JOSUA 1:7 - Tanou Moonsoi Timugon

⁷ Musiti' kou mangintopot am baani, am tutuno' noyo maa' raginio gumagaya' kou ra ngaangai' Ukum ondo' tinaakan rirun ru ulipon Kuno, i Musa. Pai' liliani' ati-ati tayar ru Ukum no, maa' raginio makasugut kou ra ati pana angayan muno.

JOSUA 1:7 ပူးပေါင်းရင်းမြစ်များ

1 RAJA'-RAJA' 2:2

Indagu Raja' Daut, “Nasaboi noyo patayan kutu. Pangintopot no am baani kou.

1 RAJA'-RAJA' 2:3

Baalo' atan ondo' nanusuban ru Tuhan, i Aki Kapuuno' muno rirun. Gagaya' no ra ngaangai' ru ukum am panusuban Nano ondo' tinulisan ralalom ru Ukum ri Musa, maa' raginio ati ayuk pana angayan muno, iawo kou ra ngaangai' ru pirot muno.

2 RAJA'-RAJA' 22:2

Nambaal Raja' Josia ra atan ondo' mapabansuk ra guang ru Tuhan. Minaya' io ra binaal moonsoi ru kinamatuaan nali, Raja' Daut, ondo' giminagaya' toojo ra ngaangai' ukum ri Aki Kapuuno'.

1 TUNUNG RU BANSA' ISRAIL 22:13

Amon ru gumagaya' kou ra ngaangai' ru ukum ondo' tinaakan ru Tuhan ra Israil ondo' pinabala' galing ri Musa, makasugut kou. Musiti' kou mangintopot am baani. Pai' kalaa' manguma' ra atan ayuk pana.

2 TUNUNG RU BANSA' ISRAIL 15:7

Kaa' akau musiti' maikang am baani. Kandoi ondo' baalon min aniin ra ampos.”

2 TUNUNG RU BANSA' ISRAIL 26:5

Buoi ri Jakaria lakat poyo naayag, Raja' Ujia sumambayang ra Tuhan ra totopot, am i Aki Kapuuno' pana nambarakat riso. Nangila' i Jakaria riso maa' raginio malaa' ri Aki Kapuuno'.

AYUP 1:8

Indagu Tuhan, “Inurio mu kia i Ayup, ulun ondo' mangandoi ayuk Raki'? Giti ra titikop ru tana' ti kolondo' ulun ondo' totopot gumagaya' kaga' am moonsoi koson riso. Sumambayang io Raki' am totopot pagilalain no maa' raginio kalo mambaal ra malaat.”

MAZMUR 80:19

Kalo boo masaga' akai manatang Rirun; polosoon noyo akai maayag, am mongompor akai Rirun.

AMSAL 4:27

Painggaluro' noyo inan mino intor ra kalaatan am kaayag no ra guang mabanis. Pai' lisang intor ra ralan motopot.

AMSAL 8:20

Mugar aku ra ralan kabanisan ru guang, am maya' ra ralan katimpakan.

DANIL 10:19

Kono, “Motogom i Aki Kapuuno' rirun. Ginio ra pai' kalaa' am pai' pagalabo intor ra atan-atan pana.” Karagu no ginio, giminaai ikang kuno. Indagu aku boo, “Tuan, indagu no. Pinaikang mu aku.”

UNTABAN 27:23

I Musa pana napabanta' ra kalindu' nano ra rasawat ru ulu ri Josua am napatanou ra i Josua suali nano, sumugut ra susuban ru Tuhan riso.

SAGULION 11:8

“Gagayaa' noyo ngaangai' ukum ondo' posoboyon kuno ramuyun ra orou raiti'. Amon ru mambaal kau koson raginio, lumaup kau ra sungoi am mayan ra tana' ondo' angayan min.

SAGULION 12:32

Baalo' noyo ngaangai' ondo' nanusuban ku noyo ramuyun; pai' ruangi' kapoam irurui' atan-atan ra susuban raginio.

SAGULION 28:14

Kaa' pai' noyo lingon anggal ra panusuban no ra atan pana ralan, am pai' samba ra tuhan-tuhan ra bokon.”

SAGULION 29:8

am ginaau tana' nilo. Tinaakan takau boo tana' nilo ra bansa' ru Rubin, Gad am sampiruo ra bansa' ru Manasi.

SAGULION 29:9

Gagayaa' noyo toojo ngaangai' kitaak ru nabantuan ti maa' raginio makasugut kau ralalom ngaangai' ru kandoi min.

SAGULION 31:7

I Musa pana nampiau ri Josua am indagu riso ra saang ru ngaangai' ulun ru Israil, “Musiti' kou mangintopot am baani. Okou noyo ondo' maningganai ra bansa' ti koson mayan ra tana' ondo' binantu' noyo ru Tuhan ra kinamatuaan nilo.

SAGULION 4:2

Pai' ruangi' sanganu pana am pai' irurui' sanganu pana ra atan ondo' nanusuban kuno. Gagayaa' noyo susuban ru Tuhan i Aki Kapuuno' min ondo' pinasaboi ku noyo ramuyun.

SAGULION 5:32

“Akau ulun ru Israil, tutuno' ra baalon min ngaangai' ondo' nanusuban ru Tuhan i Aki Kapuuno' min. Pai' anggal ra rondo' pana ukum Nano.

JOSUA 1:1

Pakapatoi i Musa ulipon ru Tuhan no, minindagu Tuhan ri Josua anak ru Nun, mangindangan ri Musa.

JOSUA 1:8

Tutuno' noyo maa' raginio magail Kitab ru Ukum basaan ra ulun Kuno paat akau sumambayang. Igila' noyo ra kitab no ra matawang am rondom; tutuno' noyo maa' raginio gumagaya' kou ra ngaangai' ondo' tinulisan ra ralalom no. Koson raginio noyo okou langkaya' am makasugut.

JOSUA 1:9

Karaa' noyo susuban Kuno rirun maa' raginio mangintopot am baani kou! Pai' kalaa' kapoam mapalo guang, sabap Aku Tuhan i Aki Kapuuno' muno, mabaya' rirun ra ati ayuk angayan muno.”

JOSUA 11:15

Tuhan nampataak ra susuban Nano ri Musa, ulipon Nano, am pinataak ri Musa ginio ri Josua; ginagaya' ri Josua susuban-susuban no. Binaal no ngaangai' ondo' nanusuban ru Tuhan ri Musa.

JOSUA 23:6

Ginio ra musiti' kau gumagaya' am mambaal ra ngaangai' ondo' tinulisan ralalom Kitab ru Ukum ri Musa. Pai' anggal ra rondo' pana intor ra ukum raginio.