JOSUA 1:8 - Tanou Moonsoi Timugon

⁸ Tutuno' noyo maa' raginio magail Kitab ru Ukum basaan ra ulun Kuno paat akau sumambayang. Igila' noyo ra kitab no ra matawang am rondom; tutuno' noyo maa' raginio gumagaya' kou ra ngaangai' ondo' tinulisan ra ralalom no. Koson raginio noyo okou langkaya' am makasugut.

JOSUA 1:8 ပူးပေါင်းရင်းမြစ်များ

KASAUKAN 24:63

Paat ra mamai', ingkual i Isak intor ra kim nano mongoi ugar-ugar ra umo am pakakito ra unta sarulatong.

2 TUNUNG RU BANSA' ISRAIL 26:5

Buoi ri Jakaria lakat poyo naayag, Raja' Ujia sumambayang ra Tuhan ra totopot, am i Aki Kapuuno' pana nambarakat riso. Nangila' i Jakaria riso maa' raginio malaa' ri Aki Kapuuno'.

MAZMUR 119:11

Ukum Muno buliin ku ra guang kuno, maa' raginio kolondo' boo tula kuno Rirun.

MAZMUR 119:15

Imansain kuno nangatangan Muno, am mampaguang ra pangilaan Muno.

MAZMUR 119:97

Mapara' piboo togom kuno ra Ukum Muno! Moonong orou aku mangkara'.

MAZMUR 119:99

Kapintaran kuno nakasail poyo intor ra ngaangai' mangingila' raki', sabap ra panusuban Muno karaan kuno.

MAZMUR 19:14

Palabuso' aku niayuk intor ra tula ondo' siningon; pai' polosoo' ra aku kuasaan ru ginio. Aku pana masauk boo ra ulun kolondo' ruruko, am niayuk makalabus intor ra kasalaan maagat.

MAZMUR 40:10

Ralalom pantimungan ru ulun Muno tunungon kuno tanou moonsoi ra Okou namayag ramon. Kalo langgain ku tunung kuno. Iou Tuhan, ngaangai' no napandayan Mu noyo.

AMSAL 3:1

Alii ra anak kuno, pai' liliani' pangilaan kuno. Masalok kou mangkara' ra panusuban kuno,

JISAYA 59:21

Mambaal Aku ra nabantuan ramuyun: Aniin Takamin ra kuasa' Kuno am pangilaan Kuno ra sabuoi-buoi no. Ilaa' noyo anak-anak mino maa' raginio ilo pana makapangila' raginio saboi papag ka pagag ragino am saboi ra sabuoi-buoi no.”

MATIUS 12:35

Ulun moonsoi mampasalula' ra paliso moonsoi intor ra ralalom no, sabap ra io ti moonsoi. Ulun malaat mampasalula' ra paliso malaat intor ra ralalom no, sabap ra io ti malaat.

MATIUS 28:20

Ilaa' ilo ti mampagagaya' ra atan ondo' panusuban Kuli. Karaa' noyo, soroi Aku mabaya' ramuyun saboi ra orou pupus ru tana' ti.”

MATIUS 7:21

“Sala' ka ngaangai' ulun ondo' mindagu ra Aku Tuhan nilo masauk ra ulun ri Aki Kapuuno', kaa' ilo ayuk ondo' sumugut ra kasagaan ru Ama' Kuno giu' ra suruga'.

MATIUS 7:24

“Moonong ulun ondo' mangkirongog am gumagaya' ra raguon Kuno, io ti koson ra ulun mapintar ondo' mambaal ra baloi nano ra rasawat ru batu.

LUKAS 11:28

Kaa' taam i Jisus, “Sotopot no, pakaansuk noyo ilo ondo' mangkirongog ra ragu ri Aki Kapuuno' am gumagaya'!”

JUANIS 13:17

Amon ru makapandai kau raginio, mulu' poyo bansuk min amon ru suguton min.

JUANIS 14:21

Osoi ayuk mangapu am sumugut ra pansusuban Kuno, io no ondo' motogom Raki'. Am osoi ayuk motogom Raki' tagamin io ru Ama' Kuno, am Aku pana motogom riso am paintalangon Ku riso osoi Aku sotopot no.”

IPISUS 4:29

Paat ra akau makimansunur, pai' raguo' ondo' makaruol ra guang. Indagu ayuk ra mokoonong, koson ra ragu mangila' am mangindangan, maa' raginio ondo' sinunur mino magibit ra kaansayan ra ulun ondo' mangkirongog.

SAGULION 29:8

am ginaau tana' nilo. Tinaakan takau boo tana' nilo ra bansa' ru Rubin, Gad am sampiruo ra bansa' ru Manasi.

SAGULION 29:9

Gagayaa' noyo toojo ngaangai' kitaak ru nabantuan ti maa' raginio makasugut kau ralalom ngaangai' ru kandoi min.

SAGULION 30:14

Pai' pangkuot koson raginio sabap susuban no soroi ramuyun. Nakapandai kau noyo am makaindagu raginio; mambaal kau ayuk raginio.

SAGULION 31:11

Basaa' noyo Ukum ti ra ulun ru Israil paat ilo matong koson sumamba ra Tuhan i Aki Kapuuno' min giu' ra rondo' intok sambayangan no.

SAGULION 31:24

Nanulis i Musa ra Ukum ri Aki Kapuuno' ralalom ru rondo' Kitab. Nanulis io raginio ra nasusui intor ra talimpuun polos ra pupus.

SAGULION 5:1

Nanimung i Musa ra ngaangai' ulun ru Israil am indagu risilo, “Akau ulun ru Israil, rongogo' noyo ngaangai' ukum ondo' taakin kutu ramuyun ra orou raiti'. Igila' noyo ra ngaangai' ukum ti am gagayaa' noyo ngaangai' no ra totopot.

SAGULION 5:29

Mapara' bonsoi no amon ru magail ilo makaliman koson raginio. Mapara' bonsoi no amon ru magail ilo malaa' Raki' am gumagaya' ra ngaangai' susuban Kuno, maa' raginio ilo am papag nilo makakaansayan ra sabubuoi no.

SAGULION 5:32

“Akau ulun ru Israil, tutuno' ra baalon min ngaangai' ondo' nanusuban ru Tuhan i Aki Kapuuno' min. Pai' anggal ra rondo' pana ukum Nano.

KOLOSI 3:16

Kaayag kano sumugut ra bala' ri Kristus ondo' kolondo' paganda'. Pangila' am paminson noyo ra rondo' am bokon mabaya' ra kapintaran. Parimbai kano ra Mazmur, rimbai mongompor ri Aki Kapuuno' am rimbai Kristian. Pongompor kano ri Aki Kapuuno' mabaya' ra guang paringkuanangan.

JOSUA 1:7

Musiti' kou mangintopot am baani, am tutuno' noyo maa' raginio gumagaya' kou ra ngaangai' Ukum ondo' tinaakan rirun ru ulipon Kuno, i Musa. Pai' liliani' ati-ati tayar ru Ukum no, maa' raginio makasugut kou ra ati pana angayan muno.

JOSUA 8:34

I Josua pana nambasa' ra ngaangai' Ukum no ra mosongou, nakaaya' ngaangai' barakat am ulas nano, totopot koson ra tinulisan ralalom Kitab ru Ukum.

PINAINTALANG 22:14

Pakaansuk noyo ilo ondo' mampupu' ra sukub nilono suku' mapasau, bagu no makaakan ilo ra kawa' intor ra puun ru mampakaayag am maya' ra umpasan sumubol ra bandar no.