JOIL 3:6 - Tanou Moonsoi Timugon

⁶ Inibit min mamagun ru Jiuda am Jirusalim giu' ra intok maalur, am niayuk nantalan risilo ra ulun ru Junani.

JOIL 3:6 ပူးပေါင်းရင်းမြစ်များ

YEHEZKIEL 27:13

Mantalan kou giu' ra Junani, Tubal am Misik, am nokoowot ra ulipon am kuliamos gangsa' koson ra pangalig ra kuliamos muno.

JOIL 3:3

Nagugundi' ilo koson mangaru' ra ulun makaalap ra ulun rinakop. Nantalan ilo ra lalaing ungkuyon am ruandu' maa' raginio saukon ra ulipon. Alapon nilo ruit ondo' naapu koson mambayar ra ulun mantalan ra inan am mambali ra wain.

JOIL 3:8

Anak-anak ungkuyon am ruandu' min talanon ra ulun ru Jiuda; ulun ru Jiuda poyo mantalan risilo ra Syiba, pagun ondo' maalur kaga'. Aku, Tuhan nakaindagu noyo.

JAKARIA 9:13

Pakayon Ku Jiuda koson ra busur ru ulun tutumula', am Israil koson ra anak panah. Pakayon Ku mamagun ru Sion koson ra ilang, koson mangayou ra ulun ru Junani.”

SAGULION 28:32

Ra talupak ru mato min, anak-anak min, iou ra ungkuyon am ruandu', pataakon koson ra ulipon ra ulun bansa' ru bokon. Moonong orou, mapari' mato min maguyum ra anak-anak min, kaa' pirot mino banangan ak, sabap kalo sumaguli' ilo.

SAGULION 28:68

Atarin kau saguli' ru Tuhan ra Misir paayaan ra kapal, kabalu' pana minindagu Io ra kalo boo mongoi ra giu'. Giu' no kuminam kau mantalan ra inan koson ra ulipon ra pantula', kaa' kolondo' sangulun pana ondo' masaga' mambali ramuyun.”