JOSUA 10:40 - Tanou Moonsoi Timugon

⁴⁰ Ginaau ri Josua ngaangai' tana' raginio. Kinala no raja'-raja' giu' ra kabuluran, pipilon ru bulur giu' tampilon ra sirangon, lonson toojo ru bulur giu' ra tampilon kalasaan am niayuk tana' mangapua' giu' ra tampilon rabugus. Kalo pinoloso no sangulun pana naayag; namatoi io ra moonong ulun. Ginio noyo susuban ru Tuhan i Aki Kapuuno' ru Israil.

JOSUA 10:40 ပူးပေါင်းရင်းမြစ်များ

1 RAJA'-RAJA' 15:29

Kasauk ayuk i Baisa ra raja', tumalimpuun io mamatoi ra ngaangai' ulun ru sasambaloi ru Raja' Jirobiam. Koson ra ondo' rinagu ru Tuhan ondo' pinabala' galing ra ulipon Nano, Nabi Agia intor ra Silo, ngaangai' ru sasambaloi ru Raja' Jirobiam pinatoi; kolondo' sangulun pana pinoloso naayag.

NIGIMIA 9:24

Inayanan nilo pagun ru Kanaan; kinala Mu mamagun ru pagun raginio. Nangani' Kou ra ulun Muno ra kuasa' koson pamakuan ra mamagun am raja'-raja' ru Kanaan maya' ra kasagaan ru guang.

MAZMUR 9:17

Tuhan galama' napabala' ra Io no matimpok toojo; ulun malaat nakasulung sabap ra atan ondo' binaal nilo galama'.

KAINGKUALAN 34:12

Pai' pambaal ra nabantuan ra ulun giu' ra pagun ayanan mino, sabap ra baal raginio masauk ra pamalandak ondo' mangkinibit ra kapusaan min.

UNTABAN 13:17

Paat ra i Musa nanusub risilo mugar, pambilin io risilo, “Ongoi ra tampilon ralayo, ongoi tampilon ra rabugus ru tana' ru Kanaan, am ongoi boo ra libung kabuluran.

SAGULION 1:7

Raino puwo' pangkiman mino, am ongoi ra intok kabuluran ru ulun ru Amori am giu' ra titikop libung ra liliut no: giu' ra Limayak Jordan, giu' ra intok kabuluran am tana' marata' magana', giu' ra libung tampilon rabugus, am giu' ra nagas ru Raat Tanga'. Ongoi noyo ra tana' ru Kanaan am giu' ra Kagunungan Libanon saboi ra Sungoi Iprat, sungoi ondo' maayo no.

SAGULION 2:34

Paat raginio niayuk ginaau am linunsai takau moonong bandar, am namatoi ra moonong ungkuyon, ruandu' am niayuk lalaing. Kalo nompoloso takau ra sangulun pana maayag.

SAGULION 7:24

Mapataak Io ra raja' nilono ramuyun. Potoyon min ilo, am lilianin ilo ru ulun. Kolondo' sangulun pana makapanginga' ramuyun; mamuso kau ra moonong ulun.

JOSUA 10:35

Ginaau nilo bandar no paat orou raginio niayuk am namatoi ra ngaangai' ulun ra giu' no, koson ondo' binaal nilo giu' ra Lakgis.

JOSUA 10:37

am nampagaau ra bandar no. Namatoi ilo ra raja' no am niayuk moonong ulun giu' ra bandar no am bandar-bandar ra paginggaar no. Linunsai lingono' ri Josua bandar no, koson ondo' binaal no ra bandar Iglon. Kolondo' sangulun pana pinoloso naayag.

JOSUA 10:39

Ginaau no bandar no am raja' nano am ngaangai' bandar ra bokon ondo' mamaar no. Namatoi ilo ra moonong ulun ra giu' no. Pinamakuan ri Josua ra Dibir am raja' no koson pinamakuan no ra bandar Gibron am Libna, am niayuk raja'-raja' ra giu' no.

JOSUA 11:16

Ginaau ri Josua titikop ru tana' raginio – kabuluran am lonson toojo ru bulur, iou pana giu' ra ralayo am poyo giu' ra rabugus, ngaangai' libung ru Gosyin am tana' mapua' tampilon rabugus ru Gosyin am niayuk Limayak Jordan.

JOSUA 12:8

Tana' raginio nakasimpung intok kabuluran, lonson toojo ru bulur tampilon ra kalasaan, Limayak Jordan am lonson toojo ru bulur ra giu' no, pipilon-pipilon ru bulur tampilon ra sirangon am tana' mapua' tampilon ra rabugus. Intok raginio inayanan ru ulun ru Git, Amori, Kanaan, Piris, Giwi am Jibusi ragili.

JOSUA 18:21

Ngaangai' bandar ondo' linonggom ru ngaangai' sasambaloi ralalom bansa' ru Binjamin iono Jiriko, Bit-Golga, Imik-Kijis,

JOSUA 6:17

Bandar no am ngaangai' ra giu' no musiti' pusoon lingono' koson taak ra Tuhan. I Ragab ayuk am sasambaloi nano ondo' bayagon, sabap pinasibuni no ulun pansigo takau.

JOSUA 8:2

Baalo' bandar Ai am raja' nano koson ra pinamakuan min ra bandar Jiriko am raja' nano, kaa' raino ti makaalap kau ra rapu' am tinambiag no tayar min galama'. Tampos noyo mongoi bulunsar ra bandar no ra mamulali' intor ra tinaulian.”

JOSUA 8:27

Nambuli ulun ru Israil ra bibiag tinambiag am kuliamos ginaau intor ra bandar no tayar nilo galama', sumugut ra susuban ru Tuhan ri Josua.

JOSUA 9:24

Taam ulun Gibion, “Tuan, binaal mai koson raginio sabap nokorongog akai ra sotopot no Tuhan i Aki Kapuuno' muno namarinta ra ulipon nano i Musa koson manaak ra ngaangai' tana' ti rirun, am niayuk mamatoi ra mamagun nano paat okou mangayou. Binaal mai koson raginio sabap malaa' akai rirun; malaa' akai potoyon.