JOIL 3:16 - Tanou Moonsoi Timugon

¹⁶ Bolos ru Tuhan mansangal intor ra Bulur Sion; maningkalur Io intor ra Jirusalim; limbowon am tana' ti malunggun, kaa' manindung Io ra ulun Nano.

JOIL 3:16 ပူးပေါင်းရင်းမြစ်များ

MAZMUR 18:2

Motogom aku kaga' Rirun, iou Tuhan! Okou manungka' raki'.

MAZMUR 29:11

Kaikangon ru Tuhan ulun Nano, am barakaton No ilo ra ralalom ru kaansayan.

MAZMUR 61:3

Intor ra pagun ra maalur piawon Tokou, sabap ra kolondo' boo kalansanan. Ibito' aku no ra intok ondo' sindungan ra kalo makalalaa',

AMSAL 18:10

Tuhan koson ra manara ondo' mapiot; ra giu' no ulun mabanis guang makitaak ra panindungan.

JISAYA 33:16

Koson raginio boo maalap kau kabayag, masindungan kau koson giu' kau ra kubu ondo' mapiot. Makaalap kau ra akanon am inumon.

JISAYA 33:21

Tuhan mapaintalang ra katulayan Nano ritakau. Mayan takau ra intok ondo' maginggaar ra sungoi-sungoi ondo' malangka' am sungoi-sungoi boborok, kaa' kalo masundoi ru kapal ru pantula'.

JISAYA 42:13

Mundus Tuhan mangayou koson sangulun tutumula' ondo' nakatampos toojo mongoi pangayou. Gumolok Io koson tatandu' mangayou; Mapakito Io ra kaikangan Nano ra pantula'.

JISAYA 51:16

Aku noyo namingkal ra limbowon am napabanta' ra lonor ru tana'. Mindagu aku ra Sion, ‘Akau noyo ulun Kuno; pataakon Ku pangilaan Kuno ramuyun am mangampin ramuyun ra kuasa' Kuno.’ ”

JIRIMIA 16:19

Iou Tuhan, Okou noyo ondo' manindung raki' am mangani' raki' ra kaikangan; Okou noyo mangindangan raki' paat ra kapaganan. Bansa'-bansa' intor ra pompor ru tana' ti am matong Rirun am mindagu, “Kinamatuaan mai mokoondo' ayuk ra tuhan kalo motopot am kolondo' noyo toojo onong.

JIRIMIA 17:17

Pai' Kono pampasauk ra ondo' mampakalaa' raki'. Okou noyo intok kuno sumindung paat ra kapaganan matong.

YEHEZKIEL 38:19

Ra totopot sumangit mindagu Aku ra orou raginio tana' mogonggon ondo' makalalaa' masauk giu' ra pagun ru Israil.

GOSIA 11:10

Indagu Tuhan, “Mansangal Aku koson ra singa' ra pantula' ru ulun Kuno, am ulun Kuno maya' Raki'. Intor ra tampilon kalasaan matong ilo Raki' ra mataki'.

AMOS 1:2

Gitio noyo ondo' rinagu ri Amos, “Tuhan nansangal intor ra Bulur Sion, bolos Nano nonggolon intor ra Jirusalim. Padang ru sakot nasauk ra mapua', sakot giu' ra Gunung Karmil nasauk ra mapua'.”

AMOS 3:8

Paat ra singa' mansangal, osoi kia kalo malaa'? Paat ra Tuhan Raja' mindagu, osoi kia mokopongkoror am kalo nampatanou ra tanou Nano?

NAGUM 1:7

Tuhan no moonsoi; manindung Io ra ulun Nano paat ra ilo mapagon, magalung Io ra ulun ondo' sumindung Riso.

AGAI 2:6

Kalo boo mabuoi uyogon Ku limbowon am tana' ti, lantur am raat.

AGAI 2:7

Luiron Ku ngaangai' pamarintaan am ngaangai' rapu' nilo ibiton ra giti, saboi Baloi Kuno mososok ra kalangkayaan.

JAKARIA 10:12

Kaikangon Ku ulun Kuno; sumambayang ilo am gumagaya' Raki'.” Tuhan nakaindagu noyo.

JAKARIA 10:6

Kaikangon Ku mamagun ru Jiuda; mamayag Aku ra mamagun ru Israil. Makaasi' Aku risilo am magibit risilo ngaangai' muli'. Pamakuan Kuno risilo ilain koson ayuk ra ilo kalo igondo' Ku impayi'. Aku noyo Tuhan, i Aki Kapuuno' nilo; iowon Ku pakiasian nilo.

JAKARIA 9:12

Uli' kano, akau ulun pinatiran, raino makakalansanan kau; uli' kano ra intok sindungan min. Balain Takamin raino, ra barakaton Takamin induo ruli' no ra ngaangai' kaimbalaan ondo' nauma' min.

IBRANI 12:26

Paat ragili, bolos Nano nanguyog ra tana' ti, kaa' raino mokoondo' poyo bantu' Nano ra: “Igondo' poyo uyogon Ku tana' ti, am sala' ka ginio ayuk, kaa' limbowon poyo.”

PINAINTALANG 11:13

Paat raginio niayuk mogonggon tana' ti ra makalalaa'. Mopor piatus ru bandar no linunsai am tulu' ngaribu ngaulun pinatoi. Ulun ra bokon no malaa' boo kakaga', am nongongompor ilo ra kuasa' ri Aki Kapuuno' ra suruga'.

PINAINTALANG 11:19

Kaukab Baloi ri Aki Kapuuno' no giu' ra suruga' am Kaban Nabantuan i pana makito ra ralalom no. Nampaganit boo, nanimpalak, tana' ti mogonggon am riminasam ais batu ra maawas.

PINAINTALANG 16:18

Nampaganit, nanimpalak am tana' ti muyog ra makalalaa'. Intor ra talimpuun ru ulun ti sinauk, kalo igondo' tana' ti muyog koson raginio. Gitio ayuk poyo kainsaa' ru tana' ti muyog ra makalalaa' kaga'.

1 SAMUIL 15:29

I Aki Kapuuno' ondo' matulai, i Aki Kapuuno' ru Israil no kalo nagabau am kalo nangulau ra ginuang Nano, sabap ra Io sala' ka ulun.”