JOIL 3:10 - Tanou Moonsoi Timugon

¹⁰ Baluyo' mato ru radu' muno masauk ra ilang, am niayuk tantab koson saukon ra tutura'. Ulun ondo' malawo musiti' maya' mindagu: Aku tutumula'.

JOIL 3:10 ပူးပေါင်းရင်းမြစ်များ

2 TUNUNG RU BANSA' ISRAIL 25:8

Indoson mu ra mangikang ilo ra pulalai muno paat ra mampapatoi, kaa' i Aki Kapuuno' ayuk ondo' makakuasa' mangani' ra kamanangan kapoam kakalaan. Polosoon ri Aki Kapuuno' pantula' mangala rirun.”

JISAYA 2:4

Akimin No ngaangai' bansa' am manalasai ra pansasangaran nilono. Ilang nilo saukon ra radu', am tanggulan saukon ra pais pamutul. Ngaangai' bansa' kalo boo mangayou am kalo boo tumampos mongoi pamulunsar.

JIRIMIA 51:11

Namuir Tuhan ra guang ru raja'-raja' Midia sabap ra masaga' Io mamuso ra Babilonia. Koon raginio noyo ralan Nano mansuli' sabap ra Baloi Nano pinuso. Nanusub Tuhan, “Koloromo' noyo panah! Tomposo' noyo perisai!

MIKA 4:3

Manalasai Io ra pansangaran ra gino ngai' ru bansa'-bansa', ra gino ngai' ru kuasa'-kuasa' maayo ondo' mamaar am ondo' maalur. Mampalarom ilo ra ilang-ilang nilo masauk ra radu', am tutura' nilo masauk ra pais pamutul. Bansa'-bansa' kalo boo makapangayou, am kalo boo tumampos ra mangayou.

JAKARIA 12:8

Paat raginio sindungin Ku ilo ondo' minayan giu' ra Jirusalim, am niayuk ulun ondo' malawo kaga' pana masauk ra maikang koson ri Daut. Tingganayon ilo ru papag ri Daut koson tingganayon ru malaikat ru Tuhan am koson tingganayon ri Aki Kapuuno' galama'.

LUKAS 13:12

Kakito io ri Jisus, piawo' No, indagu Io, “Minan, nababas kono intor ra maruol muni!”

LUKAS 22:36

Indagu i Jisus, “Kaa' raino, osoi ayuk mokoondo' ra rumpit kapoam kantungan, ibito' noyo; am osoi ayuk kolondo' ilang, talanon no sukub nano pambabali ra ilang no.