JOIL 2:23 - Tanou Moonsoi Timugon

²³ “Pakaansuk kano, akau mamagun ru Sion, pakaansuk kano sabap ra atan ondo' binaal ru Tuhan, i Aki Kapuuno' min ramuyun; Nangani' Io ra rasam ondo' maukop bulintok raun tumutu', Namparatu' Io ra rasam bulintok ra masimu' am rasam bulintok ra mambusak koson ragili.

JOIL 2:23 ပူးပေါင်းရင်းမြစ်များ

1 RAJA'-RAJA' 8:36

gama' ru Okou giu' ra suruga', mangkirongog risilo. Ampuno' noyo tula ru raja' am mamagun nano, ulun ru Israil. Mopongo raginio, iou Tuhan, patuuno' noyo rasam ra pagun Muti, ondo' pinataak Mu ra ulun Muno koson ra longgom nilo ra sabuoi-buoi no.

AYUP 33:23

Maaru' lair rondo' intor ra saribu malaikat ri Aki Kapuuno', malaikat ondo' mampakara' ra sasangulun ra kandoi nano, matong mangindangan riso.

AYUP 37:13

Namparatu' i Aki Kapuuno' ra rasam koson mamasa' ra tana' ti, kapoam koson mangukum ra ulun, kapoam koson manulu' ra taak Nano.

MAZMUR 104:34

Gama' ru rimbai kuno mapabansuk ra guang Nano, sabap ra Io noyo napakaansuk ra guang kuno.

MAZMUR 147:8

Pinabingkal No gaun ra limbowon; pinatuun No rasam ra tana' ti, am napatuu' ra sakot giu' ra bulur.

MAZMUR 149:2

Pakaansuk kano, ulun ru Israil, sabap ra Namangun mino; pakaansuk kano, namagun ru Sion sabap ra Raja' mino!

MAZMUR 28:7

Tuhan no manindung am manungka' raki'; mangintopot aku Riso. Mangindangan Io raki' am mapabansuk ra guang kuno; omporon ku Io ra rimbai paringkuanangan.

MAZMUR 32:11

Pakaansuk kano, akau ulun ra motopot, sabap ra ngaangai' ondo' binaal ru Tuhan. Pagilakup am pakaansuk no, akau ngaangai' ulun mabanis guang.

MAZMUR 84:6

Pakaansuk noyo ilo ondo' nakaalap ra ikang intor Rirun, am ondo' makaguguang mongoi sual ra Bulur Sion.

AMSAL 16:15

Taak ru raja' koson ayuk ra gaun maparatu' ra rasam bulintok tampio; taak nano manaak ra kaansukan ru bayag.

JISAYA 30:21

Amon lumisang kau ra pamiris kapoam kait, morongog min bolos Nano giu' ra talikuron mino mindagu, “Gitio noyo ralan ti, baya' kano ra ralan ragitio!”

JISAYA 30:23

Bulintok ra akau mapatias ra sampug, Tuhan maparatu' ra rasam maa' raginio sampug no tumuu'. Manaak io ramuyun ra ampos masuang, am bibiag mino naatang noyo padang ru sakot ondo' malangka'.

JISAYA 41:16

Ngaangai' no atapin min, am ngaangai' no masiob ru angin, am pantabuliason ru bagiu'. Akau pana maansukan sabap ra Aku i Aki Kapuuno' min; omporon min Aku, i Aki Kapuuno' ru Israil, i Aki Kapuuno' ondo' matulai.

JISAYA 61:10

Jirusalim maansukan sabap ra baal ondo' binaal ru Tuhan. Baal ru Jirusalim koson ra sangulun uoton ondo' nalimpor ra kuliamos makaantak. Ginio niayuk ri Aki Kapuuno' mapapakai ra pamayagan am kamanangan ra Jirusalim.

JIRIMIA 3:3

Ginio sabap ra rasam kalo rumatu', am rasam paat ra mambusak kalo matong. Nansalu kou ra ulun mantalan ra inan; mailo kou ra mauyu'.

JIRIMIA 5:24

Kalo igondo' min karaa' koson mangurumat Raki', alika Aku noyo nangator ra rasam bulintok raun matutu' am bulintok mambusak. Nangani' Aku niayuk ramuyun ra bulintok mangkumos ra moonong bilor.

SULABOI 4:2

Ragili kamulakan ungkuyon ru bandar Sion koson ra mas ondo' mokologo, kaa' raino pinamakuan risilo koson ra rarapu' tembikar.

YEHEZKIEL 34:26

Mambarakat Aku risilo am mangiou risilo maayag ra libung ru bulur Kuno ondo' matulai. Giu' no mambarakat Aku risilo ra rasam bulintok ra ilo makapakuan no.

GOSIA 6:3

Ibok pirot takano koson mulig ra Tuhan. Maaru' matong Io ritakau koson ra orou tumawang, am koson ra rasam ondo' mamasa' ra tana' ti bulintok ra mambusak.”

IMAMAT 26:4

mapatuun Aku ra rasam ra matuma' paat no maa' raginio makapanangampos tana' mino am mangkawa' puun-puun no.

AMOS 4:7

Aku nongompong ra rasam rumatu' paat ra tatanom min musiti' maasa' ra timug. Paratuon Ku rasam giu' ra rondo' bandar kaa' kalo paratuon ra bandar ra bokon. Rondo' umo marasaman, kaa' umo ra bokon mapuaan.

JAKARIA 10:1

Pakitaak ra Tuhan mamparatu' ra rasam bulintok mambusak. Tuhan noyo ondo' mamparatong ra gaun majuut am rumasam saboi umo-umo sumansam ra tayar ru moonong ulun.

JAKARIA 10:7

Mamagun ru Israil masauk ra maikang koson ra ulun tutumula', am maansukan koson ra ulun ondo' nanginum ra wain. Papag nilo mangkara' ra kamanangan ti, am maansukan sabap ra binaal ru Tuhan.

JAKARIA 9:13

Pakayon Ku Jiuda koson ra busur ru ulun tutumula', am Israil koson ra anak panah. Pakayon Ku mamagun ru Sion koson ra ilang, koson mangayou ra ulun ru Junani.”

JAKARIA 9:9

Pakaansuk kano, akau mamagun ru Sion! Pagitapap kano, akau mamagun ru Jirusalim! Ilai', raja' min matong! Matong io ra katulayan am kamanangan, kaa' ra minggana' guang, matong io nangura' ra kaladai, am nangura' ra anak kaladai ondo' mamulok.

RINALATAN 14:17

Kaa' kalo linilianan No nangani' risilo ra tatandu' ra Io ti soroi ralalom ru binaal moonsoi Nano: Mamparatu' ra rasam intor ra limbowon am niayuk nampasalula' ra tutuu' ru tana' paat ra pangkawaan nano; mangani' Io po ra akanon am katasuan ru guang min.”

SAGULION 11:14

Amon ru mambaal kau koson raginio, mamparatu' Io ra rasam ra tana' min ra bulintok nano, bulintok mopongo mangkumos am bulintok tumalimpuun mantanom. Koson raginio boo mokoondo' kau ra gandum, wain, umau jaitun,

SAGULION 28:12

Tuhan mamparatu' ra rasam ra bulintok nano intor ra intok pambulian ra rasam giu' ra limbowon; mambarakat Io ra ngaangai' kandoi min maa' raginio makapapaira' kau ra masuang bansa', kaa' akau galama' kalo boo magira' ra atan pana intor ra osoi pana.

SAGULION 32:2

Pangilaan kuno rumatu' koson ra timug ru rasam, am masauk koson ra bolobou rasawat ru tana'. Ragu ku rumatu' koson ra rasam ondo' manguas ra tatanom mamulok, am koson ra rasam manulabuk ondo' rumatu' ra ralimbou ru sakot.

PILIPI 3:1

Pabukat kau, koson ra mamupus; pakaansuk kano sabap ra nakasimpung kau noyo ra Tuhan. Kalo niayuk mantipagon raki' amon ru sagulion ku poyo atan ondo' tinulisan ku noyo ramuyun i, sabap raginio mapasingkot poyo ramuyun.

PILIPI 3:3

Sotopot no itakau noyo ondo' makaulig ri Aki Kapuuno' sala' ka ilo, sabap ra itakau ti ondo' sumamba ri Aki Kapuuno' maya' ra indangan ru Ambiluo Nano galama'. Am itakau niayuk maringkuanang sabap ra nakasimpung noyo ri Jisus Kristus. Intor raginio kalo boo malansan takau ra kaulayan ondo' binaal ayuk ru ulun.

PILIPI 4:4

Gama' ru masalok kau makaansuk sumimpung ra Tuhan. Sagulion ku poyo; pakaansuk kano!