA 13:6

nakasimpung niayuk titikop pagun ru ulun Sidon, ondo' minayan giu' ra kabuluran pangkilolot ru Kagunungan Libanon am Misripot-Maim. Pagiruon Ku ngaangai' ulun raginio paat ra ulun ru Israil mamulunsar risilo. Tayaro' noyo am pataako' noyo tana' no ra ulun ru Israil koson ra longgom nilo, koson ra nanusuban Kuno rirun.

JOSUA 13:8

Bansa' ru Rubin, Gad am sampiruo intor ra bansa' ru Manasi nakaalap noyo ra tayar ru tana' ondo' tinaakan ri Musa, ulipon ru Tuhan; tana' no giu' ra tampilon sirangon ru Sungoi Jordan.

MAZMUR 78:55

Bulintok ra ulun Nano nakasuku' ininggalaran No namagun no, am tatayaro' no pagun no ra ngaangai' ru bansa' ru Israil, am intok ru pantula' pinataak No ra ulun Nano.

MAZMUR 105:44

Pinataak No pagun ru ulun bansa' ru bokon no risilo, am umo-umo nilo sinauk ra longgom ru ulun Nano,

YEHEZKIEL 45:1

Paat ra tana' no tinayar ra moonong bansa', santayaran intor raginio musiti' pasuayon koson ra Tuhan. Gawar ru tana' no musiti' 12.5 ngakilomito, am pila' no 10 ngakilomito. Titikop ru intok no matulai.

UNTABAN 34:13

Kopongo raginio nambala' i Musa ra ulun ru Israil, “Ginio noyo tana' ondo' apuon min ra magundi', tana' ondo' pataakin ru Tuhan ra bansa' ru Israil ondo' siam am maintanga'.

JOSUA 14:2

Koson ondo' nanusuban ru Tuhan ri Musa, wilayah-wilayah giu' ra tampilon kalasaan ru Sungoi Jordan tayar ru bansa'-bansa' ondo' siam am maintanga' no, tinayar-tayar ra nagundi'.