JOSUA 13:33 - Tanou Moonsoi Timugon

³³ Kaa' kalo nanaak i Musa ra tayar ru tana' ra ati pana ra bansa' ru Liwi. Nambala' i Musa risilo ra tayar nilo iono intor ra taak-taak simbalui ondo' pataakon ra Tuhan i Aki Kapuuno' ru Israil.

JOSUA 13:33 ပူးပေါင်းရင်းမြစ်များ

JOSUA 18:7

Kaa' bansa' ru Liwi kalo makaalap ra tayar ru tana' mabaya' ramuyun, sabap tayar nilo iono mangandoi ra Tuhan koson ra imam. Bansa' ru Gad, Rubin am Manasi Sirangon nakaalap noyo ra tana' giu' ra tampilon sirangon ru Sungoi Jordan, ondo' tinaakan ri Musa, ulipon ru Tuhan risilo.”

JOSUA 13:14

I Musa kalo nanaak ra bansa' ru Liwi ra tana' sabap sumugut ra susuban ru Tuhan ri Musa, pataakin risilo tayar intor ra taak-taak simbalui ondo' solobon ra rasawat ru altar tayar ru Tuhan i Aki Kapuuno' ru Israil.

SAGULION 10:9

Ginio sabap ra bansa' ru Liwi kalo nakaalap ra tana' koson ra bansa'-bansa' ra bokon, sabap ra nangapu ra kaapuan inaru' koson masauk ra imam ru Tuhan koson ra binantu' ru Tuhan i Aki Kapuuno' min.)

UNTABAN 18:20

Indagu Tuhan ri Arun, “Kalo makaalap kou ra atan pana rapu' koson ra tungkuson. Kolondo' tayar ru tana' giu' ra Israil masauk ra longgom muno. Aku Tuhan noyo tungkuson muno.”

JOSUA 13:32

Ginio noyo ralan ri Musa nantayar ra tana' giu' tampilon sirangon ru Jiriko am Sungoi Jordan paat io giu' ra tana' marata' magana' ru Moab.

YEHEZKIEL 44:28

“Imam-imam no musiti' mangapu ra kandoi no koson ra tayar nilo intor ra atan ondo' tinaakan Kuno ra Israil tungkus-manungkus. Kalo iowon ilo mompolonggom ra pinatungkus giu' ra Israil; Aku noyo pinatungkus risilo.