JOIL 3:5 - Tanou Moonsoi Timugon

⁵ Nampagaau kau ra mas am pirok Kuno, am niayuk nagibit ra rapu' kalangkayaan Kuno ra ralalom baloi ru sinungkalalaing min.

JOIL 3:5 ပူးပေါင်းရင်းမြစ်များ

2 RAJA'-RAJA' 12:18

Raja' Joas, panguasa' ru Jiuda, nanimung ra ngaangai' taak ondo' patimpokon noyo ra Tuhan ru raja'-raja' ondo' namarinta ra nakapagulu riso, iono Raja' Josapat, Raja' Jigoram am Raja' Agajia. Raja' Joas namparuang raginio ra taak nano galama' am niayuk ngaangai' mas giu' ra ralalom ru pambulian ra kuliamos ru Baloi ru Tuhan am istana. Kopongo raginio ngaangai' no inataran ru Raja' Joas ra Raja' Gajail. Ginio ra Raja' Gajail kalo nanugut ra guangon nano koson mamulunsar ra Jirusalim.

2 RAJA'-RAJA' 16:8

Inalap ru Raja' Agas pirok am mas intor Baloi ru Tuhan am lamin pambulian ra kuliamos ru istana, am pataako' no ngaangai' no ra Raja' Pul koson ra tangguang.

2 RAJA'-RAJA' 24:13

Kuliamos giu' ra Baloi ru Tuhan am istana inibit ru Raja' Nibukadnijar ra Babil. Koson ra ondo' rinagu noyo ru Tuhan, inumok ru Raja' Nibukadnijar ngaangai' kuliamos mas ondo' binaal ru Raja' Salomo ondo' pinakai giu' ra Baloi ru Tuhan.

JISAYA 11:11

Bulintok raginio igondo' poyo Tuhan mamakai ra kuasa' Nano koson magibit saguli' ra ulun Nano ondo' lakat poyo naayag giu' ra Asyur am Misir, giu' ra pagun Patros, Itiopia, Ilam, Babilonia am Gamat, am niayuk intok kiing ru raat am pulu'-pulu'.

JIRIMIA 23:7

“Masaboi paat no ra ulun kalo boo magibot ralalom ru inggalan Kuno, i Aki Kapuuno' ondo' maayag, ondo' nagibit ra ulun ru Israil miningkual intor ra Misir.

JIRIMIA 50:28

Ulun nagigiru' intor ra Babilonia am minatong ra Jirusalim; tinunung nilo ati kulaan ra Tuhan, i Aki Kapuuno' takau nambalos ra binaal ru ulun Babilonia ra Baloi ru Tuhan.)

JIRIMIA 51:11

Namuir Tuhan ra guang ru raja'-raja' Midia sabap ra masaga' Io mamuso ra Babilonia. Koon raginio noyo ralan Nano mansuli' sabap ra Baloi Nano pinuso. Nanusub Tuhan, “Koloromo' noyo panah! Tomposo' noyo perisai!

YEHEZKIEL 37:12

Ginio ra indagu no ra ragu manala' ra ulun Kuno, Israil, am balai' ilo ra Aku, Tuhan Raja' mangukab ra lobong nilo. Ingkualon Ku ilo intor ra giu' no am magibit risilo muli' ra pagun ru Israil.

DANIL 11:38

Kaa' sumamba raja' no ra dewa ondo' manindung ra kubu-kubu. Nampataak raja' no ra mas, pirok, intan am taak-taak ra bokon ondo' mologo ra dewa ondo' kalo igondo' sinamba ru kinamatuaan nano.

OBAJA 1:17

“Kaa' giu' ra rasawat ru Bulur Sion, mokoondo' kukula' ngaulun ondo' maayag, am bulur no masauk ra intok ondo' matulai. Papag ri Jakub momolonggom ra tana' tinungkus nilo.