JOIL 2:28 - Tanou Moonsoi Timugon

²⁸ “Kopongo raginio pasasaron Ku Ambiluo Kuno ra ngaangai' ulun: anak ungkuyon am anak ruandu' min mampatanou ra tanou Kuno; ulun matutuo min maginupi, am ulun mamulok min makakito ra napakitanan.

JOIL 2:28 ပူးပေါင်းရင်းမြစ်များ

AMSAL 1:23

Iningo' min aku mangila' ramuyun. Pinsanin takamin, am mantayar ramuyun ra katutunan kuno.

JISAYA 32:15

Kaa' igondo' poyo i Aki Kapuuno' matong ralalom kuasa' Nano. Tana' ra mapua' pana masauk malabung, am umo no mapaingkual ra ampos ondo' masuang.

JISAYA 40:5

Katulayan ru Tuhan pana pabalaan, am moonong ulun makatalinono'. Tuhan galama' noyo nambantu' no.”

JISAYA 44:3

“Pasasaron Ku timug ra tana' ondo' mapua', am patilison Ku sungoi-sungoi boborok ra intok mapua'. Pasasaron Ku Ambiluo Kuno ra anak-anak mino barakatin Ku papag mino.

JISAYA 49:26

Saukon Ku pantula' muno magauk ra raraa', saboi ilo galama' mampapatoi. Ngaangai' ulun pana makapandai, ra Aku, Tuhan, Mamamayag rirun; Ondo' Maikang kaga', i Aki Kapuuno' ri Jakub, Mamumuli' muno.”

JISAYA 49:6

Tuhan mindagu raki', “Kandoi ra maayo kaga' maginaa rirun, okou ulipon Kuno; okou sala' ka mapasaguli' ayuk ra suwo ru papag ri Jakub am mapatapuli' ra kinaayo ru bansa'-bansa' ru Israil, kaa' saukon Ku poyo okou ra sinda ru bansa'-bansa' maa' raginio titikop ru tana' ti bayagon.”

JISAYA 54:13

“Ngaangai' ulun muno masauk ra maamaya' Raki', lumangkaya' ilo.

JIRIMIA 23:25

Nakapandai Aku ra ngaangai' ondo' rinagu ru nabi-nabi. Ralalom inggalan Kuno nagabau ilo ra tanou Kuno inapu nilo ralalom ru inupi.

JIRIMIA 23:28

Nabi ondo' naginupi musiti' no mindagu, ‘Ginio inupi ayuk.’ Kaa' nabi ondo' nangapu ra tanou intor Raki' musiti' mampasaboi ra tanou no ra sotopot no. Atan kia rami no amon ru pinogondo' ra gandum!

YEHEZKIEL 36:27

Pasasaron Ku Ambiluo Kuno ralalom ru guang mino maa' raginio sumugut kau ra ukum Kuno am gumagaya' ra ngaangai' susuban ondo' tinaakan Ku noyo ramuyun.

YEHEZKIEL 37:14

Pasampuyon Ku painawo Kuno ra ralalom nilo koson mamayag risilo saguli'. Aku pana mangiou risilo mayan poyo giu' ra pagun nilo galama'. Makapandai ilo boo ra Aku noyo Tuhan. Binantu' Ku mambaal raginio am maaru' baalon Ku. Aku, Tuhan minindagu noyo.”

YEHEZKIEL 39:29

Pasasaron Ku Ambiluo Kuno ra ulun ru Israil, am kalo boo iruanin Ku ilo. Aku, Tuhan Raja', nakaindagu noyo.”

DANIL 7:1

Paat ra sarandaman, ra bilor kasaa' ra pamarintaan ru Raja' Bilsyajar koson ra raja' ru Babilonia, naginupi aku am nakaalap rondo' pinaintalang. Tinulisan ku inupi no am gitio noyo

JAKARIA 12:10

Mangani' Aku ra papag ri Daut am mamagun ru Jirusalim ra guang ondo' masaga' makaasi' am masaga' makiasi'. Magilong ilo ra ulun ondo' tinobok nilo, am manulaboi riso koson ra ulun ondo' manulaboi ra pinatayan ru anak langkuir. Manulaboi ilo ra malumpus guang, koson ra ulun ondo' natatakan ra anak ungkuyon katuaan.

UNTABAN 11:17

Tumuun Aku am mindagu rirun giu' ra intok raginio, am taakin Ku risilo santayaran intor ra kuasa' ondo' tinaakan Ku noyo rirun. Ra koson raginio, makapangindangan ilo rirun mansaan ra pinalansan ra ulun rati, am kalo boo misangulun kou mansaan raginio.

UNTABAN 12:6

indagu boo Tuhan, “Iningo' ragu Kutu. Paat ra mokoondo' nabi-nabi ra gino ngai' mino, minintalang Aku risilo am minindagu Aku risilo ralalom ru inupi.

LUKAS 1:67

I Jakaria, ama' ru lalagang no, kinuasa' ru Ambiluo ri Aki Kapuuno' am nampasaboi io ra pambalaan ru Tuhan. Indagu io,

LUKAS 3:6

Ngaangai' ulun ru tana' ti makakito ra ati kulaan i Aki Kapuuno' mamayag ra ulun!’ ”

JUANIS 7:39

Kon Nano am Ambiluo ri Aki Kapuuno' ondo' pootoron ra osoi ayuk ondo' mangintopot Riso. Kaa' paat ragili Ambiluo ti kalo poyo pinaator sabap ra katulayan ri Jisus kalo poyo pinatalang.)

RINALATAN 2:33

Kinayang Io mongoi ra intok makakuasa' ra tampilon pamiris ri Aki Kapuuno' am niayuk nakaapu ra Ambiluo ri Aki Kapuuno' ondo' binantu' ri Ama'. Ondo' makito am morongog min raino ti am Ambiluo no ondo' pinataak ri Jisus ramon.

RINALATAN 2:39

Ginio binantu' ri Aki Kapuuno' ramuyun am papag mino poyo, am niayuk ra ngaangai' ulun ondo' mangaalur intok – ioginio osoi ayuk piawon ri Aki Kapuuno', Tuhan takau, koson matong Riso.”

RINALATAN 21:9

Io mokoondo' apat ngaulun anak ralaa ondo' mapandai toojo mampatanou ra bala' intor ri Aki Kapuuno'.

GALATIA 3:28

Raino kalo boo nansasala' ulun ru Jaudi am ulun sala' ka Jaudi, ulipon am sala' ka ulipon, kapoam ungkuyon am ruandu'. Sabap ra rondo' kau ayuk ngai' ralalom ri Kristus Jisus.

IBRANI 1:1

Paat ra galing i, ingkukula' noyo i Aki Kapuuno' nampasaboi ra bala' ra nansalinut bayaan ra kinamatuaan takali ondo' pinabala' galing ra nabi-nabi.

1 SAMUIL 19:20

Ginio ra nanusub Raja' Saul ra kukula' ngaulun minongoi ra giu' no koson mamparakop ri Daut. Giu' no nakito nilo santimungan nabi tatanga' lumigo' am nagagampan giminolok, am tiningganai ilo ri Samuil. Ulun-ulun sinusub ru Raja' Saul pana kinuasa' ru Ambiluo ri Aki Kapuuno', am ilo pana tumalimpuun lumigo' am gumolok.

1 SAMUIL 19:21

Pokorongog Raja' Saul ra tanou raginio, nangator io ra masuang poyo ulun-ulun ra bokon. Kaa' ilo pana tumalimpuun lumigo' am gumolok. Koson ra kaintalu no Raja' Saul nangator ra ulun, kaa' ilo pana koson niayuk raginio nasauk.

1 SAMUIL 28:6

Nangkuot io ra Tuhan intor ra atan musiti' baalon nano. Kaa' Tuhan kalo timinaam, iou pana ra inupi, kapoam ra Urim am Tumim, kapoam ra pinabala' galing ra nabi.