JOIL 2:26 - Tanou Moonsoi Timugon

²⁶ Kaa' raino mokoondo' kau ra akanon naukop saboi naasug. Mongompor kau ra Tuhan, i Aki Kapuuno' min, nambaal Io ra baal makaimuag ramuyun. Ulun Kuno totopot kalo boo asabin.

JOIL 2:26 ပူးပေါင်းရင်းမြစ်များ

KASAUKAN 33:11

Malansan aku ra apuo' noyo taak ondo' inibit kuno rirun. Sabap ra moonsoi kaga' i Aki Kapuuno' raki' am nanaak Io raki' ra ngaangai' no.” Jajali' ri Jakub i Isau saboi nangapu ra taak no.

NIGIMIA 9:25

Ulun Muno nampagaau ra bandar-bandar ondo' mokoondo' ra kubu, tana' ondo' malabung, am baloi-baloi ondo' nososok ra rapu', tulubong ondo' kinali noyo, puun ru jaitun, puun ru kikinawa' am niayuk umo ru anggur. Nalabaan ilo ra akanon saboi mongolomok; nakasia' ilo ra ngaangai' taak Muno ondo' moonsoi.

MAZMUR 103:5

jinala' No aku ra kaayagan mongoonsoi, saboi aku mamulok ayuk am maikang koson ra susuit kanui.

MAZMUR 116:7

Kolondo' pagalabaan kuno, sabap ra moonsoi Tuhan raki'.

MAZMUR 13:6

Kaa' sumingkayut aku ayuk ra togom Muno ra mantilayun; maansukan aku sabap ra Okou namayag raki'. Rimbayin ku Tuhan, sabap ra moonsoi Io raki'.

MAZMUR 22:26

Ralalom pantitimungan maayo ru ulun mangintopot Rirun, omporon Tokou sabap ra ngaangai' ondo' binaal Muno; ra talupak ru ngaangai' ulun ondo' sumamba Rirun patutuyon ku taak ondo' binantu' kuli.

MAZMUR 37:19

Kalo maimbolo' ilo paat ra kapaganan; maukapan ilo paat ra bitilan.

MAZMUR 67:5

Gama' ru ngaangai' bansa' maansukan am marimbai maansukan, sabap ra natimpok Okou nangakim ra ulun am mangila' ra moonong bansa' ra tana' ti.

MAZMUR 72:18

Omporo' noyo Tuhan, i Aki Kapuuno' ru ulun ru Israil, Io ayuk mambaal ra baal-baal ra makaimuag toojo.

AMSAL 13:25

Ulun moonsoi masalok maukop ra akanon, kaa' ulun malaat masalok maitilan.

RIMBAI PANGAMPARAN 5:1

Matong aku ra intok pagitatanaman kuno, alii ra ambai am uoton kuno, manimung aku ra mur am apa' pampagamis ra akanon kuno; mangkan aku ra ruu' ru maningot am tambaloi nano, manginum aku ra gatas am wain kuno. Pangakan kau, rangan ku ngai', am panginum kau saboi kau magauk ra laai.

JISAYA 25:1

Tuhan, Okou noyo i Aki Kapuuno' kuno; mangurumat aku Rirun am mongompor ra inggalan Muno. Nambaal Kou ra kandoi-kandoi makaimuag kaga'; inatang Mu noyo intor poyo ra galing i; am pinaugar mu ralalom gogot ru guang.

JISAYA 29:22

Ginio ra Tuhan, i Aki Kapuuno' ru Israil, ondo' namayag ri Abragam intor ra kapaganan mindagu, “Akau ulun Kuno, Kalo boo tauyuon kau; bulos mino kalo boo mabula' sabap ra mauyu'.

JISAYA 45:17

Kaa' Israil bayagon ru Tuhan; pamayagan riso no mantilayun. Kalo tauyuon kau am asabin saboi ra sabuoi-buoi no.’ ”

JISAYA 49:23

Raja'-raja' koson ayuk ra pinakaama' mu ayuk, am andu'-andu' raja' pinakaina' mu ayuk. Migulatur ilo mangurumat rirun am kalo lumimbau ilo rirun. Okou pana makapandai ra Aku ti Tuhan; ulun ondo' lumansan raki' kalo sindualin guang.”

JISAYA 54:4

Pai' kalaa', kalo tauyuon kou; kalo asabin am maringkauyu'. Lilianin mu kalo gagayaan muli bulintok ra kinamuloko' muli; am kalo makakara' ra kasilukan muno koson sangulun napuor.

JISAYA 55:2

Atan pakuan manimpulus ra ruit amon kolondo' pakuan, am atan pakuan mangandoi amon kalo makaasug Gagayaa' noyo panusuban Kutu, am mangakan kau ra moonsoi, am makaakan ra pasulungon ra mangaamis.

IMAMAT 25:19

Tana' ru pagun no manangampos saboi makaakanon kau ra maukop am mayan ra giu' no ra namio-mio.

IMAMAT 26:26

Kalo manaak Aku ramuyun ra akanon saboi mopor ngaulun ruandu' makapakuan ra rondo' ayuk intok pangansakan ra ruti' koson mangansak ra ngaangai' ruti' ondo' soroi. Tukuon ruti' no, makaakan kau pana raginio, lakat kau poyo maitilan.

IMAMAT 26:5

Ampos ru tatanom mino masuang kaga' saboi lakat poyo mangkumos kau ra gandum paat pangupuan ra kawa' ru anggur, am lakat poyo mangupu' kau ra kawa' ru anggur paat pantanaman ra gandum. Mokoowot kau ra akanon ondo' maukop, am maayag mamio-mio giu' ra pagun mino.

MIKA 6:14

Mangakan kau, kaa' kalo maasug; maitilan kau ayuk. Mantakou kau ra kuliamos, kaa' kalo mabulian min. Ngaangai' atan ondo' pinauli min pusoon Ku ralalom ru pangayawan.

JIPANYA 3:11

Paat raginio, akau ulun Kuno, kalo boo pana mauyu' kau sabap giminuor kano Raki'. Impayin Ku moonong ulun malilimbau am minsawat ragu; akau kalo boo gumuor Raki' giu' ra bulur Kuno ondo' matulai.

JAKARIA 9:15

Tuhan Ondo' Maayo Kaga' Kuasa' manindung ra ulun Nano, pusoon nilo pantula'. Mampaluwau ilo koson ra ulun magauk mampaluwau, liliwa' mampasasar ra raraa' ru pantula'; raraa' ru pantula' tumilis koson ra raraa' ru taak simbalui, ondo' pinasasar giu' ra rasawat ru altar intor ra rondo' mangkuk.

JAKARIA 9:17

Mapara' bonsoi no am kinaantak ru pagun no ra tauli no! Ungkuyon mamulok am ralaa lumanja' maikang; gandum am wain mangikang risilo.

ROMA 10:11

Kon poyo ru Buuk Kitab, “Osoi ayuk mangintopot Riso kalo mangkaus.”

ROMA 5:5

Am kalansanan raginio kalo mangkinibit ritakau mangkaus, sabap ra nanaak noyo i Aki Kapuuno' ritakau ra Ambiluo Nano ondo' mampakito ritakau ra togom ri Aki Kapuuno'.

ROMA 9:33

Tinulisan noyo ra Buuk Kitab intor ra batu no koson ragitio; “Ilai', mapabanta' Aku ra batu giu' ra Sion, ondo' kasaruan ru ulun, rondo' batu maayo ondo' karatuan ru ulun. Kaa' osoi ayuk mangintopot Riso kalo mangkaus.”

SAGULION 11:15

am sakot tayar ru bibiag tinambiag min. Makaalap kau ra ngaangai' akanon ondo' kasagaan min.

SAGULION 12:12

Pakaansuk noyo ra saang ru Tuhan giu' ra intok raginio, mabaya' ra anak-anak mino, ulipon-ulipon mino, am ulun ru Liwi ondo' minayan ra bandar-bandar mino. Karaa' noyo ra ulun ru Liwi kolondo' tana' nilo galama'.

SAGULION 12:18

Akau am anak-anak mino, mabaya' ra ulipon-ulipon mino am ulun ru Liwi ondo' minayan giu' ra bandar-bandar mino, musiti' mangakan ra taak raginio giu' ayuk ra saang ru Tuhan i Aki Kapuuno' min, giu' ra rondo' intok ondo' pinili' ru Tuhan i Aki Kapuuno' min. Giu' ra intok raginio musiti' maansukan kau ra ngaangai' ondo' binaal min.

SAGULION 12:7

Giu' no, giu' ra saang ru Tuhan i Aki Kapuuno' min, ondo' nambarakat noyo ramuyun, mabaya' kau ra sasambaloi min mangakan am sumia' ra ngaangai' ampos ru kandoi min.

SAGULION 8:10

Makaalap kau ra ngaangai' ondo' moogot min akanon, am maringkuanang kau ra Tuhan i Aki Kapuuno' min tayar ru tana' malabung ondo' taakin Nano ramuyun.”

1 TIMOTIUS 6:17

Pinsono' noyo ilo ondo' langkaya' ra kalo noyo minsawat guang am kalo lumansan ayuk ra kalangkayaan nilai ti, ondo' kalo noyo makapantilayun. Kaa' moonsoi ru lumansan ilo ayuk ri Aki Kapuuno' ondo' mangani' ritakau ra ngaangai' ru kalangkayaan Nano koson ra katasuan takau.

1 JUANIS 2:28

Pabukat kau ngaangai', pagulayun kano simpung ri Jisus Kristus! Paat ra ratangan Nano, makakau' takau toojo muma' Riso, am kalo mansibuni sabap ra mauyu'.