JOIL 3:19 - Tanou Moonsoi Timugon

¹⁹ Misir masauk ra tana' kaagisan, am Idom masauk ra tuntur ru nalunsai, sabap ra namulunsar ilo ra Jiuda am namatoi ra mamagun nano ondo' kolondo' sala.

JOIL 3:19 ပူးပေါင်းရင်းမြစ်များ

MAZMUR 137:7

Karaa' noyo, iou Tuhan, atan ondo' binaal ru ulun ru Idom, bulintok ra Jirusalim pusoon. Karaa' noyo ati kulaan ra ilo mindagu, “Gabaa' min Jirusalim saboi makuliagai toojo!”

JISAYA 11:14

Mababaya' ilo mongoi pamulunsar ra ulun ru Palistin tampilon ra kalasaan am mampagaau ra mamagun tampilon ra sirangon. Kalaan nilo mamagun ru Idom am Moab. Mamagun ru Amon tuminduku' risilo.

JISAYA 11:15

Tuhan mapalasak ra Teluk Suez. Pasiobon No angin malasu' saboi Sungoi Iprat masauk tulu' ngantaun sungoi boborok ondo' maitik, am osoi-osoi pana makasandaup ra monggolob.

JIRIMIA 49:17

Indagu Tuhan, “Kapusaan ru Idom makalalaa' kaga' saboi moonong ulun ondo' mansail ra giu' no makatigog am malaa'.

JIRIMIA 51:35

Musiti' mamagun ru Sion mindagu, “Polosoon Babilonia malumpa' ru kalaatan ondo' binaal nali ritakau!” Musiti' mamagun ru Jirusalim mindagu, “Polosoon Babilonia malumpa' ru kaimbalaan ondo' pinalumpa' nali ritakau!”

SULABOI 4:21

Pakakurit no, akau mamagun ru Idom am Us, pakaansuk no, buoi ra akau lakat poyo pakuriton. Akau pana lumpaan ru karaat, am magibaang sabap nagauk kau.

OBAJA 1:1

Gitio noyo ragu inala' ri Obaja. Nampasaboi io ra ragu ru Tuhan Raja' intor ra ulun ru Idom. Nangator Tuhan ra ulun sinusub Nano mongoi ra bansa'-bansa', am norongog takau noyo tanou Nano, “Tampos kano! Ibok kano mangayou takau ra Idom!”

ABAKUK 2:17

Nantagar kau ra puun-puun tataun giu' ra kataunan Libanon, kaa' raino akau galama' tagaron. Namatoi kau ra bibiag ra giu' no, kaa' raino ilaanon kau ru bibiag. Ngaangai' ti masauk sabap ra namatayan am kalaatan ondo' binaal min ra mamagun ru tana' ti am niayuk bandar-bandar ra tana' ti.

JAKARIA 10:10

Intor ra Misir am Asyur, ibiton Ku ilo muli', am mampaayan risilo giu' ra pagun nilo galama'. Paayanon Ku ilo giu' ra Giliad am giu' ra Libanon; titikop ru pagun no nososok ra mamagun.

2 TISALONIKA 1:6

Mabanis baalon ri Aki Kapuuno'. Mambalos Io ra ulun ondo' mangimbolo' ramuyun no.