JOIL 2:27 - Tanou Moonsoi Timugon

²⁷ Ginio ra, akau Israil, makapandai kau ra Aku soroi ra tatanga' min, am ra Aku, Tuhan iono i Aki Kapuuno' min, am kolondo' boo bokon. Ulun Kuno totopot kalo boo asabin.”

JOIL 2:27 ပူးပေါင်းရင်းမြစ်များ

MAZMUR 46:5

Mokoondo' santaun sungoi ondo' mapabansuk ra bandar ri Aki Kapuuno', intokon ri Aki Kapuuno' Ondo' Masawat Kaga'.

MAZMUR 68:18

Ralalom kaaparan ribu ru kurita' kuda Nano ra maayo, matong Tuhan intor ra Sinai mongoi ra intok ondo' matulai no.

AMSAL 1:23

Iningo' min aku mangila' ramuyun. Pinsanin takamin, am mantayar ramuyun ra katutunan kuno.

JISAYA 12:6

Musiti' no moonong mamagun ru Sion magilakup am marimbai. Aki Kapuuno' ondo' matulai, Aki Kapuuno' ru Israil no matulai, Minunor Io ramuyun.”

JISAYA 44:3

“Pasasaron Ku timug ra tana' ondo' mapua', am patilison Ku sungoi-sungoi boborok ra intok mapua'. Pasasaron Ku Ambiluo Kuno ra anak-anak mino barakatin Ku papag mino.

JISAYA 44:8

Pai' noyo kalaa', akau ulun Kuno! Nakapandai kano intor ra galing suku' ragino nanala' Aku no ra nansalinut kasaukan no; akau noyo sasi'-sasi' Kuno. Suai Raki', kolondo' bokon, am kolondo' manindung ra bokon ondo' kalo poyo napandayan Kuno.”

JISAYA 45:18

Tuhan noyo namangun ra limbowon, Io noyo i Aki Kapuuno'! Io noyo namangun am nambaal ra tana' ti, am tana' ti masauk ra mokotog. Kalo polosoon no intok raginio masiluk, kaa' intok raginio ayanin. Io noyo minindagu, “Aku noyo Tuhan, am kolondo' bokon.

JISAYA 45:5

“Aku noyo Tuhan; kolondo' bokon. Aniin Tokou ra kaikangan ondo' kasagaan Kuno, kabalu' pana okou kalo makaulig Raki'.

JISAYA 45:6

Gini noyo binaal Kuni maa' raginio intor ra sirangon saboi ra kalasaan ngaangai' ulun makapandai ra Aku noyo Tuhan; kolondo' bokon ondo' ayuk am Aku.

JISAYA 46:9

Karaa' noyo kasaukan-kasaukan ra galing i; Iowo' noyo ra Aku i Aki Kapuuno', am kolondo' bokon, Aku i Aki Kapuuno' am kolondo' mokogondo' Raki'.

JISAYA 49:23

Raja'-raja' koson ayuk ra pinakaama' mu ayuk, am andu'-andu' raja' pinakaina' mu ayuk. Migulatur ilo mangurumat rirun am kalo lumimbau ilo rirun. Okou pana makapandai ra Aku ti Tuhan; ulun ondo' lumansan raki' kalo sindualin guang.”

JISAYA 53:6

Itakau ngaangai' nakalayau koson ra domba, sigagama' ayuk ra ugar, am pinalumpa' ru Tuhan riso ngaangai' kalaatan takano.

YEHEZKIEL 37:6

Aniin Takamin ra uat am kual, am niayuk taubin kau ra kungkung. Aniin Takamin ra painawo maa' raginio maayag kau saguli'. Bagu no makapandai kau ra Aku noyo Tuhan.’ ”

YEHEZKIEL 39:22

Intor raginio boo Israil makapandai ra Aku noyo Tuhan, i Aki Kapuuno' nilo.

YEHEZKIEL 39:28

Makapandai boo ulun Kuno ra Aku Tuhan, i Aki Kapuuno' nilo. Makapandai ilo boo ra pinoloso Ku ilo pinatiran ra pagun ru ulun, kaa' timungon Ku niayuk ilo am ibiton ilo muli' ra pagun nilo galama', ra kalo tatangon sangulun pana giu' ra pagun namatiran.

YEHEZKIEL 39:29

Pasasaron Ku Ambiluo Kuno ra ulun ru Israil, am kalo boo iruanin Ku ilo. Aku, Tuhan Raja', nakaindagu noyo.”

JOIL 2:26

Kaa' raino mokoondo' kau ra akanon naukop saboi naasug. Mongompor kau ra Tuhan, i Aki Kapuuno' min, nambaal Io ra baal makaimuag ramuyun. Ulun Kuno totopot kalo boo asabin.

JOIL 3:17

“Ginio ra akau Israil, makapandai kau boo, ra Aku noyo Tuhan, i Aki Kapuuno' min. Mayan Aku giu' ra Sion, bulur Kuno ondo' matulai. Jirusalim masauk ra bandar ondo' matulai; ulun bansa' ra bokon totopot kalo boo mampagaau raginio.

JIPANYA 3:11

Paat raginio, akau ulun Kuno, kalo boo pana mauyu' kau sabap giminuor kano Raki'. Impayin Ku moonong ulun malilimbau am minsawat ragu; akau kalo boo gumuor Raki' giu' ra bulur Kuno ondo' matulai.

JIPANYA 3:17

Tuhan, i Aki Kapuuno' min mabaya' ramuyun; namanang kau sabap ra kuasa' Nano. Naansukan Tuhan am naansayan sabap akau; nangani' Io ramuyun ra kaayagan bagu sabap ra motogom Io ramuyun. Napabansuk kau ra guang Nano, am Io pana marimbai ra maansukan,

JAKARIA 2:9

“Tuhan galama' manggal ramuyun. Takawin kau ru ulun ondo' ragili ulipon min galama'.” Paat ra baal raginio masauk, ngaangai' ulun makapandai ra Tuhan Ondo' Maayo' Kaga' Kuasa' nanusub noyo raki'.

UNTABAN 11:29

Taam i Musa, “Mangkara' kou kia ra baal kutu? Malansan aku kaga' ra manaak Tuhan ra Ambiluo Nano ra ngaangai' ulun Nano, am mambaal risilo ngaangai' mampiau koson ra nabi!”

UNTABAN 23:21

Kolondo' kalaatan ra orou matong ru Israil, Kolondo' kapaganan ra orou matong nilo. Tuhan i Aki Kapuuno' nilo mabaya' risilo; Nangiou Israil Riso ra raja'.

2 KORINTUS 6:16

Mokoondo' kia sinungkalalaing sambaan ra Baloi Tuhan? Maaru' kolondo'! Itakau ti noyo Baloi Tuhan, ioginio i Aki Kapuuno' ondo' maayag. Sabap ra i Aki Kapuuno' galama' minindagu, “Rumondon Aku risilo am luminjau Aku ra tatanga' nilo. Masauk Aku ra Tuhan nilo, am masauk ilo noyo ra ulun Kuno.

SAGULION 23:14

Alungi' noyo maa' raginio pangkiman min kalo majamol, sabap ra Tuhan i Aki Kapuuno' min mabaya' ramuyun giu' ra pangkiman no koson manindung ramuyun am manaak ramuyun ra kamanangan intor ra pantula'. Pai' pambaal ra atan-atan ondo' kalo matanda', ondo' mangkinibit ra Tuhan mangiruan ramuyun.”

1 PITRUS 2:6

Sabap tinulisan noyo ra Buuk Kitab kon ragino, “Ilai', pinabanta' Ku noyo giu' ra bandar Sion rondo' batu ra mokologo, ondo' pinili' Ku ra batu maatang: am kalo noyo igondo' Io pangkinibit ra pangkausan ra ulun ondo' mangintopot Riso.”

PINAINTALANG 21:3

Korongog ku bolos mosongou intor ra takhta no, kono, “Raino i Aki Kapuuno' masimpung ra ulun. Mayan Io mabaya' risilo am masauk ilo ra ulun Nano. I Aki Kapuuno' galama' sumimpung risilo am masauk ri Aki Kapuuno' nilo.