JOSUA 10:32 - Tanou Moonsoi Timugon

³² Paat orou karuo ru pangayawan no, nanaak Tuhan risilo ra kamanangan ra bandar no. Kalo nompoloso ilo ra sangulun pana naayag giu' ra Lakgis. Koson ondo' binaal nilo giu' ra Libna, namatoi ilo ra ngaangai' ulun giu' ra bandar no.

JOSUA 10:32 ပူးပေါင်းရင်းမြစ်များ

KAINGKUALAN 17:13

Koon raginio noyo ulun ru Amalik kinala ri Josua.

JISAYA 37:8

Pagawai ru Asyur nokorongog ra raja' nano nanatang ra Lakgis am lakat mangayou ra Libna, rondo' bandar paginggaar. Ginio ra minongoi io ra giu' koson makipinson.

SAGULION 7:2

Paat Tuhan i Aki Kapuuno' min napataak ra bansa'-bansa' ragitio ramuyun am kalaan min ilo, akau musiti' mamatoi risilo ngaangai'. Pai' pakimabantu' risilo, am pai' pakaasi' risilo.

JOSUA 10:28

I Josua namulunsar ra bandar Makida am ginaau no paat orou raginio. Namatoi io ra raja' no am ngaangai' ulun giu' ra bandar no. Kolondo' sangulun pana ondo' natatang, ngaangai' no pinatoi. Pinamakuan ri Josua ra raja' ru bandar Makida koson ra pinamakuan no ra raja' ru bandar Jiriko.

JOSUA 10:31

Intor ra Libna, i Josua am saujor nano minongoi ra Lakgis. Nagawang ilo ra bandar no am namulunsar.

JOSUA 10:33

Raja' Oram intor ra Gijir minatong koson mangindangan ra Lakgis kaa' i Josua nangala ra raja' am saujor nano, am kolondo' sangulun pana pinoloso naayag. Ngaangai' no pinatoi.

JOSUA 11:12

Rinakop ri Josua ngaangai' raja' no am ginaau bandar nilono. Namatoi io ra moonong ulun ra giu' no, sumugut ra susuban ri Musa, ulipon ru Tuhan.