JOSUA 11:2 - Tanou Moonsoi Timugon

² am niayuk raja'-raja' intor ra bandar-bandar giu' ra kabuluran ra ralayo, giu' ra Limayak Jordan tampilon ra rabugus ru Tasik Galilia, giu' ragana' toojo ru bulur, am giu' ra nagas maar ra bandar Dor.

JOSUA 11:2 ပူးပေါင်းရင်းမြစ်များ

TINGGANAI RU BANSA' 1:27

Bansa' ru Manasi kalo napagiru' ra mamagun ru bandar Bit-Sian, Taanak, Dor, Jibliam, Migido am mamagun ru ngaangai' pekan giu' ra liliut no. Ginio ra nagulayun ulun ru Kanaan minayan ra giu' no.

JOSUA 12:3

nakasimpung niayuk Limayak Jordan, intor ra Tasik Galilia tampilon ra rabugus saboi ra Bit-Jisimot (giu' ra tampilon sirangon ru Raat Matoi) am rayus ra lonson toojo ru Gunung Pisga.

JOSUA 17:11

Ralalom ru wilayah Isakar am Asyir, bansa' ru Manasi tatangan ra bandar Bit-Sian am Jibliam nabaya' ra ngaangai' pekan ra liliut nano, nakaaya' niayuk bandar Dor (ondo' igig ru nagas), Indor, Taanak, Migido am bandar-bandar giu' ra liliut no.

UNTABAN 34:11

Intor ra giu' no balitan no tumuun mongoi ra Ribla tampilon ra sirangon ru Ain, rayus mongoi ra bulur-bulur giu' ra nagas sirangon ru Tasik Galilia,

1 RAJA'-RAJA' 4:11

I Bin-Abinadab, ralaki ri Tapat, anak ruandu' ru Raja' Salomo: Titikop ru tampilon ra Dor

JOSUA 12:23

Dor (giu' ra kiing ru nagas), Goyim (giu' ra Galilia)

LUKAS 5:1

Paat ra rondo' orou, nangintairoi i Jisus ra nagas ru tasik Ginisarit. Masuang ulun liminimpu Riso koson mangkirongog ra Bala' intor ri Aki Kapuuno'.

LUKAS 1:39

Kopongo ayuk raginii, parayus i Maria ra rondo' pekan ra Judia, giu' ra kabuluran.

JOSUA 13:27

Giu' ra Limayak Jordan, wilayah no nakasimpung Bit-Garam, Bit-Nimra, Sukot am Japon, iono intok ra bokon ru pamarintaan Raja' Sigon intor ra Gisybon. Giu' ra tampilon kalasaan, balitan ru wilayah no iono Sungoi Jordan saboi ra Tasik Galilia giu' ra ralayo.

JOSUA 11:21

Paat raginio namuso i Josua ra bansa' ru maayo ulun ondo' sabiton ra Inak, ondo' minayan giu' ra libung kabuluran – giu' ra Gibron, Dibir, Anab am giu' ra ngaangai' kabuluran ru Jiuda am Israil. Namatoi i Josua risilo ngaangai' am napalunsai ra bandar-bandar nilo.

JOSUA 10:40

Ginaau ri Josua ngaangai' tana' raginio. Kinala no raja'-raja' giu' ra kabuluran, pipilon ru bulur giu' tampilon ra sirangon, lonson toojo ru bulur giu' ra tampilon kalasaan am niayuk tana' mangapua' giu' ra tampilon rabugus. Kalo pinoloso no sangulun pana naayag; namatoi io ra moonong ulun. Ginio noyo susuban ru Tuhan i Aki Kapuuno' ru Israil.

JOSUA 10:6

Napasaboi ulun ru Gibion ra tanou ragitio ri Josua giu' ra pangkiman Gilgal, “Tuan pai' akai tatango'! Ibok pangindangan ramon ra mataki'! Pamayag no ramon! Ngaangai' raja' ru ulun ru Amori giu' ra kabuluran nagamung am namulunsar noyo ramon!”

JOSUA 11:16

Ginaau ri Josua titikop ru tana' raginio – kabuluran am lonson toojo ru bulur, iou pana giu' ra ralayo am poyo giu' ra rabugus, ngaangai' libung ru Gosyin am tana' mapua' tampilon rabugus ru Gosyin am niayuk Limayak Jordan.

1 RAJA'-RAJA' 15:20

Raja' Bingadad nangiou ra inatangan ru Raja' Asa, am nangator ra panglima-panglima nano am saujor nano koson mamulunsar ra bandar-bandar ru Israil. Nampagaau ilo ra Iyon, Dan, Abil-Bit-Maakga, Kinirot mamaar ra Tasik Galilia am ngaangai' ru wilayah Naptali.