JOSUA 11:15 - Tanou Moonsoi Timugon

¹⁵ Tuhan nampataak ra susuban Nano ri Musa, ulipon Nano, am pinataak ri Musa ginio ri Josua; ginagaya' ri Josua susuban-susuban no. Binaal no ngaangai' ondo' nanusuban ru Tuhan ri Musa.

JOSUA 11:15 ပူးပေါင်းရင်းမြစ်များ

2 TUNUNG RU BANSA' ISRAIL 30:12

Giu' ra Jiuda, i Aki Kapuuno' pana miningkuor am noporondo' ra guang ru mamagun maa' raginio totopot gumagaya' ra kasagaan Nano, saboi ilo masaga' gumagaya' ra susuban ru raja' am pagawai-pagawai nano.

UNTABAN 33:50

Giu' ra tana' marata' ru Moab, kiing ru Sungoi Jordan, nantaluma' ra bandar Jiriko, nanaak Tuhan ri Musa

UNTABAN 33:52

pagiruo' noyo ngaangai' mamagun ru tana' no. Pusoon noyo ngaangai' sinungkalalaing nilo ondo' binaal intor ra batu am basi'; pusoon noyo intok-intok sambayangan nilo.

MATIUS 23:23

“Aibui boo ramuyun, mangingila' ra Ukum ri Musa am akau ulun ru Parisi! Maabau-abau kau! Mangani' kau niayuk ri Aki Kapuuno' mopor piatus intor ra apa' pampagamis ra akanon pana, ioginio selasih, adas manis am jintan. Kaa' ondo' maatang kaga' ra Ukum ri Musa, ioginio koson katimpakan, makaasi' am gagaya', polosoon min ayuk! Gitio noyo panusuban ru Ukum ti ondo' musiti' min suguton am susuban ra bokon pana kalo lilianin.

LUKAS 11:42

Mumpara' boo usung mino ulun ru Parisi! Kabalu' pana taakin min ri Aki Kapuuno' mopor piatus ra selasih, inggu am ngaangai' apa' pampagamis ra akanon ra bokon, kaa' inimpayan min katimpakan am togom ri Aki Kapuuno'. Baalo' min karuo-ruo am pai' impayi' bokon no.

RINALATAN 20:20

Nakapandai kano ra pinasalula' ku noyo ngaangai' ondo' mokoonong no ramuyun. Nangila' aku ramuyun ra saang ru ulun masuang am niayuk ra rorondo' baloi.

RINALATAN 20:27

Kalo igondo' aku nompoloso ra kandoi kutu koson mambala' ramuyun ra ngaangai' kasagaan ri Aki Kapuuno' no ramuyun.

SAGULION 12:32

Baalo' noyo ngaangai' ondo' nanusuban ku noyo ramuyun; pai' ruangi' kapoam irurui' atan-atan ra susuban raginio.

SAGULION 31:3

Tuhan i Aki Kapuuno' min galama' maningganai ramuyun am mamuso ra bansa'-bansa' ondo' minayan ra giu' no, maa' raginio makaayan kau ra tana' nilo. Masauk i Josua ra tingganai min, koson ra rinagu noyo ru Tuhan.

SAGULION 31:5

Tuhan manaak ramuyun ra kamanangan intor risilo. Pamakuan min risilo musiti' no motopot koson ra rinagu ku noyo ramuyun.

SAGULION 31:7

I Musa pana nampiau ri Josua am indagu riso ra saang ru ngaangai' ulun ru Israil, “Musiti' kou mangintopot am baani. Okou noyo ondo' maningganai ra bansa' ti koson mayan ra tana' ondo' binantu' noyo ru Tuhan ra kinamatuaan nilo.

SAGULION 4:2

Pai' ruangi' sanganu pana am pai' irurui' sanganu pana ra atan ondo' nanusuban kuno. Gagayaa' noyo susuban ru Tuhan i Aki Kapuuno' min ondo' pinasaboi ku noyo ramuyun.

SAGULION 4:5

“Nangila' aku noyo ramuyun ra ngaangai' ukum no, koson ra nanusuban ru Tuhan i Aki Kapuuno' kuno. Gagayaa' noyo ngaangai' ukum raginio giu' ra tana' ondo' gaawon am ayanin min.

SAGULION 7:2

Paat Tuhan i Aki Kapuuno' min napataak ra bansa'-bansa' ragitio ramuyun am kalaan min ilo, akau musiti' mamatoi risilo ngaangai'. Pai' pakimabantu' risilo, am pai' pakaasi' risilo.

JOSUA 1:7

Musiti' kou mangintopot am baani, am tutuno' noyo maa' raginio gumagaya' kou ra ngaangai' Ukum ondo' tinaakan rirun ru ulipon Kuno, i Musa. Pai' liliani' ati-ati tayar ru Ukum no, maa' raginio makasugut kou ra ati pana angayan muno.

JOSUA 11:12

Rinakop ri Josua ngaangai' raja' no am ginaau bandar nilono. Namatoi io ra moonong ulun ra giu' no, sumugut ra susuban ri Musa, ulipon ru Tuhan.

JOSUA 11:14

Ulun Israil nangalap ra ngaangai' rapu' am bibiag tinambiag intor ra bandar-bandar, kaa' namatoi ilo ra ngaangai' mamagun no. Kolondo' sangulun pana pinoloso naayag.

JOSUA 11:16

Ginaau ri Josua titikop ru tana' raginio – kabuluran am lonson toojo ru bulur, iou pana giu' ra ralayo am poyo giu' ra rabugus, ngaangai' libung ru Gosyin am tana' mapua' tampilon rabugus ru Gosyin am niayuk Limayak Jordan.

1 SAMUIL 15:11

“Pansagulian aku nampili' ri Saul nasauk ra raja'. Tinalikuran no Aku am kalo boo gumagaya' ra susuban Kuno.” Siminangit i Samuil, am nosorondom io nakimasi' ra Tuhan.