JOIL 2:24 - Tanou Moonsoi Timugon

²⁴ Intok pangagikan ra gandum mososok ra gandum, am intok mamaga' ra kawa' ru anggur malabaan ra wain am umau jaitun.

JOIL 2:24 ပူးပေါင်းရင်းမြစ်များ

YEHEZKIEL 36:8

Kaa' puun-puun tataun giu' ra kagunungan ru Israil makaraun am makakawa' saguli' ra tayar min, Israil kau, ulun Kuno. Kalo boo mabuoi makauli' kau.

JOIL 3:13

Malaat ilo kaga', putulo' ilo koson ra gandum bulintok ra mangkumos; pagaa' ilo koson ra kawa' ru anggur giu' ra intok pamagaan ra kawa' ru anggur saboi wain lumimpak.”

JOIL 3:18

Paat raginio gunung libungin ru umo ru anggur; bibiag tinambiag soroi giu' ra moonong bulur; ngaangai' sungoi giu' ra Jiuda totopon ra timug. Rondo' sungoi tumilis intor ra Baloi ru Tuhan; sungoi no manimug ra Limayak Akasia.

IMAMAT 25:19

Tana' ru pagun no manangampos saboi makaakanon kau ra maukop am mayan ra giu' no ra namio-mio.

IMAMAT 26:10

Ampos ru tinanom mino masuang kaga' saboi maukop ra sambilor. Mulu' poyo ingkualon min kalalaat suwo ru kinumos ra lair maa' raginio makapambulian ra ondo' kumoson bagu.

AMOS 9:13

Indagu Tuhan, “Masaboi paat nano, paat gandum tumuu' ra mataki' saboi bulintok mangkumos kolondo' pupus nano. Puun ru anggur tumuu' ra mataki' kaga' gumayo saboi mambaal ra wain kalo lumonggo'. Wain ra matamis momosok intor ra kagunungan, am tumilis intor ra kabuluran.

MALIAKI 3:10

Ibito' min ngaangai' sampiopor min giu' ra Baloi Kuno maa' raginio mokoondo' masuang akanon ra giu'. Pangkinam kano Raki', am makito min Aku mangukab ra gigimpalan-gigimpalan ru suruga' am labain kau ra ngaangai' ondo' moonsoi.