JOSUA 1:6 - Tanou Moonsoi Timugon

⁶ Musiti' kou mangintopot am baani, sabap masauk kou ra tingganai ru ulun ragitio paat ra ilo mampagaau ra tana' ondo' binantu' Kuno ra kinamatuaan nilo.

JOSUA 1:6 ပူးပေါင်းရင်းမြစ်များ

KASAUKAN 12:7

Minintalang Tuhan ri Abram am indagu Io riso, “Gitio noyo pagun ondo' pataakon Ku ra papag muno.” Intok raginio, nambaal boo i Abram ra altar ru Tuhan ondo' minintalang noyo riso.

KASAUKAN 26:3

Ayan no ragiti, alungin am barakaton Tokou. Pataakon Ku titikop ru wilayah ti rirun am papag muno. Suguton Ku atan ondo' binantu' Kuno ri ama' muli i Abragam.

2 SAMUIL 10:12

Ikango' guang muno, am pangayou no ra baani tayar ra bansa' takau am tayar ra bandar-bandar ri Aki Kapuuno' takau. Gama' ru Tuhan no mambaal ra atan ondo' moonsoi Riso.”

1 RAJA'-RAJA' 2:2

Indagu Raja' Daut, “Nasaboi noyo patayan kutu. Pangintopot no am baani kou.

1 TUNUNG RU BANSA' ISRAIL 22:13

Amon ru gumagaya' kou ra ngaangai' ru ukum ondo' tinaakan ru Tuhan ra Israil ondo' pinabala' galing ri Musa, makasugut kou. Musiti' kou mangintopot am baani. Pai' kalaa' manguma' ra atan ayuk pana.

1 TUNUNG RU BANSA' ISRAIL 28:10

Karaa' noyo toojo ra Tuhan nampili' rirun koson mambaal ra baloi ra rorondo' koson Riso. Ginio ra, raino baalo' noyo kandoi no ra guang mingkotog toojo.”

1 TUNUNG RU BANSA' ISRAIL 28:20

Kon poyo ru Raja' Daut ra anak nano, i Salomo, “Okou musiti' mangintopot am baani. Talimpuuni' noyo kandoi no am pai' kalaa' ra atan pana. Tuhan i Aki Kapuuno' ondo' sambaan kuno mangindangan rirun. Kalo mangiruan Io rirun, kaa' mabaya' Io rirun saboi ra ngaangai' no mopongo.

2 TUNUNG RU BANSA' ISRAIL 15:7

Kaa' akau musiti' maikang am baani. Kandoi ondo' baalon min aniin ra ampos.”

2 TUNUNG RU BANSA' ISRAIL 20:11

Raino ilai' ralan nilo mambalos ramon – matong ilo koson mapagiru' ramon intor ra tana' ondo' tinaakan Muno ramon.

2 TUNUNG RU BANSA' ISRAIL 20:7

Okou no i Aki Kapuuno' mai. Paat ra ulun Muno Israil minanding ra pagun ti, pinagiru' Mu bansa' ondo' minayan ragiti am nangani' ra tana' ti ra papag ri Abragam, rangan Muno, koson masauk ra tungkuson nilo ra sabubuoi no.

MAZMUR 27:14

Pagiimansan kano ra Tuhan! Pangintopot kano Riso am pai' kalawo. Iou, pagiimansan kano ra Tuhan!

DANIL 10:19

Kono, “Motogom i Aki Kapuuno' rirun. Ginio ra pai' kalaa' am pai' pagalabo intor ra atan-atan pana.” Karagu no ginio, giminaai ikang kuno. Indagu aku boo, “Tuan, indagu no. Pinaikang mu aku.”

AGAI 2:4

Kaa' pai' sangulun pana malawo guang! Rayuso' min kandoi no, sabap ra mabaya' Aku ramuyun.

JAKARIA 8:9

Kaikango' guang mino! Raino morongog min ragu-ragu ondo' niayuk rinagu galing ru nabi-nabi paat ra batu maatang pinabanta' koson mambaal saguli' ra Baloi Kuno.

UNTABAN 26:53

“Tayaro' noyo tana' no ra bansa'-bansa' ti sumugut ra suang nilo.

UNTABAN 33:53

Ayani' noyo tana' no am ayan noyo ra giu' sabap ra taakin Ku ginio ramuyun.

1 KORINTUS 16:13

Pagilalai' am pangintopot kano toojo, baani am mikang kau.

IPISUS 6:10

Pupus no, kaikang kano ralalom pasimpungan min ra Tuhan ralalom ru kuasa' Nano ondo' maayo kaga'.

SAGULION 1:8

Aku Tuhan nambantu' noyo koson manaak ra titikop ru tana' ti ra kinamatuaan min i Abragam, i Isak am i Jakub, am niayuk papag nilo. Ongoi noyo am ayani' tana' raginio.’ ”

SAGULION 11:8

“Gagayaa' noyo ngaangai' ukum ondo' posoboyon kuno ramuyun ra orou raiti'. Amon ru mambaal kau koson raginio, lumaup kau ra sungoi am mayan ra tana' ondo' angayan min.

SAGULION 31:23

Tuhan pana mindagu ri Josua anak ri Nun, “Okou musiti' mangintopot am baani. Okou maningganai ra ulun ru Israil mongoi ra tana' ondo' binantu' Ku noyo risilo, am mabaya' Aku rirun.”

2 TIMOTIUS 2:1

Timotius ondo' tagamin kuno, mikang kou toojo ra kataawan ondo' moowot takau sabap ra pasimpungan takau ri Jisus Kristus.

JOSUA 1:18

Moonong ulun ondo' marara' kumuku' ra kuasa' muno kapoam kalo gumagaya' rondo' ra susuban muno ukumin ra matoi. Musiti' kou mangintopot am baani!”

JOSUA 1:7

Musiti' kou mangintopot am baani, am tutuno' noyo maa' raginio gumagaya' kou ra ngaangai' Ukum ondo' tinaakan rirun ru ulipon Kuno, i Musa. Pai' liliani' ati-ati tayar ru Ukum no, maa' raginio makasugut kou ra ati pana angayan muno.

JOSUA 1:9

Karaa' noyo susuban Kuno rirun maa' raginio mangintopot am baani kou! Pai' kalaa' kapoam mapalo guang, sabap Aku Tuhan i Aki Kapuuno' muno, mabaya' rirun ra ati ayuk angayan muno.”

JOSUA 10:25

Kopongo raginio indagu i Josua ra panglima-panglima nano, “Pai' kalaa' kapoam mapalo guang. Musiti' kau mangintopot am baani sabap gitio noyo ondo' baalon ru Tuhan ra ngaangai' pantula' min.”

JOSUA 13:6

nakasimpung niayuk titikop pagun ru ulun Sidon, ondo' minayan giu' ra kabuluran pangkilolot ru Kagunungan Libanon am Misripot-Maim. Pagiruon Ku ngaangai' ulun raginio paat ra ulun ru Israil mamulunsar risilo. Tayaro' noyo am pataako' noyo tana' no ra ulun ru Israil koson ra longgom nilo, koson ra nanusuban Kuno rirun.

JOSUA 18:3

Ginio ra indagu i Josua ra ulun ru Israil, “Kula' poyo buoi muno maginaa ra kalo poyo mangalap ra tana' ondo' tinaakan ramuyun ru Tuhan i Aki Kapuuno' ru kinamatuaan min?

JOSUA 21:43

Ginio noyo nanaak Tuhan ra titikop ra tana' ondo' binantu' Nano ra ibot ra kinamatuaan nilai. Kopongo nampagaau ra tana' no, namagun ilo ra giu' no.

1 SAMUIL 4:9

Pai' kau kalaa', saujor ru Palistin kau ngai'! Pangayou kano koson ra ungkuyon! Amon ru kalo, masauk takau ra ulipon ru ulun ru Ibrani koson ilo ragili nasauk ra ulipon takau. Ginio ra baani kano ra mangayou!”