JOSUA 11:20 - Tanou Moonsoi Timugon

²⁰ Tuhan nambaal risilo miningkotog mangayou ra ulun ru Israil, maa' raginio makai' ilo pusoon am potoyon ra kolondo' guang makaasi'. Ginio noyo ondo' nanusuban ru Tuhan ri Musa.

JOSUA 11:20 ပူးပေါင်းရင်းမြစ်များ

2 SAMUIL 17:14

Kopongo i Absalom am ngaangai' ulun ru Israil nokorongog ra inatangan raginio, konilo, “Moonsoi poyo bilin ri Gusai intor ra bilin ri Agitopil.” Inaru' noyo ru Tuhan koson mongompong ra bilin ri Agitopil ondo' moonsoi no, maa' raginio matiu' i Absalom ra karaat.

1 RAJA'-RAJA' 12:15

Masaga' Tuhan manugut ra ragu Nano ondo' pinasaboi ri Jirobiam anak ri Nibat ondo' pinabala' galing ra Nabi Agia intor ra Silo. Ginio sabap ra raja' no kalo nampalio ra kitaakon ru mamagun.

2 TUNUNG RU BANSA' ISRAIL 22:7

Inaru' noyo ri Aki Kapuuno' maa' raginio Raja' Agajia makauma' ra karatuan nano paat io mongoi ilong ra Raja' Joram. Paat ra Raja' Agajia soroi ra giu' no, io am Raja' Joram ginabu' ru sangulun ondo' inggalan no i Jigu anak ri Nimsi, ondo' pinili' noyo ru Tuhan koson mamuso ra sasambaloi ru Raja' Agab.

2 TUNUNG RU BANSA' ISRAIL 25:16

Kaa' pinutat ru Raja' Amajia ragu am indagu, “Intor sanggilan kia akai nampalantik rirun nasauk ra paminson ru raja'? Pongkoror, amon ru kalo, potoyon kou!” Kalo poyo nongkoror nabi no, indagu io, “Raino bagu no mapandayan ku ra mingkotog i Aki Kapuuno' koson mamuso rirun sabap ra ngaangai' ru binaal muno, am niayuk sabap ra kalo linio mu pinson kutu.”

KAINGKUALAN 10:1

Indagu boo Tuhan ri Musa, “Ongoi noyo tuum ra raja'. Aku nangkinibit riso am pagawai nano bambalingatan, maa' raginio mabaal Ku kaimuagan-kaimuagan ti ra tatanga' nilo,

KAINGKUALAN 11:10

Nambaal i Musa am i Arun ra ngaangai' kaimuagan ra saang ru raja', kaa' nangkinibit Tuhan ra bambalingatan raja' no, saboi kalo mangiou raja' ra ulun ru Israil mangiruan ra pagun nano.

KAINGKUALAN 14:17

Mangkinibit Aku ra ulun ru Misir bambalingatan kaga' saboi mangilou ilo ra ulun ru Israil, am poyo ralalom ru raat pana. Kamanangan Kuno ra raja' ru Misir, saujor nano, kurita' kuda nano am mapaugar ra kurita' kuda nano maparatong ra pangurumatan Raki'.

KAINGKUALAN 14:4

Mangkinibit Aku ra raja' ru Misir bambalingatan saboi mangilou io ramuyun; kamanangan Kuno ra raja' no maparatong ra pangurumatan Raki'. Makapandai boo ulun ru Misir ra Aku noyo Tuhan.” Nambaal ulun ru Israil ra atan ondo' nanusuban risilo.

KAINGKUALAN 14:8

Nangkinibit Tuhan ra bambalingatan raja', saboi nangilou raja' ra ulun ru Israil ondo' tatanga' pangkiralanan mangiruan ra intok no ra kamanangan.

KAINGKUALAN 4:21

Indagu poyo Tuhan ri Musa, “Nangani' Aku noyo rirun ra kuasa' mambaal ra kaimuagan-kaimuagan. Ginio ra makasaboi kou ra Misir, baalo' ngaangai' kaimuagan ra saang ru raja' ru Misir. Kaa' mangkinibit Aku riso bambalingatan, saboi kalo makataak io ra ulun raginilo mugar.

KAINGKUALAN 9:12

Kaa' nangkinibit Tuhan ra bambalingatan raja', am koson ra rinagu ru Tuhan, marara' raja' mangining ra ragu ri Musa am i Arun.

KAINGKUALAN 9:16

Kaa' polosoon Tokou maayag koson mapakito rirun ra kuasa' Kuno, maa' raginio inggalan Kuno mauligan toojo ra titikop ru tana' ti.

JISAYA 14:24

Nampator Tuhan Ondo' Maayo Kaga' Kuasa', “Atan ondo' inatang Kuno masugut. Atan ondo' inaru' Kuno masauk.

JISAYA 34:2

Tuhan sumangit kaga' ra ngaangai' bansa' am pulalai ru saujor nilono. Mangukum am mamuso Io risilo.

ROMA 9:18

Ginio nai ra, amon ru masaga' i Aki Kapuuno' makaasi' ra sasangulun, ginio baalon No. Am poyo, amon ru masaga' Io mambaal ra sasangulun mokotog ulu, ginio baalon No.

SAGULION 2:30

Kaa' kalo nangiou Raja' Sigon ritakau nansail ra pagun nano. Ginio ra Tuhan i Aki Kapuuno' nangkinibit ra Raja' Sigon bambalingatan am mingkotog manggal ritakau, maa' raginio makapangala takau riso am mampagaau ra wilayah nano, ondo' inayanan takau saboi raino.

SAGULION 7:16

Pusoo' noyo ngaangai' bansa' ondo' pataakon ru Tuhan i Aki Kapuuno' min ralalom ru kuasa' min, am pai' pakaasi' risilo. Pai' samba ra tuhan-tuhan nilo, sabap binaal raginio makaratong ra karaat.

TINGGANAI RU BANSA' 14:4

Kalo nakapandai matuo ri Simson ra Tuhan nambaal ri Simson mambaal raginio, sabap ra tatanga' Tuhan maguyum ra kaluagan mamulunsar ra ulun ru Palistin. Paat raginio ulun ru Palistin nanguasa' ra ulun ru Israil.

1 SAMUIL 2:25

Amon ru sasangulun no makatula ra ulun, saungon io ri Aki Kapuuno'; kaa' amon ru sasangulun no makatula ra Tuhan, osoi kia boo makasaung riso?” Kaa' anak-anak ri Ili no kalo mampalio ra bilin ru ama' nilono, sabap ra namatas noyo Tuhan no koson mamuso risilo.