JOIL 2:22 - Tanou Moonsoi Timugon

²² Akau bibiag, pai' kalaa', sabap ra padang sakot raino masansam, puun mangkawa', am kawa' ru ara am niayuk kawa' ru anggur pana masuang.

JOIL 2:22 ပူးပေါင်းရင်းမြစ်များ

KASAUKAN 4:12

Amon ru mangkinam kou pana magitanom, tana' ti kalo mapasalula' ra ampos; masauk kou ra sangulun tumanggau ayuk am kolondo' intok muno ra tana' ti.”

MAZMUR 36:6

Iou Tuhan, togom Muno koson sawat ru limbowon, am gagaya' Muno makasuku' ra kinasawat ru gaun.

MAZMUR 65:12

Sabap ra kinoonsoi Muno ampos ru tatanom mauli' kaga'! Ati ayuk pana ongoyon Muno, masalok malabaan ra akanon.

MAZMUR 65:13

Limayak ra makasakot masuang kaga' bibiag tinambiag; ngaangai' bulur maansukan kaga'.

MAZMUR 67:6

Gama' ru bansa'-bansa' mongompor Rirun, iou Aki Kapuuno'; gama' ru ngaangai' bansa' mongompor Rirun!

JISAYA 51:3

“Jirusalim, bansukon Tokou, am ngaangai' ondo' minayan ra napuutan Muno. Padang-padang muno ra mapua' saukon Ku ra taman, koson ra Idin, taman Kuno ra malabung. Giu' no ulun maantak am maansukan, am maringkuanang ra marimbai-rimbai.

YEHEZKIEL 36:30

Ruangin Ku ampos ru puun kinawa' am ampos ru umo mino, maa' raginio kolondo' boo bitilan ondo' mampauyu' ramuyun ra gino ngai' ru bansa'-bansa'.

YEHEZKIEL 36:35

Moonong ulun mindagu boo ra tana' ondo' ragili kolondo' tutuu' nasauk boo koson ra Taman Idin, am bandar-bandar ondo' linunsai, tinakawan am pinoloso napuut, raino nasauk ra bandar mokoondo' ra kubu am inayanan ru ulun.

YEHEZKIEL 36:8

Kaa' puun-puun tataun giu' ra kagunungan ru Israil makaraun am makakawa' saguli' ra tayar min, Israil kau, ulun Kuno. Kalo boo mabuoi makauli' kau.

JUNUS 4:11

Maaru' Aku makaasi' poyo ra Niniwi, bandar ondo' maayo no sabap ra giu' no mokoondo' nasailan ra 120,000 ngaulun lalaing ondo' kalo mapandai mampasuai ati moonsoi am ati malaat, am niayuk masuang kaga' bibiag.”

AGAI 2:16

Minongoi kau ilong ra tinuntur ra gandum am nangkara' ra makaalap 200 ngakilogram gandum, kaa' sotopot no mokoondo' 100 ngakilogram ayuk. Minongoi kau suuk ra 100 ngalito wain intor ra tuung ru wain, kaa' ondo' soroi 40 ngalito ayuk.

JAKARIA 8:12

Mampatias ilo ra sampug ra kaansayan. Puun ru anggur nilo mangkawa', tana' mangani' ra ampos, am rasam rumatu'. Mangani' Aku ra ngaangai' ru barakat ti ra ulun intor ra bansa' ti ondo' lakat poyo naayag.

1 KORINTUS 3:7

Sala' ka ulun ondo' mantanom kapoam manguas no maatang. Kaa' i Aki Kapuuno' ayuk maatang, sabap ra Io noyo mapatuu' ra tatanom no.