JOSUA 11:17 - Tanou Moonsoi Timugon

^17-18 Wilayah no malangka' intor ra Gunung Galak giu' ra rabugus, maar ra Idom, saboi giu' ra Baal-Gad giu' ra ralayo giu' ra limayak ru pagun Libanon, giu' ra tampilon rabugus ru Gunung Girmon. Nabuoi kaga' i Josua nangayou ra raja' ru wilayah raginio, kaa' rinakop am pinatoi no ilo ngaangai'.

JOSUA 11:17 ပူးပေါင်းရင်းမြစ်များ

KASAUKAN 32:3

Kopongo raginio panusub i Jakub ra kukula' ngaulun magulu mongoi ra pagun ru Idom koson tumuum ra maayo ungkuyon nano i Isau.

MAZMUR 89:12

Tana' ti am limbowon Okou ra longgom, Tana' ti am niayuk suang nano Okou namangun;

SAGULION 1:7

Raino puwo' pangkiman mino, am ongoi ra intok kabuluran ru ulun ru Amori am giu' ra titikop libung ra liliut no: giu' ra Limayak Jordan, giu' ra intok kabuluran am tana' marata' magana', giu' ra libung tampilon rabugus, am giu' ra nagas ru Raat Tanga'. Ongoi noyo ra tana' ru Kanaan am giu' ra Kagunungan Libanon saboi ra Sungoi Iprat, sungoi ondo' maayo no.

SAGULION 2:1

Pupus no, sumugut ra susuban ru Tuhan, siminaguli' takau ra tana' kaagisan nansail ra ralan ondo' sumuku' ra Teluk Akaba. Nabuoi kaga' itakau timinanggau giu' ra intok kabuluran ru pagun Idom.

SAGULION 3:9

Gunung Girmon sabiton ra Siryon ru ulun intor ra bandar Sidon am sabiton ra Sinir ru ulun ru Amori.)

SAGULION 33:2

Minatong Tuhan intor ra Gunung Sinai; Siminila' io koson ra mato ru orou giu' ra rasawat ru Idom, am intor ra Gunung Paran simininda Io ra ulun Nano. Riribu malaikat mabaya' Riso; ra kalindu' pamiris Nano mokoondo' ra apui ondo' bibilak.

SAGULION 7:24

Mapataak Io ra raja' nilono ramuyun. Potoyon min ilo, am lilianin ilo ru ulun. Kolondo' sangulun pana makapanginga' ramuyun; mamuso kau ra moonong ulun.

JOSUA 1:4

Balitan ru wilayah min tumalimpuun intor ra tana' kaagisan tampilon ra rabugus saboi ra Kagunungan Libanon tampilon ra ralayo; intor ra sungoi ondo' maayo, iono Sungoi Iprat tampilon ra sirangon am titikop pagun ru ulun ru Git, saboi ra Raat Tanga' tampilon ra kalasaan.

JOSUA 11:3

Raja' Jabin niayuk nambilin ra ulun ru Kanaan tampilon ra sirangon am tampilon ra kalasaan ru Sungoi Jordan, am niayuk ra ulun ru Amori, Git, Piris; ra ulun ru Jibusi giu' ra kabuluran am ulun ru Giwi giu' ra lonson toojo ru Gunung Girmon giu' ra libung Mijpa.

JOSUA 13:5

tana' ru ulun ru Gibal; titikop intok ru Libanon giu' ra tampilon sirangon no, intor ra Baal-Gad giu' ra tampilon rabugus ru Gunung Girmon saboi ra Ginting Gamat;